「真人真事改編」原來女神係我老婆「穿越」: 5.揭穿

呀茵...原來已經天光啦
老母：呀仔 邊個係呀茵呀？
老母：我係出便都聽到你叫人喎
老母：你女朋友？
我：唔係呀 發夢姐
原來又係發夢 但係今次唔係見到文文
竟然係見到呀茵 究竟呀茵呢幾年去左邊？
點解個陣突然退左學既？點解我又會發夢見到佢？
我同佢仲會唔會有機會見到呢？





回想起三年前~~~~
呀立：呀宏你開心啦 暗戀左人地三年 今年終於同人地同班
等左三年終於同佢同班呀 以後可以日日見到佢啦
我同佢既距離好似又近左咁 唔知佢仲記唔記得我呢
我：係呀 終於同班啦
我：呀立如果我今日同佢表白會唔會太快？
呀立：點會呀 你都中意左佢咁多年啦
呀立：打鐘啦 我地反班房啦
反到班房我地見到得反三個位 呀茵仲未反
呀立緊係自己一個坐啦 等我可以同呀茵坐




依...都就黎放學都未見呀茵既 因為開學第一日所以放早

放學都未見佢既 呀茵佢知唔知今日病左呀
算啦 應該聽日就會見到你 都係反屋企先啦
呀宏..呀宏..邊個係到叫我呀 呀立？

呀立：我啱啱係校務處聽到啲嘢..
我：聽到啲咩呀 你面色咁差既
呀立：呀茵佢...
我：佢做咩呀？你諗住同我講佢病左？我知呀




呀立：唔係呀 佢退左學呀
我：下 認真呢？唔會既
~~~~~~~~~~~~~~~~~~~~~~~~~~~~
老母：呀仔...做咩係到發牛豆呀
我：冇嘢呀 諗緊少少嘢姐
我：唔講啦...我反工啦
都咁多年啦 點解我仲會諗起佢呀
上左巴士又見到琴日個對情侶
點解日日見到佢地都好似好幸福咁既
都係聽下歌好過啦
「學習浪漫」
誰可保證付出得夠多 就會開花結果
我做足的功課 也未夠將功補過
努力去愛你算什麼 wo
誰可保證學會的夠多 羅曼史可改寫過




只懂體貼你是我真的傻
放低了自我 最後卻失去了那自我
反到公司見到文文
我究竟應唔應該同文文講好 講左我又驚會傷害到你
一個係我中意既人 一個係我識左好多年既中學同學
我應該點知先好？或者扮咩都唔知先係最好

文文：呀宏睇你個樣好似好唔開心咁既？
我：唔係呀 「文文咁留意我既」
文文：咁你有咩嘢要同我講呀
我：知道啦 我一定會
~~~~~~~~~~~~~~~~~~~~~~~~~~~
「文文既視覺」
呀宏佢係未唔開心呢？如果係點解唔同我講既
其實我應唔應該關心佢呢？唔關心佢又好似好衰咁




關心佢我又驚佢唔會肯死心 其實我知你中意我既
我可以唔中意你 但係我唔可以阻止你中意我
不過我見到你為左拎我電話 而好努力咁唔遲到其實我好開心嫁
~~~~~~~~~~~~~~~~~~~~~~~~~~~
我心諗文文你唔好咁關心我啦 我一直呃你 其實我好內疚嫁
點解我偏偏要呃一個我中意既人呀
點解就係要俾我見到呀 點解要係我識既人呀
其實係未越中意一個人就越唔捨得傷害佢嫁
一直諗緊應該點好 搞到我都冇咩心機做嘢
好快文文又收工啦 依..今日唔見佢條仔黎接佢既

呀晴：呀宏諗咩諗得咁入神呀
我：冇呀
呀晴：收工啦 仲企係到做咩
我：咁我去換衫啦




今日唔想咁早反屋企呀 去海旁行下吹下風先
依...前面個個咁似文文既
我：文文你做咩係咩係到喊呀
文文：呀宏你得唔得閒陪我行陣
我：得閒呀
之後我地圍住海旁行 我地一直都冇出聲 直到...
我：文文你做咩又喊呀
文文：佢有第二個呀😭😭
我：你男朋友？你又知？下...文文知道左既
文文：係呀 佢話今晚唔得閒黎接我 點知俾我見到佢拖住第二個行街呀
我：文文你唔好喊啦 呢啲人唔值得你為左佢呀
文文：點解我咁愛佢 佢要咁對我呀
文文：我有咩做得唔好呀 點解佢要有第二個咁呀
~~~~~~~~~~~~~~~~~~~~~~~~~
預告




文文：呀宏我想飲酒呀 你可唔可以陪我呀
我：可以呀
文文越飲越多 越喊越勁 不過佢好快就醉左
呢到都越黎越凍啦 文文你住邊呀 我送你反屋企呀
文文冇答到我 最後我帶左佢反我屋企