之後個幾日我地都開始好忙,我地又要應付學校開放日要處理ge野

又要準備黎緊考試ge野,差唔到日日Emily同Kristy都好夜先翻

我開始見到學校大門有開放日ge佈置,見到負責每一個攤位ge人

開始有自己ge檔攤,每個人都好努力為左開放日呢日而準備

而我就係最得閒個個...同常我都係負責解答大多數人ge問題



「究竟Emily同Kristy而家係邊」

因為佢地兩個係呢開放日ge主要負責人

所有最後決定權都係向佢地到

Emily 主要都係負責聯絡個個單位個個

知金同埋器材上有咩問題,個個都係透過佢向學校申請



而Kristy就係負責學校D佈置,我見到去每日都來為百貨公司幾轉

買氣球,安排其他公司整海報,負責同每一個會係開放日幫手人講,講佢地負責邊一個區域

日日我都係負責做送外賣個個,但係我一D都唔介意

見到大家都好努力,雖然發覺到個個日日到差唔多可以走個時其實都已經好攰

但係見到大家上下一條心,都係係度「頂硬上」,一心為左自己學校開放日可以搞得好好睇睇而努力



見到咁,我都好開心...因為我地都係好團結

所以呢兩日我都好得閒,除左負責買外賣比佢地食同複習之外

我就每日都打掃下我地屋企,睇下高登...但係原來係外國上高登網真係慢得好緊要

所以我就開始係紙言到睇下有咩故好睇

晚晚都係嘗試係度搵新故睇,但係每次睇睇下都唔覺意咁訓著左

我亦都嘗試過打比我老母睇下佢點

但係佢就無聽我電話,只係發左個Whatsapp 話

「和朋友仔韓國旅行中!如果無咩特別野,我翻到香港先打比你!」呢句野



而我老豆就前一日終於翻到左香港,同佢傾左下電話

佢話總算沒有浪費到一個幾月黎係美國ge時間

佢成功傾到佢人生其中一單最大ge生意

聽老豆口風講好似話分十期過錢比佢,每期都有差唔多幾百萬美金

之後老豆就話遲D受到晒D錢之後可能佢想買多層樓

唉都係聽住先啦,老豆都唔係第一次咁樣講

但係不知不覺我都住左係青衣成十年啦



就係咁好快聽日就到開放日當日,好多攤位都準備就緒

有D就最後衝刺去做準備,其實我都唔知我開放日有咩做

只係聽Emily 同埋Kristy 講我要「Physically be there」 同埋有咩特別野發生我都係要幫手

今晚Emily同Kristy 都早左翻屋企,話想養足精神去黎緊一年兩日ge開放日

所以我就特登早小小已經煮好意大利粉比佢地翻黎有得食

食完之後我地各自各都翻左入自己房,沖左個涼,差唔到十點幾我就已經訓左










 
已有 0 人追稿