<< 那年初夏，我們在微信釣的狗公 >> 再釣一次?: Part 40 第四章 – 狩獵的結束

Part 40 第四章 – 狩獵的結束 


終於，時間馬上就要到狩獵限制時間的晚上十時… 



叮咚——！ 





「J小隊狩獵目標—『援交男』成功！」 



叮咚——！ 



「K小隊狩獵目標—『女友租客』成功！」 





睇黎一日未到最後既一分一秒，Joey同Kate都好似要釣至天昏地暗咁撕殺落去… 


「十時了…」手機上使用網絡所提供的標準時間絲毫無任何誤差落在任務結束的時間點。 


「辛苦哂大家啦～我地依家就進行今日「狩獵祭」既最後評估～」不差分毫，Joey正式為這場狩獵進行結幕。 




「就比Ｄ時間你地吹下水啦～哈哈！要多謝我啊！」 


「各位辛苦了，係最後成績表出黎之前，大家就放鬆休息下。」Kate神態自若地說著。 


先不論她和Kay今朝所引起既風波，令我驚訝的是她在經歷過一整天既狩獵竟然仲可以表現出毫無疲態。 



Apple… 





腦內不停浮現出今日下午Apple狩獵既英姿… 




明明在那之前還經歷過團隊的狩獵和對「朗豪坊」苦戰的Tomo進行的救援… 


單單一個Apple就如此厲害…如果再加上Joey同Kate的話…真不敢想像會有多少生靈塗炭在她三人手上… 




「厹…其實好可憐。」平生第一次對厹的遭遇打從心底感到憐憫。 


Melody:「哎…終於完啦…累死人／︿＼…人地連晚餐都未食架嘛！！」距離狩獵限制時間才剛結束，Melody就馬上傳來嘆息。 


Monico:「今日先係開始，咁快就收哂皮 你點做專業釣手？」Monico以嘲諷的口吻說著，然而從語氣中卻透露出他挺滿意自己在「首戰」的演出。 


Luvtan:「萬事起頭難，我相信今日之後我地既技術會慢慢越黎越熟練！」眼神流出堅定既意志令Luvtan顯得更為單純可愛。 


Kay: 「希望啦…」 自早上一直處於深潛狀態既既Kay終於現身。 




「Kay…你同Kate今日下午冇野啦…？」早係經歷過早上雙「K」大戰後，我同好多團員都對Kate同Kay分埋同一組會唔會再次引起衝突而感到疑慮。 


Kay:「做咩咁問？我地一直都冇野。」但事實打消我地之前既疑惑。 


Tomo: 「有咩唔開心可以同我地講…今朝見到你同Kate咁…幾驚你地出事。」 


Kay: 「傻啦…Kate其實係個好人…如果佢話依個世界仲有唔係厹既男人既話…我願意嘗試去相信。」 


唔駛一日就成功收買人心，可能Kate先係支部三最深不可測既絲打。 




Kay: 「至少…我今日感受到佢既『厹』既仇恨唔係假既…」 


猶如發生過旁人無法理解既小插曲一樣… 


Kay憑空出現既描述卻令人摸不著頭腦。