訓到差唔多早上五點幾...有人又打黎....

我 : 「喂...邊喂阿..... 」

老豆: 「仔!聽唔聽到阿!」

我 : 「點阿老豆,而家我呢邊得五點幾..我起左身先打比你啦!!」

老豆: 「洗你講咩....」



我 : 「你又點知阿...」

老豆: 「因為我係.....溫哥華咯.....」

我 : 「咩哇...你係溫哥華....!」

死啦好似好大聲...搞到Kristy轉一轉身....千其唔好出聲阿,唔係我就大禍

老豆: 「喂...喂...仔...你仲係唔係度阿?」



我 : 「係....係....我係度.....咁....你幾時過到黎嘎....點解而家先打比我...同埋點解你會知我係溫哥華....」


老豆: 「無阿....都係聽你阿媽講...咁我未知咯...連你個電話都係佢比我ge....」

「我都係前個兩分鐘落機...由芝加哥飛過黎咋嘛...我就會住係個個咩MetroTown 隔離間酒店度...係窩...你住邊阿..我會唔會同你間酒店住得好遠?」

死啦今次,我老豆竟然會咁好彩同我地住埋同你間酒店??!!

如果佢住埋同我地同一層...見到我同Kristy 一齊係間酒店房出黎..我一定實死無生....



呢次之後,Kristy真係比我嘈醒左....佢好細聲咁講...

Kristy: 「阿...軒...軒....邊個...打黎阿....」

老豆就個電話到問: 「點解你隔離會有女仔聲ge??」

好彩我變數夠快...立即同佢講...

我 : 「我頭先訓唔著..睇緊戲咋嘛....」

之後就想響Kristy耳邊講比佢聽係我老豆,但係佢已經又訓翻...

老豆: 「哦...咁好啦...咁你住邊阿?」



我 : 「其實...我同你住埋同一間酒店...」

老豆: 「真係嘎!真係兩父子阿!咁就太好啦....我而家搭緊的士過黎啦」

點算呢??如果真係比我老豆發現到...真係唔點....

我決定要拖延時間

我 : 「但係我而家仲好眼訓窩....」

老豆: 「咁...咁你想點阿?」

我 : 「咁...不如等我訓醒先再見啦,好唔好?」

老豆: 「好啦好啦...咁我等陣Whats App 你我個房間號碼啦...阿...係...唔記得左你個兩個室友添...記住叫埋佢地過黎阿」



今次真係死,究竟我要點介紹阿永好呢?如果講話佢係我室友,我又驚阿永會介意,如果我話佢係我女朋友,我又驚我老豆會變左怪獸家長...

係咁問佢身世...有無人可以話我聽可以點阿??

老豆: 「就咁啦...等陣見啦...」

唉,而家都好頭痛,都係訓醒再算...
 
已有 0 人追稿