「嗱,各位同學,呢位就係今年轉校入黎既新同學啦,你自我介紹一下先啦」

「我叫慕容光晨,大家多多指數啦」

「從今日起你就係我地3D班既新成員啦,你就坐....果個位啦」


「你好呀...」

「你好」





「我叫黃紫莉呀,我地可唔可以做朋友呀」

「哦...好呀,你個名咁難讀架,我以後..就叫你阿紫丫」

「嗯!好呀光晨」










「叮噹!叮噹!叮噹!叮噹!叮噹!叮噹!叮噹!叮噹!叮噹!叮噹!叮噹!叮噹!」

「邊撚個呀,知唔知依家幾點呀..」
仆街,我最憎比人嘈住我訓教

「好心你快d開門啦,好重呀!」阿咲拎住兩個旅行喼入黎
我道:「嘩乜你咁多野架..」





阿咲埋怨我:「又係你叫我搬入黎,依家又嫌多野,真係好麻煩架你...我間房響邊呀?」
「唉我帶你去啦」

我帶阿咲入去原本係雜物房既細房
「嗱,呢間就係阿咲小天地啦,哈哈,係咪好靚呢」

「吓!!呢間房得50尺,仲要係雜物房!」
我笑道:「地方細嘛,將就下啦,我尋晚特登幫你打理過架啦...睇下,望到朗豪坊架!哈哈」

「唉!是但啦..」
阿咲一躍,跳上殘舊既睡床上

「丫張床又幾彈架喎」
我:「哦係呀,我前日響垃圾站執既」





「垃圾站!?」阿咲馬上跳落床
「哈哈講笑姐..我帶你參觀下先啦」


「呢度就廁所,浴室」
阿咲四處張望
我問:「阿咲你搵咩呀?」
「我睇下你有冇周圍放d監視器,偷拍我沖涼」

我馬上大笑
阿咲皺起眉:「你..你笑咩呀!」
「我都話對你冇興趣,你唔好想得自己太高啦」

「咁你係變態黎架嘛.」
我唉左一聲:「我都話左尋日同你講笑囉,你係都要咁諗我都冇計」




嘿,緊係等你冇哂警戒心先做野啦

「呢個就廚房,平時我都會煮下野食既」
「你都幾有錢架喎,咩爐器都有齊咁..」阿咲問:「你..識煮野食?」
「緊係識啦,我依家就整一餐lunch比你食啦」我自信咁講


大約一個鐘後,我就拎住兩碟漢堡扒出黎
「嘩...你去左pepper lunch呀?」阿咲望到呆哂
「我自己煮架!你試下好唔好食?」

阿咲咬左一啖
「好..好好味呀!好juicy呀!」阿咲對我整既漢堡扒讚不絕口:「點解你煮野咁好食既..」
「響美國咁多年,冇理由餐餐都食漢堡包架嘛,緊係要自己學煮野食啦」
「阿咲你..唔係唔識煮野食下話?」





阿咲駁我嘴:「咩..咩唔識呀?!我緊係識啦!我識煮...」
「哈哈,咪又係淨係識煮公仔麵」

「唔..唔准笑呀你!變態佬!」
我認真道:「阿咲你咁樣唔掂喎..你唔識煮野食點嫁人呀」
「咁....咁都唔關你事呀!」




「喂,變態佬..」

「咩料呀?」





「點解你間偵探社無人黎既?」

我立刻反駁:「咩無人呀?我上星期先至做完一單生意」

阿咲好奇:「咁咩生意黎架?」

「果個有錢佬戴綠帽,叫我搜集佢老婆勾佬既證據..」我拎起一支紅萬點火


「咦...原來你食煙架...」阿咲一臉厭惡
「一日食一支姐,果陣讀書辛苦嘛,要食下黎減壓」
阿咲問:「讀咩書呀?」
「大學囉...Boston University」

「吓!?你都讀過大學?」
我吸一口煙:「好出奇咩...」

我望住大鐘:「仆街丫,原來成五點半!」
「做咩呀?」

我嗱嗱聲著起褸:「約左阿紫返去小學度呀屌!」
「喂,咁我點呀?」
「你今晚自己煮野食啦,係咁先!」
嘿嘿,今晚一定要成功溝到阿紫,私有化佢既下半身!



