【小喬初嫁了】初戀女友結婚前的一場鴻門宴: 第十四章

「我就同人約會咗，你一次都未呀？」薯條神氣地說。 


就因為這一句，讓我下定決心聖誕節成功約到張彩悠。 


也是這個決定，改變一切。 


「程詩柔，可唔可以畀啲鼓勵我？」 




「食屎啦你。」 


好，你的鼓勵已經收到。 


就在一個清晨，如常班次的電車。 




「呃......你聖誕節有無野做？」我鼓起勇氣問張彩悠。 


「唔......都算有嘅。」張彩悠說。 


「約咗朋友？」 




「係呀，約咗同學夜晚食飯。」 


聽到這裡，我的心沉了一半。 


「做咩呀？」 


「無呀我問一問啫。」 


「你唔洗約你意中人咩？」她笑問。 




「佢好似話唔得閒。」 


「其實你鍾意邊個啫？」 


我心竊喜，想她問這個問題，又不能回答。 


我想這是每個人都會經歷的心理階段，自己喜歡的人問自己喜歡誰時，總有一點點喜悅的感覺。因為感覺她在意自己，這個在意會不會代表她也有一點意思。

不過有時可能是妄想。 


「唔話妳知，妳都唔得閒。」 




她好像仔細思考，然後才說：「咁.....如果你唔洗留堂，或者可以嘅。」 


「唔洗留堂？」 


「但你咁曵，又成日偷睇人，好難啦應該。」 


「即係如果我哩段時間唔洗留堂，妳會肯同我出去？」 


「可以呀，前題係你乖到先囉。」 




「妳唔洗同朋友一齊咩？」 


「食完飯之後都仲有時間嘛。」 


「我一定唔會留嘅，妳放心咁諗著咩衫出去啦！」 


「呵，好呀睇下點。」 


我賭上我爺爺之名，今個星期一定不會欠交功課而留堂！ 




「嘩阿鹿，你痴左線呀？」薯條說。他一手搶過我手上的書本，然後說：「你竟然會做功課？」 


「做功課有咩問題？」


「無問題，但你做就有問題。你唔記得我地個稱號，欠交雙子呀。」 




「由今日起你會變成陳奕迅。」 




我也認為我有點神經病，竟然開始動工做功課。 




我是有點發燒。 




「世界係咪要末日？」 




「你唔好嘈住先啦，你識唔識做哩題？」 




也是因為這一次，我才明白到自己的名聲有多臭，不論在老師或同學心目中。 




「你做功課？」 




「你做乜近期變到咁乖，好唔似你呀。」 




可是我欠下的功課實在太多，東做西做，左問薯條右問程詩柔，差不多全班的同學我也問了一遍。 




上課在做，下課也在做，回家在做，巴士在做，上廁所也在做。 




薯條看見我著緊的樣子，說：「我幫你做啦。」 




「我要自己做架。」