突然一把聲音傳來。

 「唉,望著星儀姑娘咁樣,又於心何忍呢。」說話的人是老年外貌的莊子。

 「老嘢?」星儀訝異地說

 「隨心佢唔可以講嘅就等我講啦。係裡面嘅隨心都要聽清楚。」

 我想阻止莊周,可是他的眼神告訴我,他主意已決。





 「首先,我地要對付嘅敵人係光明會,或者講係圓桌騎士團,由魔化嘅亞瑟王所控制嘅世界最大勢力。

 係星儀本來嘅時空入面,晨哥,肥仔,詩詩都成為左隨心你嘅眷屬,然後相繼戰死於沙場。

 而你最後亦都難逃一劫,但果位上帝不忍係所有時空入面最有機會戰勝亞瑟王嘅葉隨心就咁死去,因為如果呢一個葉隨心死左,未來千年入面有九成以上嘅未來都係被邪惡統治。 

所以佢做左三件事:

 第一,佢用一個最冇用嘅葉隨心做觸媒,令最強嘅葉隨心嘅靈魂同力量用呢一個時空嘅肉體重生。但呢個過程會令隨心出現雙重人格,冇錯你可以再嚟一次純粹因為上帝覺得你係最冇用。





 第二,誘導未來嘅星儀返嚟呢一個時空,幫助隨心可以更快恢復戰力,不過穿越時空嘅損耗太大,星儀姑娘差啲就一命嗚呼,所以老夫用左一種頗為痛苦嘅夢境嚟激起星儀姑娘嘅求生意志,所以被星儀姑娘痛恨都係無可厚非。

 第三,佢搵左我呢副只有眼力特別好嘅老骨頭幫手,睇左一次呢個時空嘅未來。計算出一套最合適嘅對策。

 詳細內容我已經同左黃帝講,日後佢會提點你地。

 唯獨有一樣嘢要謹記,星儀姑娘,呢個世界無論如何都需要你仲有你嘅後代。

 而冇用嘅隨心,我相信你唔係完全冇用,只係太舒適嘅時空令本來好懦弱嘅你冇契機變強,因為你同果一位可以隻身對抗世界黑暗都可以力保不失整個世紀嘅葉隨心係根本上係同一個人。





 而你同詩詩姑娘嘅事,只能說是不幸。因為詩詩注定係紅顏薄命,係動盪嘅時空唔會長命,而係平靜安逸嘅時空嘅葉隨心又懦弱到會同佢失之交臂,有緣無份啊,可以係亂世救返詩詩姑娘嘅未來......連我都睇唔到,所以真係恕老夫無能為力。

 我要講嘅都七七八八,可惜唔可以再教你地啦......但我希望你地可以好好享受多一次中學嘅生活,對你地嚟講唯一嘅平靜日子。所以呢個就當係我嘅小禮物啦。」

  莊子給了我們一個盒子……

 「老嘢你講咩呀? 點解好似......」星儀面色十分凝重。

  大概她也知道莊子的下場吧。只是不願意去接受......即使說著討厭,其實也有一份尊敬在心底吧。

  「哈哈,我其實已經太長命啦,遲早都要失去肉身架啦,呢副老骨頭可以換取未來嘅一絲希望,都算係用得其所,生死本來就係世間之道,唔需要太在意。」  這一夜,莊子他死了,所謂天機不可洩漏,原因係會損壽,愈準確嘅天機愈係致命......他的確是一個不節不扣的偉人,為左大局,置生死於度外......  然後,在這夜,我叫了詩詩出來在一間糖水店見面。  只見笑著出現的詩詩,一看到星儀坐在我身邊就臉色大變。  「詩詩,你冷靜啲聽我講,我唔係鐘意你果位隨心......」  然後我將事情的原委說了一次......  「好難接受喎......但如果係真嘅,咁你同星儀都真係幾慘嘅......同埋我會死?」  星儀突然開了口說:「所以我有一個提議,我同你都鐘意呢個衰人啦。咁不如......」  「不如咩呀?講明先,要分男朋友我一定唔制架。」詩詩堅決定說。

  「我都唔會比我老公任何人,莊子講過,佢會有雙重人格係因為佢有兩份記憶,咁如果佢失左憶,咁雙重人格自然會消失,然後我地就可以公平競爭。」星儀也不甘示弱。

  「其實呢個提議,係莊子嘅意思,莊子比左一粒藥我,一粒食左可以將兩個我整合為一嘅藥,但代價係我會失去所有同愛情有關嘅記憶,所以你地會變成普通嘅朋友......所以我一定要同你講。」我說





  「其實本身我係反對,但老嘢比得我地一定有佢用意……而且我對我老公好有信心,所以我未驚過。」星儀抱著了我

  「你放手呀,我都唔會輸比你,不過我有條件,我要一齊戰鬥,保護自己,同埋如果我唔一齊戰鬥嘅,咁你可以同佢肩並肩,我唔得,我咪好蝕。同埋咁樣我先知你地係咪講真話。」詩詩不服輸地說

  「好呀,你可以成為佢第二位眷屬架。不過第一位呢,唔好意思老娘一早霸左,哼!」星儀依舊是不服輸

    冇錯就係啱啱,星儀再次成左我嘅眷屬,而家我終於可以見返佢果對紅色嘅雙翼啦,我嘅天使老婆呀。

  而眷屬嘅儀式好簡單,只要詩詩飲一滴我嘅血然後我錫佢額頭一下就完成。   
除左係我錫果陣,老婆嘅殺氣有啲大之外,同詩詩見到自己多左九條紫色嘅尾有好大反應之外都冇咩大問題。然後我地就各自返左屋企。

  總之由聽日開始,我地三個就會開始訓練,而且係以朋友身分重新開始。

  我問了一下另一位自己準備好了嗎,然後吞下了藥,接著就昏睡過去。





  清晨五點,頭昏昏的我由睡夢中醒來。換好了一身運動的裝備,預備跟我的兩位美人胚兒開始晨練。

 我是穿越回來拯救世界的英雄,葉隨心。這就是我唯一知道的事。

 
已有 0 人追稿