那一天，我再遇上了妳: 曠課

到左聽日朝早七點幾，我就起左身
 
沖左個涼之後我就諗住出廳食早餐
 
點知我見到Kristy同Emily 仲係張書台度寫緊計劃書
 
我：「喂喂…你地咁早起身寫計劃書ge？琴晚寫唔晒咩？」
 
Emily：「We didn't sleep the whole night!! 」
 


我：「你講笑咋哇….晨早流流唔好講笑喇….唔好笑啊」
 
Kristy：「唔係啊軒軒…我地琴晚真係無訓….」
 
我：「咩！哇！你地唔係話好快做完嘎咩？？….」
 
Kristy：「係啊…其實一日做得完都已經係好快啦….其他組通常都要用成個禮拜先可以搞掂…」
 
我：「我以為你話快係一兩個鐘就做完….」
 


Emily：「Of course Not！Are you that stupid??!由有咩攤位遊戲，到邊個負責搞每一個攤位遊戲，到每一分禮物，到份禮物係邊到買，到預計有幾多人參加每個遊戲…等等等等….Is all our responsibility to write in the Proposal! 」
 
Kristy：「Emily 唔好咁嘈啦…啊軒都未試過搞呢D節目統籌…唔識都好正常姐….啊軒…其實就唔係咩Requirement 黎…但係為左可以容易D被收錄…所以我地年年都會做到有幾仔細就幾仔細….」
 
我：「哦…原來係咁…」
 
Emily：「我同Kristy今日都唔會翻學嘎啦…If you want any breakfast you have to make it yourself today…sorry! 」
 
其實琴晚我都應承左佢地要一齊搞呢個Event，無理由而家自己翻學唔黎佢地嘎
 


加上而家翻到去學校都無老師會教新野，佢睇都係幫我地複習，所以預期係返去複習，不如幫下佢地，搞掂左自己再自修都應該得
 
我：「好啦我決定左啦！」
 
Kristy：「你決定左D咩啊軒軒？」
 
我：「我決定左我唔翻學啦今日，我留低睇下有咩幫你地手啦！」
 
Emily：「Good choice!!!! 」
 
Kristy：「等陣先等陣先…軒軒你真係要咁做？你未試過走堂嘎窩…唔好因為我地所以你先走啦！」
 
我：「唔係啊！咁翻到去學校都無老師會教新野嘎啦，同埋我都想睇下有咩可以幫到手啊…」
 
Kristy：「咁….」


 
Emily：「咁你過黎幫我啦…你幫我打比Pheobe 同佢講下個星期一可唔可以去Walmart 超級市場買，打比Vanessa 問佢可唔可以係開放日個日帶佢屋企個個籃球機過黎…Oh….and  can you call Erica so that she could come make fried rice and spaghetti for the open day??同埋打比…….… 」
 
我：「好好好，等我拿支筆寫低先….得…你比埋佢地電話我啊」
 
Kristy：「佢地全部電話都係部電腦隔離張紙到啊…….拉….呢度啊…你拿去啦！」
 
之後我就一個一個打去，有D就無人聽，有D就話十分鐘後先打翻過黎而家有D野做緊，得幾個我真係可以打度同問到
 
仲要就算打到問到，佢地有D都話唔得閒，所以我又要再問過Emily睇下有唔其他人選
 
就係咁，來來回回咁我 足足打左三十分鐘電話，搞到我開始頭暈
 
原來高Event真係唔係咁簡單，我只係打幾個電話，已經開始覺得好眼訓
 


難為佢地，寫左個Proposal 寫左成晚都無訓到
 
所以到左差唔多早上十點幾，我就決定去樓下間西餐廳買小小野上黎比佢地食
 
我：「你地肚唔肚餓啊？」
 
Emily，Kristy：「We are so hungry! ！」
 
我：「咁不如我落去買小小野食比你地食啦…」

Kristy：「好啊好啊….我要千層麵就夠啦，Emily你呢？」
 
Emily：「一樣啦…」
 
落到去有好多人係到買緊，所以我買左差唔多三十分鐘先可以上翻去比佢地食


 
一打開門，只見到Kristy 同買Emily已經訓到趴左係地下訓
 
台面有一搭大概三十頁紙ge文件…
 
我就估到佢地應該係做完，太眼訓，所以就直接係廳到訓左
 
我想同佢地講我買左野翻黎比佢地食啦
 
不過我又唔想嘈醒佢地，所以我擺左D野食係個廚房到
 
之後坐係沙發到等佢地起身一齊食，不過唔夠半個鐘，連我自己都訓埋….
 
起身個時已經係下午三點幾
 


我就叫醒左Kristy 同Emily，之後就去丁翻熱D野食
 
食完之後，佢地仲話好眼訓，所以我地又各自翻翻自己房，又訓過….