「真人真事改編」原來女神係我老婆「穿越」: 13.時間

專登帶我黎 就係有嘢同我講
究竟佢想同我講咩 唔通佢諗住帶我反去？
唔通我試都未試就已經冇機會？

我：你有咩想同我講
神秘少女：你係未已經發現有好多嘢唔通左啦？
我：係呀 你可唔可以話我知點解呀
神秘少女：我一早講過嫁 你唔記得？
我：就係因為蝴蝶效應？
神秘少女：係


我：係未因為我同左呀立講？
神秘少女：係
我：其實你係未咩都知？
神秘少女：係 冇咩係我唔知既
我：我同文文係未一早就識？其實我同佢發生過啲咩？
神秘少女：呢個答案你要自己揾 冇人可以答到你
神秘少女：時間差唔多就啦 你係時候反去啦
不過你要記住珍惜時間 你既時間唔係好多炸
下次我地再見就代表你要反去啦
到時就算你唔想你都冇得算 你一定要走


仲有如果再有人知你係4年後反黎既 你即刻走。
我：我可唔可以唔反去？
神秘少女：唔得
我：點解呀
神秘少女：你根本就唔屬於呢個世界 所以你最後一定要反去一個屬於你既世界
我：既然我唔屬於呢到 咁你一開始又帶我黎
神秘少女：所以我一開始就決定錯
我：姐係我根本就冇得簡？
神秘少女：係 你覺得你有得話事咩？