主題公園的殺戮: 其六 傀儡機器與十二生肖之謎(中)

6〉傀儡機器與十二生肖之謎 (中)


大舊這時緊張地說:

[不如咁啦……晴晴，我陪你過去老大街嗰邊集合，之後我再過番嚟呢邊……我諗半個鐘夠時間嘅……]

馮家俊搶先開囗說:

[你係咪傻咗？一來一回半個鍾邊度夠呀？你會死㗎！大佬唔該你用下嗰腦得唔得呀？]





大舊憤怒地說:

[馮家俊！條命係我架！我鍾意點做就點做！關你撚事呀！你唔好理我咁多嘢啦……]

馮家俊叫罵說:

[仆街仔！你醒下啦！我當你係兄弟先理你咋！半個鐘……唔係！呢家係唔夠半個鐘，你一來一回點夠時間！我知你好鐘意晴晴，但唔該你留返條命仔到時再嚟好好保護佢！]

晴晴終於開口說:





[你地兩個唔好嘈啦！大舊……多謝你呀！不過我決定自己一個去就得啦……馮家俊佢講得好啱！留返條命……我相信好快我地會見返面……你唔使咁擔心架！我自己一個可以應付得嚟！你嘅心意我好明白！大舊……不如咁啦！如果我地可以走出呢度，我地就一齊啦！]

這時晴晴情深地吻了大舊面額一下……

大舊眨時間不懂反應，只懂呆在當場，這時Chole和晴晴情深地擁抱，眼淺的Chole更忍不住掉下眼淚……

馮家俊催促說:

[大家唔使咁愁！我同Chole頭先試左手機，發覺除左打唔出街之外，基本上，我地係呢度公園範圍全部都溝通到，當然包括whatsapp 同微訊……所以呢，我地有乜野仲可以溝通得度……時間無多啦！晴晴……你快D跑去坐登山纜車！一到站就係老大街架啦……]





這時晴睛一邊跑一邊說:

[放心……我一定冇事嘅！你地都要努力呀！]

大舊這時才懂得反應:

[晴晴……我愛你……我愛你呀！！！你自己要小心D！我地一定會再見架……]

目送晴晴的離開，大舊終忍不住流下男兒淚……

這時站在台階上那中年男人再次開口說:

[大家都聽到宣布啦……我建議前往海濱樂園廣場，同香港老大街嘅朋友，即係手持黑帶同紅帶，你地要起行啦！海洋列車嗰邊，我相信冇朋友再夠膽去……呢家只剩番坐纜車一條路，你地要快D啦……]





突然人群中有一個男人走上台，二話不說一拳打中那個中年男人的臉額，中年男人望著他狼狽地跌在地上，那男人身材魁梧，只聽他大聲說:

[仆你個街！你收撚聲啦！你知唔知你好撚煩！成日係度扮代表……吊！唔怪得啦……原來你條手帶係白色！你企係度唔撚使走梗係得戚啦！你老母……我同條女要分開呀！你再係度扮代表，唔使乜撚野生存遊戲，我第一個切柒你條賓周！]

這時每一個人都人人自危，台上這段小插曲，並沒有人多大關心，如那個被打的中年男人所言，幾乎要走的人全都爭先恐後走向登山纜車處……

不幸的事終於發生了，有些跑得較慢的人走避不及被其他人推倒在地上，人踏人的畫面隨處可見，現場秩序非常混亂，每一處都血漬班班，哀號的呻吟聲全遍每一個角落，有很多小孩更與自己父母失散，跪在地上痛哭……

大舊緊張地說:

[點解會咁架？D人係咪痴晒線呀？好好地排隊唔得架咩？做乜野要爭呀？]

這時他已經急不及待致電晴晴，心裡焦急地希望她安然無恙，可惜的是，電話只是響了一會便轉向留言，如是者，大舊連續打了數次，可惜換來的全是同一結果……

[晴晴……晴晴會冇事架可？]





馮家俊搭著他的膊頭安慰說:

[大舊，你要相信晴晴！佢一定冇事架！……]


另一邊廂，她用盡全力向前跑，朝相反的方向遠離人群，很快她終於到達目的地……

海洋列車隧道內，地上佈滿被蛇妖所殺的屍體，現場充斥著血腥的氣味，蛇妖這時早已不知去向！一名少年不斷搜索屍體的個人物品……

只聽到他自言自語地說:

[果然係咁！我終於知道啦！……我終於知道乜嘢原因啦！]

這時她亦走到她朋友屍體的旁邊，從背包裡找到她朋友銀包內裡的身份證，之後她以同一做法搜尋其他三，四個地上屍體的身份證，同時間她亦明白了那少年的想法……





這時那少年和她對望一眼，少年主動和她打了一句招呼:

[Hi！你好……我叫莫言，我估唔到有人同我一樣會嚟呢度？]

她回應說:

[我叫陳子晴……很高興認識你！……]