《第十一章:短暫分開》
這天,紫月約了幾個好姊妹去占塔羅。
紫月說:「我陪你地去啦,但我無野問呀!呢排都好順利呀。」
「咁你咪問下感情囉,睇下會唔會去到外國結婚都好丫。妳成日話想去冰島架麻。聽講呀,過多幾年唔洗去冰島都結得婚喇,將來會多好多國家揀。」好姊妹敏寧興奮地說。
「喂喂喂,我失戀呀...妳地仲講呢啲....我都唔明點解佢會揀個咁樣衰架....條八婆好肥架....得把聲好聽....我有咩比唔上佢丫?我憎死Winnie the Pooh呀......」剛失戀的Amy又開始發放負能量.....
「關Winnie the Pooh咩事呀!?」紫月和敏寧神同步地問。
「佢MSN頭象係Winnie the Pooh黎架....有一日我見阿Bie睇Winnie the Pooh既公仔,我問佢買俾邊個,佢話買俾佢細妹...點知....原來買俾條八婆架!嗚嗚嗚....點解要俾我發現呀......」
「乖啦乖啦,到利時喇,聽講利時神婆好靈架,我地睇下佢點講啦。」敏寧馬上扯開話題,免得途人以為她們有什麼問題。

「休。 息。日。不是吧!」紫月說。


這個時候,Amy又開始淚流滿面了。
「點算呀紫月?佢今日唔占過卜實唔放過我地架....」
「等我諗諗先,我好似記得有朋友講過,廟街塔羅B都好準架....不過好多人排隊架....」
「是但啦,總好過俾Amy啲負能量破壞左我既美好weekend....」

於是,她們仨便由尖沙咀起行到廟街。
「嘩....咁多人等既.....係咪個天都唔鍾意我呀?我係咪生存落去都無意義喇......」Amy已經開始情緒失控了。
「一於等啦,我岩岩打左俾阿卡,話左會遲啲番。有咩事都有我呢個好姊妹陪住你!」
「仲有我呢!」
等候了接近一小時,終於到她們了。她們一早夾好了,不要告訴塔羅B Amy剛失戀,看看她是否算得到。不過說實話,Amy的負能量已經包圍了整個空間,傻的也看得出她剛失戀吧。



「先諗住問題誠心洗牌,再用左手將叠牌cut開一半,下面果叠放番上去....再用左手抽3隻牌...」塔羅B純熟地說著。
「第一隻牌係Wheel of fortune... 第二隻係The Empress ... 最後一隻係wand 6....」
「即係點呀?」Amy用最期待的眼神望著塔羅B,好像犯人正在聽法官宣判一樣。
「有個第三者出現....」塔羅B開始解說...
「係呀係呀!中呀中呀!」Amy完全忘記了大家既約定,要先冷靜聽分析....紫月和敏寧無奈對望.....
「不過只要你耐心等候,你會獲得最後勝利。」
「真架? 即係佢會番黎呀?嗚嗚嗚.....」
「牌係咁講囉。結果唔準,你就番黎搵我,我退番錢俾你啦!」
紫月心想,最好靈驗,否則她擔心Amy不只要退款,她可能會動手殺了塔羅B。



突然,Amy收到一個SMS。
信息是由阿Bie寄來的。 總括來說,她最後和winnie the pooh去了一兩次街後,發現自己仍是接受不到pooh龐大的身軀,所以決定回到Amy身邊。 當然,這是事後Amy才告訴紫月和敏寧的,因為當日她一收到SMS,只說了一句:「佢真係番黎呀!」便跑走了。

紫月見排了這麼久,只用了8分鐘便問完,不問問題好像很浪費,所以她決力了試一次。
「我想問愛情」
「五角星8號牌....你地都好努力建立你地既關係,經營呢段愛情....權杖2號牌....但似乎你地會分開一段時間.....」
「分開? 即係分手呀?」紫月一聽到「分開」這兩個字便發瘋了。
「應該唔係...似係long D果隻....最後一隻牌係Page of Swords...而你地會有好大挑戰,成功過到呢關就會風和日麗架喇」
「好啦,唔該晒。」紫月心想,邊有可能long D....完全不準確....盡快離開吧。

回到小窩居,紫月立即報告了整日的行程和塔羅B的預測。
「咁就浪費左我一百蚊.....早知唔玩啦!你又點會移民丫!」紫月抱著阿卡說著。
「我...有野想同你講.....」阿卡斷斷續續地說。
已有 0 人追稿