我果間小學:聖育強中學係位於油麻地京士柏公園
我印象中好似係名校黎,不過who fucking care啦

一入到去小學,我淨係有一個感覺:好撚多人
不過話哂四十週年,咁多人都唔出奇既

其實我又冇乜特別懷念既感覺既,畢竟都隔左咁多年,好多野都唔記得啦

「光晨!!呢度呀!!」
一把響亮既聲音傳到耳邊,係阿紫
佢今晚著左短裙加黑絲,駛唔駛咁淫呀...

不過最令我介意既,係佢身邊已經有好撚多隻狗公
呢d狗公雖然係我既小學同學,但係我一個都up唔出名

「hi,唔好意思呀阿紫,遲左少少」
阿紫笑容滿面:「唔緊要呀,同你介紹返先,呢個係阿正、肥恩、細金...」
得閒理鳩佢地咩,今晚我既目標就只有你既下半身咋阿紫,嘿

「光晨你想食咩呀?我幫你叉丫!」
「哦,好呀,我要牛扒,唔該阿紫!」
阿紫主動為我叉野食既呢個行為,成功令我得到各隻狗公既仇視眼神
嘿,你班柒碌想同我香港松田翔太爭女,返鄉下啦


「咕....」
仆街...肚痛tim

「死啦,阿紫,我去一去洗手間先」
「嗯,好丫」
不過睇死班狗公響呢段時間都做唔出d咩,所以我都應該可以放心屙屎


「轟轟轟轟轟~轟轟轟轟轟轟轟轟轟轟轟~轟轟轟轟轟轟轟」
「嗚...舒服哂....」好似只係普通既肚痛屎,如果係咖哩漢堡肚痛屎就大獲,分分鐘屙成晚

「嘎.....嘎.....」
隔黎果格有人喘緊氣,屌,唔係打緊J下話
條友開始自言自語:「一陣..應..應該講咩做開場白呢..」
「『好耐冇見啦阿紫』..屌唔得咁撚濫...『yoo!阿紫你好嗎?』..屌家陣rapper咩」



「砰!!!!」我一腳將道門踢開
入面果條友比我嚇到成個人縮埋:「嘩屌!!你痴線架?」

我行近果條友:「鍾尚南!」
「你係...」
「光晨呀!慕容光晨呀盲炳!」

鍾尚南就係我響小學果陣,除左阿紫之後既唯一一個朋友
但係我估唔到,眼前既阿南外觀頹廢,著既衫亦十分老土
明明小學果陣佢係中上男神黎喎,點會搞成咁

「哦...係光晨!!太耐冇見差d認唔到呀」
「哈哈,好耐冇見啦」我笑道

「你做乜搞到自己咁撚頹呀,明明小學果陣你好靚仔喎...」

阿南嘆住氣:「自從中五果陣會考得一分,我就開始做廢青」
「依家呀,我都仲係靠做7仔搵食咋」
雖然阿南小學果陣成績都係包尾果d,但係..都冇理由會考得一分架....

「咁你呢光晨?」
「我呀..果陣中3就過左去美國讀書,上個月岩岩先返黎咋」
「光晨,你真係犀利呀..」


我問:「話時話....你仲鐘意阿紫呀?」

阿南一臉尷尬
「呃..呃...係..係呀」
阿南由小三岩岩識佢果陣已經係鐘意阿紫,呢個係一個只有我地兩個先知既秘密

我點起紅萬:「但係...依家阿紫好撚索喎,頭先見到佢,比成班狗公圍住...你點搞呀」
阿南抓住佢凌亂既頭髮:「唉..我都唔知...果陣明明連中學都同佢同一間,但係我都唔敢表白呀.」

雖然阿紫既下半身真係好撚正
但係,既然我老死阿南對佢餘情未了,咁我都願意放棄既
「嗱,一場兄弟,我點都幫你得米既」我用水幫阿南整返個好睇少少既既頭
「但係...」
「但乜鳩丫,我同你出去啦!」




