雜寫 - dayDream ft Henley 許亮宇「最緊要好玩」: Oh! Scandal !

星期六，開電視拖地中，睇到Scandal既下弦之月既PV，一聽便愛上。

http://www.youtube.com/watch?v=uP6UYVIYyUg
其實自己好耐無聽外語歌，主要因為唔知歌詞既意思。

但下弦之月既吸引力，在於歌曲輕快衝勁既節奏，加上歌者樂觀，滿懷希望既演繹，更加喜歡 3分3~ 22秒開始既一段，如此編曲令到首歌既感覺更完滿，為成首歌找到出路一樣，聽得出一個故事。

曲既旋律，歌者既演繹，歌詞既意境，形成故事。至於外語歌嘛…唔知佢唱乜，就用自己既想像力形成意境，填補故事，靈感就是如此爆發，一向如是。

聽過下弦之月後，就開始追返Scandal既歌，剛出道時，歌曲爆發感強，有年青蠻衝之感，偏向Rock，依家變得Pop好多，見到網上好多師兄因此評擊，由girl’s band 變做girl’s group。從前嘛，好鍾意參與如此討論，現在又無乜感覺，反正聽歌其實係好個人既事，鍾意就鍾意。





成日覺得其實歌無分好壞高低，只分感覺心情。

你說電燈膽幾差都好，感覺對了，就算聽電燈膽都可以loop成日。

所以音樂上搵到同好有時係幾開心，因為係好”個人既事”上搵到相同頻道既人，滿是冥冥中自有主宰。

雖然打了一大篇，但喜觀還不是一剎之感……喜歡這回事嘛，就好似足球起腳射門，籃球起手射波一樣，有一大篇理論去解釋為何在這位置射門，但起腳的決定一剎，還不是…感覺對了，去吧。

當然，喜歡 --> 感覺對了--> 背後總會有一大堆經驗支持。





所以喜觀可以滿是理由，又可以沒有理由。

所以我總不會說，我射入靚波/ 撲到金球，全因符碌，因為背後一定有經驗去支持的。

所以我總不會說，我喜觀Scandal，全因佢地都幾靚女，因為背後一定有經驗去支持的。