那一天，我再遇上了妳: 階段

老豆：「仔...過黎坐啊」

我：「哦」

老豆：「點啊...呢排同你女朋友點啊？」

我：「都係好啊」

老豆：「幾時帶佢翻屋企食飯啊？」



我：「遲D啦老豆...如果無咩特別野同我講我想翻房沖涼啊，今日出左成日街」

老豆：「老豆有野同你講....仔...你呢個暑假有咩計劃？」

無啦啦做咩咁問呢...肯定有古怪..不過都係照答住先

我：「無啊...未好似以前放暑假咁Hea 下咯」

老豆：
「仔你大個啦....唔同以前是十二三歲...以家你都算係讀緊大學...就快踏入人生另一個階段....



屋企唔係無錢養你...但係你都要開始為自己張來打算下嘎係唔係？

你而家都有女朋友...我唔知你有幾愛佢...但係個個女人到左某個年齡都係一樣...

都係想搵個人做依靠...如果你唔好好裝備自己...佢就會離你而去....

搵個可以依靠到ge人....而家呢個年代...

有幾多個女人真係肯同你一齊捱麵包啊...仔你記住....男人唔可以窮」



我：「咁我又唔諗到咁遠...有無咁誇張啊？！   」

老豆：
「仔...其實唔係好遠嘎咋...亦都無誇張到....

你而家都大學就係二年班....你大學生涯就係得翻兩年...

你知唔知...如果你而家唔開始拿D經驗.....

到你畢業個時你咩工作經驗都無

好難會有好公司想請你...

你諗下如果你女朋友想去一間貴小小ge餐廳食但係你無錢...



又或者佢情人節佢想同你一齊去旅行但係你又無錢...

又或者佢好想好想同你生小朋友但係你又無錢養...

如果係咁你估佢最後會唔會仲同你一齊呢？

定係會搵一個可以比到呢D野佢ge人」

我：「我女朋友無！咁！現！實！」

老豆：
「咁係因為佢屋企而家可以支持到佢自己想要ge生活...

就好似我同你媽咪對你咁...我問你一個好簡單ge問題...



就算佢以上我頭先講ge野都唔嚮往...咁你住邊？

係唔係同佢一齊訓天橋底？」

我：「..........」

聽到呢刻....其實老豆都講得有道理，早幾日我先同Uncle David講我好愛Kristy...話以後會搵多D錢....等佢有幸福ge生活

老豆：
「老豆明ge....老豆個時都係好似你咁...懵下懵下...

踏入人生呢一個階段如果你準備好ge可以係一件好事...

但係如果你咩都無準備...咁你之後ge生活就會好困難同埋艱苦...」



我：「老豆我覺得你講的都有道理...不過我而家可以點」

老豆：「咁你有無諗過做下Intern， 無為晒做成個暑假啊就咁Hea 下hea 下 啊」

我：「依家報Intern都已經太遲...D要請Intern 個D公司都已經請晒人...」

老豆：「咁....我有計...」

我：「點啊點啊...」

老豆：「聽日，準時八點鐘穿好西裝」

我：「咩哇？？姐係點啊？？」



老豆：「你唔洗理姐係點...總知你聽就八點鐘穿好西裝啦...」

我：「咁好咯...我而家入去沖涼咯...聽日見」

之後我就翻房沖左個涼

同Kristy Whatsapp 埋話我翻到屋企同埋差唔多要訓個之後

係個腦不斷咁係度諗老豆有咩主意ge情況下，我就訓著左