<< 那年初夏，我們在微信釣的狗公 >> 再釣一次?: Part 15 第二章 - 清晨

Part 15 第二章 - 清晨











「喂喂,你好似訓得好lum喎…不過夠鐘喇,快啲起身啦~再唔係身我就嬲你架啦！」

一把輕柔而甜美既少女聲線，即使閉上眼睛也能感到那沉澱似的靈魂像得到教贖一樣，變得煥然一新。



但是咁，依種甜故式既超展開，不是屬於我的。





「嗯…九點…好啦早Ｄ係身…」懶懶揚抬起右手手指向右打橫一揮，那雲彩般的報穀仙女立即煙消雲散，化為一部長長方方，橫向豎立的三叔Galaxy Tab 。



係，我認我有上高登Ｄ錄音post到pm過絲打錄左段咁hi hi既morning call我，so what？如果你話你鍾意伯母既低沉重bass，咁OK，you win。但係我寧願比自已FF出黎既女神喚醒都唔想比元秋咁既聲浪叫「死落床啦，Hi Hi」。



作為一個毒向左走向右走，早上既梳洗可以講係毫無義。試諗下一個透明人既存在，你就算Gel個迅雷頭出街都係who ing cares，更惡劣既，未比人po上youtube，受千人恥笑萬人嚐…所以每朝由起身到出門口查實十分鐘都唔洗。





望著鏡入面既自己，其實都唔太差，係個格有Ｄ毒姐。



Check check褲袋…銀包鎖匙身份証，仲有…係啦！手機！OK齊哂出發！



「嫦娥，我返學啦！」餵完老豆電食早餐就以保持9秒9既速度飛左出去。



咩話？你問我嫦娥係邊個？自己諗啦暗戀你！





今日係星期六，返學校只係為左交份report，雖然唔急，但係一到中午時段學校就會人頭湧湧。作為一個小毒男，孤身寡Seven Head，當然係盡量避免依Ｄ尷尬情況。



係啦！尋日mute左個group，都唔記得開返佢添！完全冇朝早係身check message既習慣…就算有訊息，唔係邦民財務就係嫦娥牌message…



係大褸口袋到拎部手機黎，眼前出現既事仲神奇過Kinder出奇蛋…！





「竟然…」



我好記得對上一次發生同樣情況既時候，已經係三個月前…