那一天，我再遇上了妳: 早餐

轉眼間就到左星期一，呢日係我第一日要番學ge日子...我已經無左時差但係唔知點解我凌晨5點鐘就起左身

既然都起左身，平時都係佢地煮早餐比我食，不如今日就到我煮早餐比翻佢地食啦...

雖然我煮野唔係好叻，但係煮幾隻蛋，煎幾條腸，同埋丁下幾個麵包，我都識ge

到左七點鐘，特然諗起Emily今日唔洗番學窩...咁呢餐未只係得我同Kristy食

我好緊張，話晒都係第一次煮野食比Kristy食，唔知佢會唔會覺得難食呢？不過都已經煮好，唯有係硬住頭皮...而家上去睇下佢醒未...



我：「各...各....各...Kristy 早晨阿...係啊軒啊！你起身未啊...? 」

Kristy：「阿軒，我起左啦...五分鐘後我就會出黎煮早餐嘎啦」 睇黎我幫佢煮左早餐呢件事佢仲未知

我：「好啦，咁我係客廳等你啦」

不過唔夠五分鐘，佢就出左黎...哇...今日ge Kristy真係好靚...比上次我見到佢著住黎見我個時更加似一個天使

粉紅色ge連身裙, 白色ge絲襪, 加上佢白滑的皮膚...唔怪得知學校有咁多人鍾意佢啦



Kristy：「做咩阿...做咩係咁望住我阿...係唔係我條裙有咩問題阿？」Kristy 塊面又開始變紅

我：「唔...唔係啊...你快D過黎啦...我整左早餐比你食...」

不過唔係隔左好耐...Kristy 隻眼突然有D紅....佢唔通想喊？死啦我係唔係講錯做錯野呢....

我：「我係唔係講錯野阿？」...佢隻眼開始可以反光，一滴一滴眼淚開始流露黎...死啦今次...佢不停咁喊...仲越喊越大聲

我點叫佢個名佢都無認我,再咁喊落去遲早Emily 都會比佢搞到起身聽到....



我一手張佢成個人攬過黎我身個度..雙手緊緊咁擁抱住佢

我：「唔好喊...有我係度...有咩唔怕講比我聽...」

Kristy：「曾經都有人晨早咁過黎為我煮早餐...不過佢...」

我：「Patrick？」

Kristy：「你點知有呢個人？.....係唔係Emily話你聽....你係佢之後，會煮早餐比我食，同埋我會想認識ge男仔....」

我：「嗯...不過唔洗怕...我...唔會好似佢咁...不過我有個條件...就係由呢一刻開始...你唔可以再係我面前收埋自己...有咩都要同我講...唔好再呆口木面咁...每次見到你都唔講野...只係你眼望我眼....」

Kristy：「咁...」

我：「應承我！」



Kristy：「好啦....阿....死啦...阿軒你放開我先....而家原來已經八點半...你個 Orientation 係九點十五開始...再唔走就遲到...」

係窩...差D唔記得今日係開學日...頭先因為Kristy 無啦啦喊搞到我咩都唔記得晒...

不過我開始發現...每次同親Kristy 一齊...我都會不知不覺咁忘記晒周圍發生緊ge野...只係好專心咁留意住佢既一舉一動

Kristy：「快DD啦...要走啦...」

之後佢就捉住我隻手，拉住我跑左出去部電梯...因為我地住十五樓...要落去停車場都差唔多要十秒先可以到

我望一望佢隻手...再望一望佢塊面...發現佢塊面又紅左

我：「你隻手.......」



Kristy：「咩...咩窩...頭先我唔拉住你走你又點會走窩...」...之後佢就張隻手慢慢咁擺翻去佢自己度

我：「其實我唔介意...你..」

Kristy：「你就想！」

之後我地就行左去架車到...不過我覺得一男一女要個女仔開車都係怪怪地..但係我又無車牌...唯有係比佢渣啦...

就係咁...我地就開始渣往學校的路....