依家嘅我企左係度,個腦一直都諗緊我究竟可以帶佢去邊…



唉~我真係R爆頭,之後先諗到我有個朋友,佢叫呀健,佢住個度又喺係北角,係呢個無可奈何嘅情況而又唔想令我屋企人知嘅情況之下,真係唯一一個辦法…唉…我都唔想㗎,但無計啦,費事我屋企人又亂諗野
___



我之所以揀佢屋企,其實



第一,睇落佢個人算係無咩點,個人都唔錯,幾nice

第二,佢屋企算係方便呀芷返學,雖然係住一頭半日,但我都會為佢諗埋呢啲,唔想佢要為呢啲野煩惱


我知~~你地可能會話我同呀芷嘅發展唔知點解會咁快,我都覺得係,但唔知點解,我對佢好似一見鍾情咁,所以就發展到依家咁多野,我都覺得有啲不可思議㗎


「搞掂,我依家可以送你去lu~~」因為幫呀芷揾到個地方落腳,我變得好開心




話哂我都唔想呀芷一個女仔流落街頭,所以我就咁努力幫佢


雖然我知呀芷可能未必會聽到(即係佢應該係瞓左)
但可以為佢做到啲野,我都好開心。


但係唔知點解好矛盾地,我嘅下意識同我講呢個可能唔係一個咁好嘅決定,但係我見着呀軒醉成咁,我怕佢真係搞唔掂,時間又唔係早喎,咁所以我就唯有call呀健落黎接我地________




上到呀健屋企,放低哂手頭上啲野,見到佢屋企啲妝修都唔錯,幾清潔,我估佢應該係小康之家啦,佢屋企要有嘅野都有齊哂,肯定好過我屋企多多聲,雖然我屋企都住到人,但迫到呢…

(呀芷基本上已經頂唔順啦,好似瞓左😂)


好啦,廢話就講到呢度,費事講到呀軒瞓得太冧,講返正題先

首先最迫切嘅任務就係要幫呀芷揾啲啱佢嘅衫褲同埋其他個啲…(唔講唔講,有啲啲面紅添😳😳😳😳)


我又唔識同呀健開聲問,因為我一個男仔問佢好尷尬,我地兩個麻甩佬你眼望我眼,不過過左一陣,呀健就好似get到我講咩