放完春假...我地好快又要考試

上英文堂個時認識左幾個朋友,佢地開左個Whats app group,之後就約好一齊上完堂去圖書館溫習

今次係我第一次去美國圖書館溫書,以前係香港我都唔去圖書館溫書ge,點解?

因為次次我去到都會見到D死港女係度扮ABC,大大聲講英文

仲要係咁係度自拍,拍完唔夠五到十分鐘就走人



喂大佬阿,我本身都已經唔係好勤力個Type,仲要見到呢D人

所以我唔去都應該唔係好出奇啦

之後咁我地5:00 鐘係圖書館門口見,一打開本書真係一頭霧水

個本野叫做《仲夏夜之夢》,英名係“A Midsummer Night’s Dream”

我地三個咩完全睇唔明,所以我地就決定用Google Translate



裡邊寫到

第一章,第一節

「真誠的愛情之路永不會是平坦的。卑賤和劣行在愛情看來都不算數,都可以被轉化成美滿和莊嚴:愛情不用眼睛辨別,而是用心靈來判斷/愛用的不是眼睛,而是心。」

屌,原來翻譯左做中文係咁簡單

所以我地就張我地唔明ge地方翻譯晒出黎



好快過左兩個幾鐘,我地就搵完

其中係第五章第一節就講到

「瘋子、情人、詩人都是想像的產兒」

呢一句真係幾有意思,所以我確定我要張去寫落我電話ge記事本到

你有找幸福的自由 我未夠他得天獨厚 我也想對我這塊鏡擲石頭....

仆街,係圖書館唔記得交靜音,搞到個個都望左過黎一下

連我個兩個同班同學都望左過黎,見到電話螢幕顯示「阿永Bb」

我:「點阿...阿永....我係圖書館阿...」



Kristy:「哦...係咩係咩...咁你搞掂未阿?」

我:「差唔多啦...做咩阿?」

Kristy:「咁我開車過黎接你啦...」

我:「唔洗啦,我自己搭車翻黎就得啦!」

Kristy:「我開左車啦,十分鐘學校大門見...hehe..」

之後佢就收左先,我一抬起頭

發現我個兩個同班同學係到係咁望住我...



同學A:「喂!阿!軒!」

我:「咩料啊」

同學B:「個個係唔係就係我地學校女神....Kristy?????」

屌佢而家好似流晒口水咁,原來都又係狗公一個

我:「嗯」

同學A:「頭先你叫佢做...阿永???你同佢究竟係咩關係?」

仆街今次穿煲啦...點算....唯有係講佢地聽

我:「其實我係佢...」



Kristy:「阿軒原來你係度阿!」

我:「點解你會係度ge???」

Kristy:「無阿...到左見到門口有車位,未想入黎睇下你係圖書館係唔係真係溫書咯」

同學A,同學B:「我地ge女神...」

我:「阿...我未介紹...呢個就係我女朋友,Kristy,頭先就係佢打黎!」

同學A,同學B:「女!朋!友!就憑你???!!」

Kristy:「你地講咩哇?阿軒不知好你地幾多,又令仔,又高,讀書又好過你地...」



我:「好啦...」

Kristy:「我地走啦...Emily 煮緊意粉比我地食啦...返去應該有得食嘎啦」

我:「好好...咁我走先啦...」

其實頭先我聽到Kristy咁樣讚我,我都有D心涼,估唔到佢會咁直接企出黎承認佢係我女朋友,肯大庭廣眾咁公開我地ge關係

仲要落佢面...呢個女朋友....真係太好啦....不過...睇黎...以後我都要小心D...唔係真係出唔到學校門口,或者比人接放學

收拾完野之後我就去做Kristy 架車到,之後我地就開始揸車翻去食晚飯





 
已有 0 人追稿