那一天，我再遇上了妳: 體諒（有甜）

不過太陽又點會等我地唔落山阿...差唔多完全天黑個時,我就同Kristy 講

我：「我....好想係呢一刻停止...我...好想以後都可以咁樣係咁ge風景下攬住你....阿永...」

Kristy：「......我愛你...」

其實呢次係第一次聽到Kristy講 「我愛你」，呢一刻，我真係好感動...開始有小小眼水....

我：「我都好愛你.....」



Kristy：「我可以錯過黃昏的末班車，我可以錯過徹夜冬雪消霽後印有麻雀腳印的湖面，我也可以錯過凜冽而閃著金光的太陽雨，我也可以錯過Patrick....我可以錯過的還有很多很多，這些我都不會太在意，我心裡只是默默在向命運祈禱，千萬不要讓我錯過你....」

我：「我中文無你咁好....我只係想講...你一定唔會錯過我....因為....你就係我的初戀...亦都會我我最後一個我王亦軒的女朋友...我...唔會再有其他女朋友...」

講完呢句....我同Kristy 就面貼面....嘴對嘴咁深深咁法式接吻....

正當我地係度享受呢一刻的時候...

「你有找幸福的自由 我未夠他得天獨厚 我也想對我這塊鏡擲石頭....」



邊撚個係呢個時候打黎阿...

我：「Hello？」

Emily：「喂你地去左邊阿....where are you guys now???!! 個天都黑埋....All the shops are closed too!」

我睇一睇個鐘...哇...原來都已經八點.....

我：「我地....未去左食野咯...Kristy何？」



Kristy：「嗯嗯....Emily我地宜家返黎搵你阿....」

Emily：「唔洗啦...I am heading back to the hotel now! 翻到酒店見啦」

之後我同Kristy就落翻去三樓....

一落到去..我就見到Emily係我地見房的門口

我：「點阿？你有無買到野阿？」

Emily：「緊係有啦！hehe...你睇下！」

之後我就留意到佢隻手...哇...左右手都渣住三，四個購物袋，好彩我唔係佢男朋友姐...唔係咁搞發真係一日就破產....

Kristy：「我地入房先啦....Emily你都入埋黎啦...傾多陣先翻去訓....」



點解Kristy會咁樣講ge呢？唔通佢已經唔介意我同佢一齊訓？如果係咁就好啦

我地就係咁入左佢我地間房...Emily 同Kristy 就不斷咁講今日佢有咩「收獲」

不過我都有留意到一直Kristy 都有微微笑咁週不時望下我

呢D係唔係就係叫熱戀期？

佢地傾傾下，唔知點解講到踩單車...

Emily：「Yo....不如我地聽日踩單車？？？」

Kristy：「好阿好阿....之前我係上網見到呢到有個National Park 可以踩單車嘎...聽講仲話D風景好靚嘎！！」



其實我對踩單車就一般般，但係聽到可以唔洗再陪佢地行商場，我緊係話好啦

我：「好阿好阿！就咁決定！」

Emily：「咁好啦！ I  want to head back to my room now! I am so tired after shopping all day!」

Kristy：「咁我...」

Emily：「你就繼續係度訓啦..hehe...good night 阿軒！good night Kristy！」

之後佢就出左我地間房，翻去佢「自己」間房到

就係咁，同琴日一樣，都係Kristy沖左涼先到我沖....之後我地就上左床訓教...

不過今日...真當我訓著覺個時...Kristy係我後面特然攬住我條腰



Kristy：「我...可唔可以...攬住你訓阿？」

因為我都已經開始朦朦朧朧...所以我就答左佢一聲「嗯」...之後我就訓著左...