《再來一次，然後成為英雄》: 14.日常之轉

到了放學後……

「心仔，得唔得閒呀?」說話的人是星儀

 「星儀女神叫到，實得啦，做咩先?」為了沖淡午餐時的尷尬，我決定要變得輕浮。

「唔……一齊食糖水?」 
看來星儀沒有介意就是了。 

「哇， 凈係你個樣已經夠甜啦，仲要加埋糖水，想我糖尿病咩?」我繼續輕浮地說。 





「葉．隨．心」星儀叉著腰說。 

「係……係度，等緊姐姐帶我食糖水。」我用極度欠揍的口吻說 

「廢事睬你。」星儀別過了面。 

「姐姐唔好唔要我~」我再次用極度欠揍的口吻說 

然後到了糖水店……





 星儀的表情突然變得十分嚴肅，害我都不敢說話了。

 最後，我戰戰競競的開了口:「劉星儀小姐，請問你做咩咁嘅表情呢?」

 「你答我，你可唔可以應承我一樣嘢?」

 「星姐叫到，刀裡刀裡去，火裡火裡火裡去啦。」我拍著胸口說

 「嘻，咁又唔洗嘅，係咁嘅………我想你……」





 二十分鐘後………

 「唔得啦星姐……停手呀……我細佬，唔係，細佬我頂唔緊啦」我奄奄一息地說

 「又話刀裡刀裡去，火裡火裡火裡去嘅，得把口，冇鬼用!」

 「大俠……饒命呀，成間鋪嘅甜品都比你叫晒咁濟啦……你樣樣凈係食一啖……我真係唔得啦。」

 「咪好囉，有免費甜品食，仲想點呀?又係你成日話自己唔會肥，驚呀?」

 這一刻我終於知咩叫啞巴吃黃連……雖然我吃的是甜的。

 「不過我都滿足啦，多謝你陪我食左咁多，我都要返屋企啦，聽日見啦~」 





休息了一會之後，我決定去散一會兒步，消消那種難受的肚脹感

 然後有一把熟悉的聲音在我身後傳來「心仔，咁岩嘅?」是一身校服的詩詩，應該是剛剛在學校練完琴吧。

 「做咩咁嘅樣嘅? 唔開心?」詩詩問道。

「我……」

「咁就啱啦，跟我嚟啦」


完全沒有打算聽我的回應嗎? 

然後我被她拖走了……





 然後又回到那熟悉的糖水店……

 「你不如一槍打死我啦。」我心中默念

 「嘻嘻，唔開心就唔好講咁多，食甜嘢就至啱，我幫你叫埋架啦，我地兩份食啦」 

五分鐘後……

一個巧克力大餐呈上了我的面前，上甜品的男店員離開前拍了一下我的肩，仿佛說了一句沒聲音的加油…… 

同樣地，詩詩都是每款都只吃了一口，其餘的都歸我了，本著對廚師的尊敬，我還是食光了，平日被稱為黑洞胃的我，今天似乎見到黑洞的盡頭了。