<< 那年初夏，我們在微信釣的狗公 >> 再釣一次?: Part 20 第二章 - 那年深冬 (下)

Part 20 第二章 - 那年深冬 (下)



「哎…對唔住啊…排…排球社放遲左…等…等左…好耐啊？我…我走得啦！」阿怡一身冬季體操服裝束，上氣不接下氣般氣來氣喘... 盲既都睇得出佢係連衫都冇換過就直接由一樓操場跑上黎四樓….


「冇，我都係岩岩先放社團活動。」其實一個小毒向左走向右走又點會有咩社團…呆在班房午睡為既都只係等埋佢一齊放學...點知等到訓著左…




「咁我地走啦！」阿怡例牌咁向我招手示意學校大門見，


咦…剛才既八掛妹Suki呢？

———環視四周，空無一人

…不知道什麼時侯跑掉了。

-----------------------------------------------------------------------------------------------------------------------------



校門外，刺骨的寒風還是無情的在刮。


雖然還是在傍晚時分，可是冬季的白天永遠比較短，天色早已被昏喑無光的靛藍色所籠蓋著。


回家的路上，兩旁的街燈早已亮起，在夜幕低垂的環境下充當著我倆的導盲犬...





冷得我騰～騰～～震丫…


作為一男人，見到阿怡身穿一身單簿既體操服，當然要show一show男性既風度。


爽快脫下外套，好讓她在回家路上蓋著，懶得凍親———


而我由果時開始就習慣左冬天短衫短褲出街，乃高登仔必備技能之一。


回家路上，我們好罕有咁默默無言，深怕打破依一刻寧靜安穩既氣氛。




…可能被suki提起的相識十周年紀念日…總覺得渾身不自在…


「阿藍…」突破現狀的是選擇打破沉默的阿怡


「今年聖誕不如我地出去尖沙咀行下…」伴隨一句青澀的，簡短的約會邀請。


「哦…哦…好啊…」支吾以對既我突然顯得更為別扭…


但係面對阿怡既約會邀請，就梗係開心啦…印象中，十年黎都冇正式同阿怡單獨兩人一齊過聖誕。





「阿怡…到時等我送份大禮比你啦，包你一定驚喜！」人地女仔都開到口，做男人既仲點可以勁縮！



「哈哈…好丫！咁我就拭目以待啦！」阿怡像是回到那個平常的她，泛著梨窩的淺淺一笑，猶如在初夏盛開的櫻花在酷冷的寒冬令我倍感溫暖。