【陸月添故事系列】《等一個人茶走》: Ch9 二等兵士？
到了星期四，Gugo果然沒來上課
我whatsapp Gugo「點呀，幫緊人搬野呀？」
Gugo：「係呀，遲啲揾你」
我放下手機繼續上課
此時坐在旁邊的肥Ben問我：「Gugo神係邊呀」
我：「去左媾女呀」
Ben：「邊條女」
我：「叫Crystal Zhou 自己係fb search啦」
他打開手中ipad 在fb裡搜尋這名字，順便一提，他是一個上任何課都不帶背包，文具，記事本，只拿著一部ipad行走江湖，走路時會把ipad放在腋下夾著。
然後他說：「哦，呢個女仔，我識佢條仔」
我：「你又識？」
他：「佢條仔香港人黎，上年同佢有一堂同班嘅，據聞條女收好多兵架喎」
我：「都有機會架，係幾靚，又白又長腿又幾高」
我再道：「咁Gugo可能會中伏架喎，我什麼都不是~我是二等兵土~」
他：「咁你仲唔快啲同佢講？」
我：「遲啲有機會就講啦，都唔知佢依家情況係點」
他：「一陣佢真係當兵就gg si mi da」
我：「希望唔會啦，呢啲野好多時都旁觀者清」
他：「清者自清」
我：「朱自清」
……
這個二月接下來的日子還算輕鬆，還沒有assignment要做，恆輝和健華每天都在打機。而我，會花時間在拍片和剪片，我平時會拍下一些生活上的影片然後放上youtube，可以記錄我們在澳洲生活讀書的回憶。
更重要的事就是我每星期二和四晚上都會自己去蘇基茶餐廳吃晚飯，每一次Ceci都會在。恆輝和健華有時候亦開玩笑去埋怨我「又去揾女又唔理我地啦」「茶走重要過我地啦」。
雖然每星期只見兩次，但我覺得我和她的感情在接下來這兩個月邁進了一大步。例如老闆不在的時候，她會偷偷地坐在我對面跟我聊天，亦會跟我學廣東話。
有一次最深刻她跟我學廣東話
Ceci：「我今天睡過頭了...這句話怎樣說？」
我：「我訓到成隻豬咁」
Ceci笑著說：「哈哈是不是真的喔，為什麼有豬這個字？」
我：「我不知道呀」
Ceci：「那...我今天真的很開心...呢？怎麼說？」
我：「我真係好中意你」
她聽到後呆了一呆，貌似聽懂了這句話
她：「你說什麼？我聽不到，再說一次」
我：「我話我真係好中意你」
她微笑著，我想她真的聽懂了
然後她再問：「那...我愛你...呢？」
我猶豫了數秒再答：「我愛你」
她聽了之後含羞地微笑
她：「好啦，我先回去工作了」
我：「ok」
她站起來回到了自己的崗位，樣子看起來很高興的。
……
就這樣到了四月，學校的assignments開始進攻了。我亦開始忙到不停，每天早上醒來便做assignments，然後做到凌晨才睡覺。唯一娛樂就是一邊吃飯一邊看電視。
我把這慘況告訴給家人聽，但我媽跟我說：「岩啦，你依家要做番哂你中學無做過嘅野」
其實我媽說的沒錯，我中學根本上沒有學習過，這些年來都是在學校吃喝玩樂，考試沒有温習，上課又不專心，差不多所有科目都不合或是剛剛合格，但除了數學和體育這兩科可以拿到全班頭數名。
所以，我在中五那年留班了，基本上以我這種學習態度能順利中學畢業已經是奇蹟。雖然我在中學生活時很開心，沒壓力，但現在我不多不少都有後悔為何以前沒花點努力和時間在學業上。
言歸正傳，由於現在我這麼忙的關係，原本每星期去兩次蘇基茶餐廳變成每星期一次。換句話說，我每星期只見Ceci一次。
有時候我會想要她的聯絡號碼，在其他地方的時候也可以跟她聊天，不過我又很享受這樣不靠網絡去跟她相處。
四月的第二個星期，我仍然不斷趕assignments，壓力亦開始增加，也祈求頭髮不要因壓力過大而脫落。
…...
又是一個星期四，在學校裡，我正在和Gugo上課，而肥Ben沒來，他肯定又是因為些怪原因不來上課。
我和Gugo一邊搏鬥assignments一邊不專心地上課
我跟Gugo說：「肥Ben又唔黎上堂啦，佢肯定又唔知咩哮喘定頭暈定身㷫啦」
Gugo摸著胸口模仿肥Ben「哎呀，我個肺好唔舒服」
我：「哈哈，好似好似」
我再道：「係喎，我都唔記得問你，你上次幫Crystal搬野幫成點呀」
他：「無呀，搬完佢請左我食餐飯」
我：「之後呢？仲有無聯絡？」
他：「有呀，有同佢Wechat，但佢成日都好忙，佢勤力，我驚阻住佢讀書」
我：「乖乖女黎架？」
他：「應該唔係，只係佢好有上進心，我驚我高攀唔起佢」
我：「原來係女強人」
他：「所以我依家都想努力啲，仲有佢有做開gym，勁fit，所以我依家都開始做」
我笑著說：「哈哈我覺得我地依家咁努力日日做assignments已經好上進」
我再道：「不過呢，肥Ben識Crystal之前條仔，佢話聽聞Crystal收好多兵，大娘娘黎架喎」
他：「我覺得唔會啦，我覺得佢對呢啲野唔會玩玩下，佢好認真」
我：「無呀，我都係聽番黎，你自己留意下啦」
……