那麼想要忘記的呢?

=====================================================


「阿怡…佢…返左黎!?」作為一個處變不驚既高登仔,我好罕見咁暴露左自己情緒既波動。



「應該係啦,除非唔係!早幾日係facebook睇到,don’t you know that?」而阿朗亦冇為意到依個消息令我內心猶如在「海燕」淫威下的一舟小船在海中顛簸。





…我真係唔知。



自從六年前阿怡飛去英國讀書我地就再冇聯絡過;facebook?我從來無實質上用過,就算有用我亦都唔想比佢知到依加既我係如此不堪;電話?我冇佢係英國既電話號碼,而就算佢有我既電話號碼,佢一次都冇搵過我。再加上六年前網絡並未算非常發達,單親家庭既低微收入令我根本無辦法利用當時盛行既ICQ,MSN同佢保持聯絡。





「唔傾著啦!電聯啦!」唔知幾時阿朗已經截到架的士,明明平時一個月都唔打過黎一次都夠膽死同我講電聯。



「唔好諗咁多啦,可能佢想比個surprise我地呢~haha~see you!」可能見我on兜兜成碌木咁豎左係度,阿朗都忍唔住打返個完場齋先走。



望住阿朗架的士駛向遠方既十字路口,停左落黎。





似曾相識的既視感———



當年阿怡也像這樣連頭也不回就去了英國。



「接下來,是左轉吧」 如同嚮應我預言一樣,的士就這樣消失在那向左拐的彎位。





「哈…同果日一模一樣…」我不禁莞爾。

 
已有 0 人追稿