主題公園的殺戮: 其二 異度空間(上篇)

好不容易終於上到烈車了！車上人頭湧湧，想找個座位坐下真是談何容易？幸好馮家俊他們深知道很快就會到站，所以並不介意站立數分鐘的時間！

列車終於啓動……

晴晴這時扁著嘴楚楚可憐地說:

[死啦……今日點解咁多人架？機動遊戲實好多人排隊都得啦！]

世榮煽風點火笑著說:





[多得邊個囉！學人玩遲到！睇下依家架車都爆唒棚！一陣實好多人啦……]

馮家俊抱著頭說:

[對唔住呀晴晴……你唔好嬲啦……最多咁啦！你想第一樣玩咩先？我第一時間走過去同你排隊啦！]

這時Chloe諷刺說:

[馮家俊！排你個頭咩？人地話要玩晒D機動遊戲呀！你點排呀？]





(原來Chloe一直以來都是暗戀著家俊的，而這件事只有她的好姊妹晴晴才知道……)

大舊突然插口說:

[喂……你地唔好嘈住先！你地有冇發覺架車散發一陣陣好香嘅氣味？]

這時眾人大力吸了一囗氣……

世榮回應說:





[係呀！都幾香喎……不過有咩野出奇姐？你去廁所都會聞到啦！空氣清新劑姐……用嚟辟你身上D臭味囉！]

眾人的歡笑聲彼此起落……


烈車這時正高速行駛，每個人都認為列車很快到站，靠近窗口的世榮滿腹疑問地說:

[奇啦！出面條隧道D燈點解閃得咁古怪嘅？]

[哇……！]

世榮話口未完，列車左右兩邊車門突然打開！由於剛才車上有太多乘客同時迫上車廂中，這一下突如其來的意外令到很多人前仆後繼跌出車外……

現場一片混亂，相信今次意外會造成多人受傷！其中一個男乘客放聲叫駡:





[吊你老母！海洋公園攪乜撚嘢！係咪想謀殺呀！你老味臭……]

另一個大陸男乘客操普通話大聲駡道:

[操你媽！香港怎攪的？我給錢你們！你們給我甚麼服務態度？他媽的！]

而馮家俊等人雖然被推出車廂，幸好身體只是擦傷手腳，不過部分乘客沒有那麼幸運，有些撞到頭破血流，有些被扯斷手或腳，有些甚至昏死在路軌上……

這一幕觸目驚心的畫面真實地呈現在馮家俊等人面前，而這時列車終於完全停下來！由始至終，駕駛列車的車長並未作出任何廣播，有數個沒有受傷的男乘客，一邊叫駡車長，一邊全力走向列車車頭！看來想找出列車車長並憤怒地撕開他兩邊……

突然隧道一片漆黑，原本不斷閃爍的燈光一下子完全熄滅，現場剩下受傷者無助的呻吟聲。馮家俊叫道:

[大家有冇事？有冇受到傷呀？Chole ,晴晴！你地兩個見點呀？]

Chole:





[我冇事，只係撞親隻手肘！]

晴晴:

[我都冇事呀！就係俾大舊撞到一嘢咋！]

世榮，大舊同時說:

[我地兩個都冇事！]

馮家俊一邊說，一邊拿起電話報警……

[咦？！打唔通嘅？？]





世榮等人都拿出電話嘗試報警，大家異口同聲說:

[打唔通！]

正當他們苦惱下一步該怎樣做的時候，隧道突然傳隆隆的聲響，接著他們看見一道光線照亮漆黑的隧道 ，原來是有另一架列車正高速接近剛才停下的列車！
停下的列車仍有部分乘客在車廂中，若然兩車相撞，後果不堪設想！然而，馮家俊等人卻不能改變甚麼，他們唯一可以做的只能躲得遠遠及閉上眼睛……

[ 隆隆……隆隆……]

不可異議的事再次出現在他們的面前！意料之外的碰撞並沒有發生？從後高速行駛的列車居然穿過前面那架停駛中的烈車……

(待續)