白雪和我: 登機

呢一個星期，除左我突如其來嘅表白之外，並沒什麼特別。

除左雪瑩，Charlotte，婷婷，我叫埋心愉，日月夜兩兄弟，肥仔強，阿言，庭雪。

全部錢我同阿言老豆出曬。

好啦，話咁快終於一星期後，我地去日本會留5日4夜嘅，呢次旅行其他人嘅目的係玩，而我同阿言係好忙嘅。

我地離開香港係爲左避開黑帝然後諗下一步嘅計劃，除此之外，我仲要令到婷婷愛上我……



一個困難任務……

「好耐冇去旅行啦……」我扮曬開心，實則好撚單

「你咁開心都知你充滿童真㗎啦。」庭雪條撲街，其實我煩惱多過開心……

「有人請先最正」肥仔強梗爽，第一次去旅行坐飛機。

「人地最講義氣又點會拋棄兄弟？」月夜……



「不過佢最近有啲重色輕友……」日夜！

此時婷婷有點不敢直視我……

「係囉撲街樂！」比人全體屌，包括老母。

「頂我投降，再唔行架機走㗎喇，係咪仲唔行？」

「唔係，行咪行囉。」呢個心瑜寸左咁多嘅……



我地坐頭等啦緊係，去東京路程雖不長，但坐得舒服比較重要。

「成世人第一次坐飛機就坐頭等，樂仔好兄弟。」你爆我秘密我都未當你契弟㖭……

「哈哈你之後自己出錢去我相信你唔會捨得坐頭等，貴過普通位一倍。」對於常人黎講，的確係貴……

「前往東京的航班即將起飛，請乘客上機。」

「出發啦。」我老母同阿言老母都鍾意去旅行，尤其當老母完左份 job 嘅時候就會去環遊世界。

我地逐一登機，坐位如下：

我媽 言媽
日夜 月夜
雪瑩 芷瑩


庭雪 心愉
阿言 肥強
我 婷婷

一坐低，大家都發現得一 pair 係異姓一齊……

「坐咁後，肯定有啲不可告人嘅秘密？」肥仔強……

「可能係後面熱吻？」阿言，你……唉……

「咳咳！大家聽一聽，我地去到東京之後先會去酒店分房，明未？」我都係唔理多餘野，因為婷婷塊面已經紅紅地。

「好明白。」

於是，我的日本之旅開始了。