【英雄系列2】無敵光晨: 6

「good morning！chink！welcome to boston！！」
「hahaaaaaaaaa！！！」

「哼...無聊」



「你...你好」

「嗯，早晨，你都係香港人？」





「係呀，我叫李小蘭，果班鬼仔係鐘意玩racism架啦，唔駛理佢地」

「我冇擺響心度喎」

「點解你會黎美國讀書既？」

「老豆逼既」

「你...你叫咩名呀？」





「光晨...慕容光晨...」






2日後







「叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮叮」
偵探社既電話響起


「喂，無敵私家偵探社」

「光晨.係我」

「做..做咩事呀陳sir？依家先朝早12點咋喎...仲要星期六」

陳sir沉重道:「你冇睇今朝新聞咩？」

「岩岩起身咋..依家開囉」







「兩名教師於凌晨被發現倒臥於聯合道，送往伊利沙伯醫院時昏迷，情況危殆...」

「我睇到啦，果兩個老師果單嘛，但...有咩咁大件事呀？」
「我懷疑...佢地兩個係知道國際販毒組織Ouroboros既事...」

我先呆一呆:「點解...你咁肯定呀？」
「我send堆警方影既相比你，睇完你就明」

我馬上打開whatsapp，陳sir已經send左佢口中既果堆相比我
一男一女攤響地下，似乎就係今次出事既兩個老師

但呢d都唔係重點




最重要既係，男既手上，有一包粉末
上面印住Ouroboros既銜尾蛇標記


「你睇唔睇到呀光晨？」

「緊係睇到啦，果袋白粉...係Ouroboros」我道:「咪住先，你唔係想話，果兩個老師，係調查緊Ouroboros下話..」



「有咁既可能，但係，好地地兩個老師點會查毒品？」陳sir繼續推論

我:「唯一既可能，就係佢地學校出現左幫Ouroboros散貨既毒販」

「光晨你講得岩，而且兩人又係響學校附近比人襲擊，所以學校入面出現毒販既可能性非常大」





「咁..佢地係邊間學校呀？果頭有幾間架喎」


「民生書院」

仆街，正正就係阿紫同素素果一間學校


「咁..陳sir，你想我幫你查呢單野？」

「嗯，酬勞方面唔駛擔心，如果你地可以破獲到批貨，至少有六位數」

「好，過幾日再聯絡啦！」








阿咲從廚房出黎:「光晨，陳sir搵你做咩呀？」
阿南出左去幫隔黎屋阿婆搵貓，素素就返左學校補課
所以間屋就得返我同阿咲

「冇...小事姐」我為免再觸動阿咲既神經，暫時都唔會同阿咲講呢件事
「係喎，你同阿南搞掂張太老公包二奶果單野未呀？」

「搞掂啦，d證據比左張太搞離婚啦..」阿咲都算聰明，黎左半個月都冇就識點樣跟蹤target
「醒目喎，果然係讀過下書..」我笑道
阿咲微笑:「哼，我唔駛你讚呀」

「係喎，果個...「組織」既事....」
阿咲忽然講起

「我覺得...你應該要問下自己，係咪真係想報仇先」我吸一口煙:「你要知道，殺左人，就真係返唔到轉到」

阿咲皺眉，問:「你咁講，即係你...殺過..」




「叮噹！」
我望進防盜鏡
係身穿住便服既阿紫

「阿紫？做乜好地地黎搵我地呀...」我心想


「咔！」
「做咩事呀阿紫？」我邊打開門邊問

阿紫滿頭大汗:「大件事啦光晨，我地學校...」


「你係想話，你地學校果兩個老師遇襲既事？」
「嗯...頭先我地去左醫院探林sir同miss張，佢地仲未醒..」阿紫臉帶憂慮:「警方話佢地比人襲擊，但係..佢地好地地...點會 
..」

「阿紫你冷靜d先..」我遞杯水比佢，道:「頭先警局都有人打過比我架啦，佢地叫我幫手查呢件事」
「真....真既？」阿紫疑惑問
「嗯，所以阿紫你可以放心，我同阿南都會盡力幫手查呢件事...不過，阿紫你可唔可以講多d果兩個老師既詳細資料呀？」
我特登提阿南個名啦，幫fd幫到盡啦...

