那一天，我再遇上了妳: 誠實

李生：「蘭姐...整多份早餐比客人」

蘭姐：「知道李生」

老生：「軒...坐啊」

我：「嗯嗯」

李生：「我而家比三分鐘你介紹自己，有咩原因我要請你」



下....點解會咁....我好似都無咁多野講去介紹自己同埋Sell 自己點解佢要請我

所以我只係講由高中至而家大學生涯發生ge事情

其實都係無咩特別....都係咁平淡....點可以同一個上市公司老闆比啊

我呢D都係少人物...之後我講到差唔多講玩個時....佢就無啦啦啦話

李生：「停....你三分鐘夠左.....你覺得自己講成點啊後生仔？」



我：「李生...其實坦白講從來都無人叫過我用三分鐘介紹自己...所以我都有D亂....又有D緊張...唔知講咩好...我又無咩工作經驗可以講下」

李生：「不過你同小王都有一個優點我好鐘意...就係你地都係唔貪錢ge人....同埋老實....」

我：「咁我都照實講...無謂作咁多大話去掩蓋自己...」

李生：「就碰你句...我請你...聽日開始翻工...我會搵人聯絡你爸爸同你講你翻邊度」

我：「真係嘎...好耶！！！真係多謝李生比機會我...我會好好做好呢份工」



點解呢句咁熟口面ge...我知啦...係689 講過

李生：「如果我個仔好似你咁就好後生仔...而家我同佢地都無兩句計....只係識同我講錢....後生仔...記住你今日同我講咩...唔好忘記你ge初衷」

蘭姐：「王生你個早餐好已經正好...請慢用」

之後蘭姐就慢慢咁張每一碟菜一碟一碟咁上

上到最後...竟然係...九菜一湯？？？！！！

我平時就算真洗有早餐食...都係等兩隻煎蛋...同埋幾條腸....

呢個世界真係好唔公平

不過成餐早餐就邊左我老豆係主角...佢係係咁係到講公事...我完全都唔明佢地講咩



咩「呢單生意得一個碌」有或者「呢單生意有幾球...小王你可以做」

所以我都係坐係度聽足全程...都無講過野

終於隔左兩個幾鐘...我地食完個早餐

李生：「咁好啦小王同埋軒仔...遲D再見啦...」

之後我地就出翻去另一間別墅到拿翻架車

老豆車左我翻屋企之後佢就翻左工

翻到屋企，我就上左床想訓翻陣因為今日真係太早起身



但係一上到床我就自己係到係咁諗究竟李生會比咩工我翻呢

佢見公司有咁多唔同業務，又房地產又能源業又電訊業

仲有百佳...如果佢係百佳幫我安排左份工我未要翻百佳？？！！

李生幫我搵到工..到時我一定無得拒絕...諗下諗下又係窩

我而家連個大學學位都無...佢旗下ge公司入得去ge粒粒都有料

唔同我真係要翻百佳...去賣菜，又或者做貨倉...

算都係唔好諗...訓醒再算