<< 那年初夏，我們在微信釣的狗公 >> 再釣一次?: Part 44 第五章 – I give you my heart.
Part 44 第五章 – I give you my heart.
「其實我有份禮物要送俾你…！」
晚餐過後，我遞給了阿怡一個麻啡色既紙袋。
意識到今日係我同阿怡相識既十週年， 我預備左一份獨一無二既禮物 ———
我用左一個禮拜時間係放學時段借用學校木工室所製作既排球形狀音樂盒。
而上面即刻著我同阿怡既名字，底部則刻上「For our first 10th anniversary」既字樣。
當然我都有諗過整心型…但係「毒男總是害羞的」，一方面深怕心型太露骨又怕難度太高趕不上峻工，所以放棄了。
「依個係…音樂盒？」
阿怡輕輕的打開了音樂盒，清脆的八音琴聲從機芯發出來，播著的是她最愛的Liebestraum No. 3。
「多謝你…阿藍。」阿怡用手指撫摸著那個刻著我倆名字的木雕花紋。
「多謝你Ｄ十年黎一直陪伴我…」眼框已被淚水填滿了的他，聲線也頓變沙啞。
「講呢Ｄ…唔洗咁誇張啊…」因為真正要多謝既人其實係我，全因為妳，我人生沒有任何遺憾…
隨著音樂盒安穩的旋律
阿怡的情緒漸漸平伏下來
雙眼像被淚水清洗過一樣
水靈靈的泛著迷人的昏紅
「...依個比你架…十週年紀念既回禮。」
「多謝你…見妳一直唔出聲仲以為你唔記得添。 」
「因為…如果淨係得我一個記著既…咁我未好白痴囉…」阿怡也有她可愛的一面，之前的落寞惆悵就像是深怕我會忘了一樣。
正當我準備拆開禮物盒上的絲帶既時候，阿怡突然雙手捉著我。
「應承我…返到屋企先準拆開！」臉上的淚痕紅霞般雙扉，令人有上前地她緊抱著的衝動。面對著這樣的她的請求，我毫無抵抗的餘地。
結束今日晚餐之後我地就踏上歸家之旅，由於阿怡住在屯門區所以我決定先送她回去。雖然說我和阿怡家人關係不錯，伯父應該也不會討厭我，但阿怡的父親家規特別嚴厲，即使是相識已久的我也不好意思以「男性」的身份送她回家，只打算送她到地鐵站門囗。
「今日我好開心…係最難忘既聖誕節。」回家路上，阿怡笑得像個六歲孩童一樣。
「…係咩。」 到了要離別既時候，回想起今天猶如情侶的我們，才真正意識到尷尬。
原來我們連內心也已經慢慢脫變為大人。
嘟———
回過神黎，阿怡已經越過地鐵站的閘門。
「阿藍！今日好多謝你！無論以後發生咩事都好！我地永遠都係好朋友！」阿怡在閘門的另一方回頭向我呼喊著。
好朋友嗎…？內心深處感受到一絲的刺痛 …
「嗯，當然！ Bye Bye啦阿怡，過馬路要小心Ｄ。」隱藏著內心的悸動我輕描淡寫的回答她。
「哈哈，你都係啊！再見啦，阿藍。」阿怡微笑的對著我揮手然後別個頭走了。
她溫柔的話語，訴說著對未來既期許。
原以為這種平淡而幸福的日子會一直持續下去…
但我從來都不知道，那是我最後一次看到她美麗的笑容。