那一天，我再遇上了妳: 溫書

終於一切都可以恢復正常

一年兩日ge開放日終於結束，Kristy終於無事可以翻屋企

好耐都未試過我地三個可以正正常常甘坐低食餐飯

更加好耐未試過我地自己三個係屋企煮野食

不過而家都無咩時間比我地休息，我同Emily 隔兩三日就開始末期考試



不過Kristy 就係最幸苦個個

琴日先可以係醫院翻翻屋企，聽日就要開始補考

我同過自己講我要做一個細心ge男朋友，所以等我睇下有咩可以幫到手啦

朝早十點幾，我就見到Kristy已經起左身開始係張客廳台度搵書

我：「早晨啊阿永」



Kristy：「早晨啊軒軒，甘早起身ge你？」

我：「係啊...甘你男朋友知你聽日要考試阿嘛...甘佢未諗住陪下自己女朋友一齊搵書咯...」

之後我就慢慢甘行到張台個度，張我雙手擺係佢個勃頭個度，慢慢甘按落去

我：「舒唔舒服阿女朋友?」

Kristy 無啦啦企左起身，正面用佢雙眼望住我雙眼



Kristy：「軒軒....同你一齊....我好幸福...多謝你....係我病個時都有係我身邊照顧住我...無左你...我真係唔知點算....答應我...唔好離開我...」

我：「從今生命只有妳...」

之後我就好用力甘雙手攬住佢...張佢成個身體投入我ge懷抱裡面

我地好似好耐都未同佢攬過甘

所以佢都好配合，好用力甘攬住我

我地一直都無放手，可能我地都好鍾意可以緊緊甘攬住對方ge感覺,直到Emily 起身為止

Emily：「喂...what are you guys doing in the living room huh?」

我：「早晨阿Emily,無野阿我地咩都無做阿，係唔係啊阿永？」



Kristy：「係阿係阿」

Emily:「古古怪怪甘...你地唔洗搵書咩？」

係窩...掛住係度攬住Kristy，原來我地都攬左十幾二十分鐘

每次同Kristy一齊個時都覺得時間係過得特別快同埋其他野都會咩都唔記得曬

連Kristy 聽日要開始補考都唔記得

更加唔記得左佢頭先係係度搵緊書添

我：「要阿要阿...阿永甘你繼續溫書啦...我翻房溫唔左住你啦...加油阿..」



Emily：「You guys are still at the same apartment gosh!」

Kristy：「知啦知啦...軒軒你都加油啦！」

Emily：「唉...無眼睇..你！地！阿！...我煮意粉食阿...Who wanna eat ?」

我、Kristy ：「我！」

Emily ：「甘姐係三份啦！」

我：「嗯嗯...係阿...唔該曬阿...甘食得個時叫我啦，我入翻去溫書先啦！」

Kristy：「Thank you Emily!」

之後我就翻自己房，打開本英文書出黎睇...不過睇唔夠半個鐘，我覺得好悶



我就開始係部電話度打日記

「過幾日就要考試，我都未準備好，都唔知點算
好彩Kristy 仲算無事，學校開放日又終於過左
學老母話嚌，凡事都唔係必然
所以擁有個時就好好珍惜，唔好失去左先後悔..」

「各各各」

Emily：「意粉得啦，Come out and eat lah」

寫寫下又要出去客廳食意粉，唯有係食完再打日記啦

我出左去同佢地食野



我地都好快食完，因為我地三個都仲要溫書

所以食完之後，我就翻房繼續想溫書同埋寫日記

不過可能係飯氣攻心

我決定都係而家訓多陣，起身再溫過