<< 那年初夏，我們在微信釣的狗公 >> 再釣一次?: Part 13 第一章 - 失格的原因

Part 13 第一章 - 失格的原因



告死式一般威嚴既語氣，令人毫無反駁餘地。

霸氣，同時亦體現出「她」的無上權威。





「乜野意思？」我以試探既語調提出疑問。雖然對方的訊息明顯針對我而來，但從她們用字的字眼上看出沒帶有敵意…應該不算是敵人吧…?



「哎，就好似字面上既解釋一樣，用打機既術語黎講…就好似係『菜鳥』咁囉～」Joey半嘲半諷既語氣同相中人既氣質真係不貿而合。



而我面對住Joey既無名指控故然感到憤慨，但最令我百思不得其解既係，何謂菜鳥? 雖然一開始我的確認為依個作為「沈嘉儀」容器，icon中既女仔真係丁得過，但係由入group直到見到Mandy，Melody，Kay同其他絲打之後，我承認的確係天外有天，人外有人…但無論點都好！我自問係group中都算係中上之姿，我都叫菜鳥，咁Monico果Ｄ叫咩？





「我諗你有所誤會啦，我地既意思唔係話你相中人戰鬥力唔夠」Kate好似睇穿左我既心咁，打斷左我既思路。



「而係更加基本既原因…」Kate好似唔好意思繼續講落去。





「係…係咩？我究竟缺乏左Ｄ咩？」老老實實，我真係唔明有邊一忽同佢地唔同…



「係你個名。」沉寂已久既閉幕者終於出聲—— Apple



相片入面既佢，平平無奇，只是一張普通港女既自拍；冇Kate同Joey令人過目不忘既美麗臉孔，亦冇好似Melody同Kay果種青春洋溢既少女氣質。大概只比Monico好上一級，只算是中人之姿。但總覺得，依位絲打每一字每一句都有種攝人既氣勢，真係隔住個mon都感受到。



「名…字…?」我疑惑了。





「哇，係喎！頭先都唔為意添！haha,,, 點解既」Melody好似湊熱鬧咁係度搭嗲。



「暗戀你…真係架？」Kay都唔汁輸食埋花生等睇戲咁款。



「嘿，竟然諗得出依名，你好叻丫！」雖然見唔到真人，但係都感受到果隻變種異形monico既強烈恥笑。



沈嘉儀，一個好普通既女仔名，講真，你係mk大叫嘉儀～至少都有十零廿打望過黎，仲擔住口煙，串串共咁同你講「訓啦Seven Head」。我唔明究竟有咩問題囉？







「最大個問題咪係你真係直接叫『沈嘉儀』囉暗戀你！」以Melody為首，接連餘下其他絲打不斷快速引用，Copy & Paste既洗版式回覆使我恍然大悟。




可能太耐冇同人玩IM社交…跟唔上潮流…竟然毒到連用全名玩WeChat都覺得好正常…



而經過一夜盟友既意見，我正式命名為Queena。




下，你問我咁中文名叫乜?


都係叫返沈嘉儀丫暗戀你！