<< 那年初夏，我們在微信釣的狗公 >> 再釣一次?: Part 47 第五章 – 線索

Part 47 第五章 – 線索  



「我返黎啦…」結束一日辛勤我終於返到屋企。


望下個鐘時間大概已經係六點左右，雖然比平日早返到黎但係精神卻遠比平時疲憊。




「屌你…你叫我以後點面對柒龍佢地。」軟軟的躺在梳化上回想起今天佢地既嘴臉———


鄙視唾棄厭惡…還有少量既嫉妒。雖然深怕從此被他們標上狗公同食家既名鑒渡過剩餘既大學生活，但係我已經冇時間係到停步不前。一番梳洗過後，我馬上展開對阿怡既搜索。


找回塞在書櫃深處的那本中學畢業紀念冊———


翻開一頁又一頁沉甸甸的冊紙，映入眼簾的是中學生崖的時光。



中學同學…yammie…嘉誠…逸夫…祖信…巧嵐…安琪…家明…lala…

而由於阿怡在中四那年就中途退學前往英國生活，紀念冊上自然就沒有她的紀錄。


「哈，冇妳份…鬼叫妳走得咁突然。」面對往昔歲月，我忍悛不禁。


嘗試係Facebook好友搜尋鍵入佢地係紀念冊寫上既email地址———







遺憾的是竟然冇一個email address係同facebook有所關連！


半個小時既搜索行動最後以失敗告終…


不如直接打電話逐個問？




不失為一個方法，但係中學時期既我素來以獨行俠自居，自從畢業以黎一直不相往來，就咁貿貿然打過去實在太過唐突。相比阿怡相識滿天下，我根本唔肯定邊個會有阿怡既聯絡方式。


「點算好...」 漫不經心的翻著紀念冊，一頁一頁的翻…如同大海撈針…絲亳找不到任何頭緒。突然一個名字吸引著我的眼球…「Suki」 。



八卦妹Suki…！係喇！記得當初阿怡飛左去英國果陣，佢喊到好似自己生canceer咁…佢無疑係阿怡中學時期最friend底既朋友！我有理由相信suki同阿怡仲有保持聯絡…！




「9876…5432…」







「嘟———對唔住 你依家所打既電話未能接通... ——」電話傳來無人接聽既留言訊息。



「…呼…」我不禁鬆了一口氣，電話雖然冇人聽…但係總算打得通，姐係suki 5年入面仲未換電話號碼，仲有一絲希望。



「仲有邊個呢…」當然我已經著手尋覓下一個線索。





Facebook…好友…



…? 等陣！阿朗之前好似話係facebook見過阿怡返香港既status！？Hi，成件事Seven向左走向右走哂！我只要係阿朗個friend list到搵咪得lo！？只要阿朗冇private左個friend list我就一定可以搵到佢阿怡…！



打開facebook首頁，移動鼠標登入封塵已久的facbook帳號———



【Harris.Chan 的 所有朋友1313】



雖然阿朗既facebook好友數量至少係我既十倍以上。但當我知道阿怡就係依到既其中一個…我決定毫無猶疑決定逐個逐個搵...！


「阿怡...」


因為無論過左幾多年幾多歲月，我堅信我一定會認得出佢！













「…阿怡？」Facebook上突然出現一個既熟悉又陌生既面孔。