超級月亮: 第六章：蜜月期

《第六章：蜜月期》
蜜月期總是甜蜜的。
打從一見鍾情那一天開始，紫月和「她」便開始了這個愛情黃金時段。

「她」是阿卡，比紫月大6年，當年她是一個寵物店小職員，負責照顧待出售的小貓小狗。 認識紫月之前，阿卡拍過4次拖，每天都次也很認真，但總之不能開花結果，女朋友到最後也總是決定和男人結婚，行一條比較平坦的道路。也許這便是喜歡直女的命運吧。而阿卡仍未放棄，她仍然相信真愛是存在的。只要愛上了，她會付出100%的自己。

「妳要努力溫書呀！我陪妳溫書啦最多，A-level就到喇....」阿卡溫柔地說。
「知...道....喇.....悶死人喇..... 你要整好野俾我食呀！我溫書要好多energy 架！」紫月就知道阿卡會體貼地照顧自己。每天總是對她撒嬌，愈來愈依賴她。

「呢個係咖哩配麵包，專登整到唔太辣架，岩晒妳食！」阿卡總是體貼入微，清楚紫月的所有喜好！


「傻的嗎！？你專登買咁大個包番黎，再整走入面啲包，再放咖哩入去？ 你整左幾耐呀？」
「氹妳開心，只要妳笑，咩都值得啦！」

「為左同妳打打氣，不如一齊去disneyland丫，我啲朋友都想見下妳，一齊去丫」某日阿卡約紫月和他的朋友見面。
「好呀！仲以為你唔會俾我見你啲朋友....你知啦，我細你咁多......我驚佢地唔鍾意我！」
「點會呢，我揀既，一定係最好既！」阿卡甜蜜地回答。

到了當天，果然阿卡的朋有也很喜歡紫月，紫月覺得自己是全世界最幸福的女人！
阿卡的朋友阿儀說：「妳知唔知呀，阿卡平日唔肯用錢架，日日食麵包，平時我地買汽水佢都係飲水架，估唔到黎到食$90個餐都捨得一人一個餐囉！」
阿卡的面立即紅了起來。「喂，唔好講啲衰野啦......


「睇黎你都係一世俾女人食住架喇！哈哈哈！」阿儀還是不肯放過阿卡。

紫月心裡又怎會不知道阿卡是那麼的愛自己呢？
從來也沒有人會如此著緊自己。阿卡總是為紫月帶來無窮的小驚喜，令原本沉悶的生活帶來色彩。

也許，就只有真愛才能如此令人甜蜜。
這種蜜月期一直持續到紫月升上大學....