那一天，我再遇上了妳: 輕鬆
終於我都考完試，但係Emily同埋Kristy都仲未考完
所以之後個幾日我都係最得閒，最輕鬆個個
日日都係無咩野做，一起身，一係就打下機，去下學校運動場打下籃球
一係就煮下野食，午飯又有，晚餐又有，等佢地考完試返黎有野食
唔洗佢地再咁幸苦出去搵野食或者番到黎又要自己煮完先可以繼續溫書
有一晚，我煮完晚餐比Emily 同Kristy 食之後，我啊媽無啦啦打比我
媽：「仔仔！」
我：「點啊？....」
媽：「無啊，媽媽掛住你啊嘛，又見你一排都無打番黎咯，未想打比你睇下你呢排點咯」
我：「都係咁啦....前個幾日先考完試，而家開始放暑假咯」
媽：「咁你有無計劃過暑假做咩同埋去邊啊？」
我：「無窩...」
媽：「咁你個兩個室友呢？佢地同你有無咩計劃啊？啊唔係窩...其中一個係你女朋友黎...Sorli Sorli」
我：「佢地聽日先考完試..所以呢排都無咩時間去話咩計劃下暑假點過啊」
媽：「爸爸媽媽都好掛住你啊...如果無咩特別野，我就叫你爸爸幫你買機票過幾日翻黎香港探下我地啦」
我：「我睇下佢地點啦，好唔好？」
媽：「幾時比到答複我？」
我：「聽晚同樣時間我打比你話你聽好唔好？」
媽：「好一言為定！」
之後佢就收左我線
原本我想佢Emily同埋Kristy間房問下佢地暑假有咩計劃，但係我見我同我老母傾完之後都已經十一點幾，佢地聽日仲要早起身考試
所以我都係等埋佢地考完試再同佢地商量下，而家都係去訓覺先
不過好快一訓醒，望下個鐘，已經早上十點幾
出到客廳，佢地已經都翻左學校考試，客廳一個人都無
琴晚食飯個試聽佢地講佢地兩個都係差唔多一點鐘就考完
而家有小小時間，我就沖個涼，之後翻學校會合佢地一齊食午飯
經過上次搭巴士經驗，今次我一定唔會再搭巴士，我決定都係搭翻Uber穩陣D
翻到學校，都差唔多十二點幾，我見佢地仲未搵我
我就Whatsapp 佢地話：
「我已經到左學校，等陣一齊食飯啦！我係學校門口等你地！」
不過Send 左出去唔夠五分鐘，已經見到Kristy同埋Emily係遠處行緊過黎
Kristy：「啊軒Bb！！」
之後佢就跑左過黎攬住我
仆街，大庭廣眾學校門口做咩咁大聲啊？？搞到個個經過都仇視左我一眼
我：「Kristy....大庭廣眾啊.....」
Kristy：「啊！！對唔住啊...咁人地都係掛住你姐.....」
我：「我都係啊...」
Emily：「Excuse！Me! 你地好似琴晚係屋企食飯先見完黎咋窩.......」
Kristy：「咁唔同嘎！我地而家考完試啦嘛!」
Emily：「Isn't that the same??!!....」
我：「好啦好啦，唔好嘈啦...咁你地而家想去邊度食啊？」
Kristy：「不如去元氣食迴轉壽司咯？」
我：「呢度有迴轉壽司？？？！！！！What...點解我都唔知...」
Emily：「Are you Stupid？唉...所以話你呢....間元氣就係我地學校隔離街...」
之後我地真係行左唔夠五分鐘就到左
而呢間真係元氣壽司....由門口，到D位ge擺著，到個迴轉Bar都係同香港一摸一樣
Emily 同Kristy 坐低坐之後就開始發癲係咁係度拿個D迴轉壽司
兩碟玉子壽司，三碟三文魚壽司
一碟吞拿魚壽司，皇帝蟹柳壽司，北寄貝壽司
仲有飛魚籽軍艦，辣味三文魚軍艦，炙燒黑椒海蝦同埋炙燒牛油熟帶子各兩碟
最後仲叫埋迷你泡芙同埋千層蛋糕
搞到我都唔夠膽再叫，都係痴下佢地個D呢食，都已經好飽
我：「係窩...你地而家考完試，你地暑假有咩計劃啊？」
Kristy：「無啊...通常我同Emily都無咩計劃，如果無咩特別，到左六月到我地都會一齊去下旅行」
Emily：「Why are you asking us suddenly??」
我：「無啊...其實...係我啊爸啊媽想我翻香港....」
Emily：「What？？Is so hot in Hong Kong!! 呢邊暑假先得15，16 度，係香港就有26至30度窩...」
Kristy：「不過你睇一年黎要翻去，都好正常ge....」
我：「咁...你地會唔會陪我翻啊....」
Kristy：「我應該得啊軒軒...雖然熱就係熱左D...不過可以陪軒軒翻...無所謂啦...我都有一年無翻過去啦...Emily 你呢？」
Emily：「真係要翻？？？！！」
我：「黎啦黎啦...一齊翻啦！」
Emily：「咁......」
我：「我請你地呢餐...你陪我翻啦....就咁話！」
之後我就拿左張單出去埋左
我：「啦...我比左錢啦...姐你都要翻啊...」
Emily：「好咯....翻咯....」
Kristy：「好野...我地一齊翻香港！！等我今晚同我屋企人叫佢地幫我買機票先！」
我：「我都要啊...!」
Emily：「Okay then...if you paid already...lets go home and have a rest...we woke up too early this morning ....Emily：「
Kristy：「好啊！翻去訓陣都好！」
之後我地三個就翻左屋企，訓左陣
訓醒我就打比啊媽
我：「媽媽」
媽：「點啊仔仔...我而家同我D朋友行緊街啊...點啊...」
我：「無啊...我想話你知我想翻香港啊！」
媽：「咁好啦...我叫你爸爸幫你睇下翻香港D機票啦...唔講啦...聽日佢幫你睇完我再同你Confirm啦...我見度個手袋幾好睇，想買啊！聽日仔講啦仔仔，掰掰」
咁唯有係等佢地聽日答覆啦...而家...都係繼續訓...聽日再打啊媽..睇下D機票點