【陸月添故事系列】《等一個人茶走》: Ch4 久違的信息

到了晚上六時，我終於下課回家了。

在回家途中，我打開whatsapp的家群組，問恆輝和健華：「今晚食咩呀？」

恆輝答：「一陣出去買餸，今晚煮飯食」

健華：「我想食焗芝士海鮮飯」

我：「咁你地去買先啦，我依家先上到車」



恆輝：「ok」

我坐巴士回家的車程差不多需要一小時，我在巴士上看著窗外的風景，已經離開了市區進入高速公路，看著市區的高樓大廈逐漸變小。

我戴著耳機聽音樂，便想起在飛機上遇到了Nancy。我在想Nancy為什麼拿了電話號碼又沒有找我呢，是不是已經忘記了我。

不知不覺已經到站了，下車後還要走一段路，差不多要走五分鐘。

我回到家後恆輝已經在煮飯了，平常三人的晚餐都是恆輝負責，他經常煮西餐，例如扒類。



「我番黎啦」我關上大門

恆輝看一看我：「就黎食得飯架啦」

我準備上樓梯：「唉好累，出面又熱，我上去換件衫先」

恆輝問：「你點解唔揸車番學？」

我停下腳步：「學校泊車好貴呀，搭巴士有學生價平好多，有必要時先揸番學」



恆輝：「哦都係嘅，如果搭巴士無學生價真係gg」

我：「係囉，我遲啲應該會踩滑板代步去巴士站，一定好正」 恆輝：「我都有諗過，但番到學校唔想拎住塊板」

我：「拎住塊滑板幾型呀哈哈」

然後，我便回到房間換衣服了。

到了第二天早上，星期六不用上課，我們準備去家附近的籃球場玩滑板。

我：「行得未呀？我地要快啲進行我地嘅跳板訓練」

「ok，行得啦」恆輝拿著自己的滑板走來

我的滑板是黃黑色寫著牌子的名字，而恆輝的滑板是黑白色的，健華的滑板是全紅色。



我們踩著滑板衝往籃球場方向，沿途沒有人阻礙，一直勇往直前。

「今日我地練幾耐呀？」我踩著滑板回頭問

健華：「踩兩三個鐘啦，一陣去邊食lunch？」

恆輝：「試唔試新果間茶餐廳呀？」

我：「夜晚先啦，夜晚有台灣姐姐」

「咩台灣姐姐？」恆輝和健華同時問

我：「有個侍應係台灣姐姐黎，個樣我覺得有啲似劉亦菲，好有氣質，又可可愛愛咁」



健華：「又唔早啲講，咁要去睇下啦」

恆輝：「好，今晚食果間」

我問健華：「你又有興趣咩？」

健華：「我淨係中意鬼妹」

我：「得啦得啦」

他們到了籃球場開始玩滑板。

⋯⋯

我們玩完期待已久的滑板後便收拾東西歸家。



我看一看電話，原來有一個未知電話傳來的whatsapp信息，我即時在想可能是Nancy傳來的。

我打開信息看

未知人：「hi，你估下我係邊個？」

我按下對方的個人照片來放大看，照片裡的人正正是Nancy，但她身邊有一位男生，感覺很親密，應該是她的男朋友。

「唔知呀，你係邊個？」我裝作不知道

Nancy：「搞錯呀，咁快唔記得我」

我：「講下笑炸，我記得呀Nancy」



我把她電話號碼存入聯絡人資料。

Nancy：「哇我以為你真係已經唔記得我」

我：「唔會啦，反而我以為你唔記得我，見你唔耐都未搵我」 

Nancy：「你好想我揾你咩lol」

我：「唔知呀，我又無你電話」

Nancy：「因為我前幾日都好忙，又要搬屋」

我：「搬屋係好煩，你住邊架？」

Nancy：「我住xxxxx」

我：「下，我住xxx喎，同你都算近近地」

Nancy：「lol 得閒出黎食下飯囉」

我：「好呀」

然後沒有對話，不過我很高興她終於聯絡我了。