阿紫開始冷靜返落黎:「林sir同miss張都係中5E班既班主任，miss張就係教通識，林sir就係教數學同m2...」
我:「咩..咩m2呀？」
「哈係喎光晨你岩岩返黎唔知，m2即係我地以前AL既pure呀，不過淺d..」阿紫笑道

「哦...得啦，我地會查下佢地兩個最近會唔會同人結怨果d咁..你放心啦阿紫，我地一定會查出真正兇手」
「唔該哂你呀光晨..」阿紫笑道:「咁我..走先啦，拜拜」
「我送你丫..」

我送住阿紫到lift口
「係喎光晨，唔該哂你呀」阿紫笑道
我問:「唔該我？做咩呀？」

「素素最近成個人開心返哂，岩岩個mock exam又有四科係全級第一...我諗一定係光晨你地開解佢啦」
唔係掛，我明明乜柒都冇做喎...

「我..」
「咁，拜托你地繼續照顧素素啦，拜拜光晨」

我明明對個死o靚妹咁撚衰..到底佢諗乜鳩



「喂光晨！」阿咲喝住我

「咩事呀？」

阿咲有點憤怒:「你頭先又話陳sir搵你係傾小事既？點解你同阿紫講佢搵你查果單野呀？」

「唉，事到如今，唯有同你講..」我飲一口水，道:「今次呢件事，有可能同果個『組織』有關」
「..吓...」


「嗱，我話可能咋，我同陳sir都有咁樣考慮過，不過未必100%架，你唔好咁心急」我立刻戴返個頭盔
「嗯...」阿咲:「放心啦光晨，我唔會感情用事...不過，你想點樣去查呢單野？」

「阿咲，你讀左pgde架嘛...」
「係呀...」
我笑道:「咁我地兩個入去民生書院度做代課老師咪得啦，阿南就入去做IT部，三個人乜柒都查到啦」

阿咲大驚:「光晨你做代課？！」
「嗯！我響boston university就係讀數學架，係差個教育文憑姐」我拎起電話:「不過你唔駛驚，呢層我有方法搞掂」
阿咲擔心:「但係..我冇經驗架喎...」
「唉，你放心交比我啦，我有辦法，個校長一定請我地兩個..」

「咔」
阿南終於返黎:「我返黎啦...咦，你地講緊咩呀？」
我食住煙:「黎緊我地要幫陳sir去查一單案...」

「我知呀...」阿南陰陰嘴笑
我:「點解你知既？」
「頭先...我響樓下見到阿紫..佢同我講哂啦..」阿南笑到好似d思春毒撚咁，見到都想打鑊佢

「笑到咁，你肯定係諗緊『嗚呀，可以日日見到阿紫，真係好啦！』」我笑道:「不過講定先，我同阿咲係入去做代課老師，你 
就係做IT佬既姐，唔好諗住有好多時間同阿紫相處」





「慕容光晨，波士頓大學數學系畢業，中文大學教育文憑....李千咲，香港大學社會科學系，同樣都係中文大學教育文憑..」
響我地面前既係民生書院既校長林志強，佢正細閱我同阿咲既CV

阿咲似乎真係未見過工咁，手心不斷出汗
相反，我就好氣定神閒，因為我知佢一定會請我地兩個

「兩位，你地黎緊既一個月，將會分別暫時做中5E班既班主任，慕容sir你就教數學同m2，miss lee你就教通識，聽日開始返黎 
，有冇問題？」




「喂，光晨」阿咲同我一齊行出學校:「點解，會咁易就請我地架？」
我吸左口煙:「因為我搵左我一個老友，佢唔單止幫我整左張假既教育文憑證書同紀錄，仲delete哂其他申請者既資料..」

「吓，呢d犯法架喎...」阿咲一聽到就非常肉緊:「同埋...你唔好再食煙啦，你係老師黎架啦！」
我將煙頭掉落地下:「車..咁我地果次救素素打人夠犯法啦，前幾日同素素偷入人電腦都犯法架，你咪唔好做囉！仇都唔好報丫 
笨！」

「光晨..」阿咲忽然停下腳步
「做咩呀？急屎呀你？」

「如果，我真係想報仇，真係要佢地血債血償既話，你...會唔會幫我？」阿咲認真地望住我


「嘿，睇下你到時比咩價我囉，哈哈」

不過我唔會比阿咲你咁做既
因為，殺死果8個人既人，一定係我....