「喂阿紫!」
燒緊野食既阿紫回頭:「光晨,好d未呀?...咦,你咪...?」
「頭先岩岩出廁所就見到佢,哈哈」我笑道

阿南明顯仲淆緊底,我拍一拍佢背脊
「呃,係呀,好耐冇見啦阿紫」阿南尷尬地點點頭

阿紫問候:「中五之後就冇再見你啦,你幾好丫嘛?」
「幾好..咁啦」
「黎丫,過黎一齊燒野食啦」
我響阿南耳邊道:「屌你,比d自信啦..」

「係呢,你地依家做緊d咩野呀?」
「ibank」「會計師」「政府工」
阿正、肥恩、細金果堆狗西輪流講

「原來你地都咁犀利架...咁光晨你呢?我知你做既野一定好特別既,嘿嘿」阿紫笑道
「我對呢d無聊工作冇興趣」我自信道:「我上個月岩岩響boston返黎,依家開左一架私家偵探社」說罷就派左一張卡片比阿紫

「原來你私家偵探黎架,好有型呀!」阿紫聽到後對眼發光咁,明顯同頭先對果班狗公唔同
「咁...阿南你呢?」

我馬上搭住阿南膊頭
「佢依家就係我間偵探社既合伙人,即係我既拍檔」我笑道
阿南比我嚇呆左:「喂,我..」

「吓!」阿紫道:「原來你地兩個仲咁fd!」
「嘿,唔好咁啦阿紫,咁我岩岩返黎就撞到佢嘛!」
阿紫扮哂嬲咁笑:「我地果陣三個咁fd,點知你地淨係掉低我!」
阿南,今鋪幫到你盡啦,食粥食飯睇自己啦手足




「喂,點解光晨你頭先呃阿紫呀?」我同阿南行返屋企
我:「咁唔通你想講自己做七仔呀,扣到負分啦」
「依家佢又對我地兩個份工有興趣,又成功換返起我地三個果陣既友誼,你話我係咪好醒先!」

我同阿南不經不覺就行到佢位於上海街既唐樓
阿南抓住頭髮:「唉咁依家點收科呀...話時話你做乜跟我返黎呀」

「咪就係繼續做埋場戲囉!你過黎我果度住,我請你做我偵探社既員工」
阿南:「吓真係架?多謝你呀光晨!」
「一場兄弟,我都唔想睇阿紫比外人溝左既」我幫佢執拾行李:「人工6500,包食包住,我會響阿紫面前講你係合伙人架啦」

「嗚..」阿南忽然流起馬尿
「嘩屌你老味,做乜鳩呀」
阿南抹住眼淚:「無...太感動姐,光晨你真係好兄弟黎呀..」
6500又請到個打雜執頭執尾,正




「我返黎啦...嘩你搞乜鳩呀」
阿咲將我櫃上d文件拎哂出黎
「我響度睇緊,之前有冇案件係關我叔叔既死事姐..」阿咲專心睇住文件,望都冇望我

「咪講左冇啦,同你介紹,呢個係偵探社既合伙人,叫鍾尚南,呢條女叫李千咲,係打我工既」
阿南禮貌地鞠躬:「李小姐你好,我叫阿南」
阿咲親切道:「你好呀,你叫我阿咲得啦,咁你係咪中上男神呀哈哈」
我都唔明,點解阿南會有個咁好笑既名

「I push my fingers into my eyes!!!
It's the only thing that slowly stops the ache!!!」
聽到Slipknot既名曲duality,就知我部電話又響

「喂,阿紫,做咩呀?」
「光晨,頭先響小學多人我廢事講...你地可唔可以,幫我查d野呀」
「得,冇問題!我同阿南免費幫你都得啦!」

「我想你幫我查我其中一個女學生,佢屋企人前排遇到交通意外過左身,而佢既行為都變得好怪,我驚佢會有事..」
「嗯...好丫,咁果個學生叫咩名呀」
「叫鄺素素,今年中六」
已有 0 人追稿