他與她[校園] [愛情]: 第十五章

「喂~唔該我想揾李成秋」

一把嚴肅同機械化嘅聲音傳入左我對耳入面


頭先仲懶懶閒嘅我，即刻睡意全消，打醒十二分精神聽下條友仔講乜


「我係。」我好生硬咁答佢，可能係我突然間俾唔切反應，把聲就變成咁啦，不過呢個都唔係重點





「請問你識唔識得胡繡芷？」

呢一句沉實又簡單直接嘅說話，岩岩好咁同我心入面嘅淆底做成一個好強烈嘅對比

「我係佢朋友，請問發生左咩事？」

我個心開始繼續驚，好擔心呀芷佢會發生左啲咩事




「係咁嘅，我係佢呀爸，平時我個女都一定返到屋企，未試過唔返屋企，我想問下你知唔知佢係邊？」


佢個把急躁得黎又帶啲焦慮嘅聲音，顯得uncle佢份外威嚴


「我唔知呀，不過我一定會盡力揾佢返黎㗎啦，uncle你放心。」




其實我個心入面都好驚呀芷佢會出左啲咩事，我嘅緊張程度其實同佢老豆差唔多


「好，希望你可以快啲揾到佢」


「你放心交俾我啦uncle」


講完呢句之後，我就拿拿林收線，然之後秒速咁換衫



由於呀媽去左街同班師奶去shopping，所以我就寫左張紙，簡單咁同呀媽講左成件事嘅來龍去脈然後順便講埋我唔返屋企食飯之後，我就急急腳咁出左門口，展開我嘅「尋找呀芷的故事」