【英雄系列2】無敵光晨: 8
「一、二、三，cheers！」
「光晨，畢業快樂呀！」
「嗯，畢業快樂呀小蘭！記得做個好律師呀」
「知啦，你都要做一個好老師呀！」
「嘿嘿，到時就大把學生妹比我食啦」
「丫，咪咁咸濕啦光晨！」
「慕容sir，我唔知點in呀~~~」
「嗱，你用返integration by part，咁樣，咁樣，咪計到囉」
「嘩！！慕容sir好叻呀！！！」
「鈴鈴鈴鈴~~~~~」
「好！夠鐘！放飯！」一聽到落堂鐘，我馬上放低手上既M2書:「Goodbye class！食飯！」
美寧拉住我:「慕容sir，不如我一齊去食飯丫，我仲有好多題differentiation唔識呀」
「咩呀，你咩都識哂啦！唔好阻住慕容sir呀！」小緣又講:「慕容sir同我食丫！我知附近有間餐廳好好食架」
「呃...其實我今日約左miss lee食飯啦，下次先啦」我笑道
「唔..咁好啦...」兩人只好失望離開課室
響大半班人走哂之後，我先發現嘉嘉仲未走
我走埋去:「張嘉嘉同學，做乜唔去食飯既？」
「無...無野..」嘉嘉問:「慕容sir，林sir同miss張係咪仲未醒呀？」
佢係呢一班入面唯一一個關心果兩個遇襲既老師既人
「呢層...我都唔知喎..」我接住問:「你..好擔心佢地呀？」
「嗯，其實佢地一直好熱心幫學生，只係用錯方法，先令大家都覺得佢地專制姐..」嘉嘉道
「哦...估唔到你都幾有佢地心架喎..」
嘉嘉緊緊捉住我:「如果佢地兩個有咩消息既話，記得同我講呀慕容sir！」
「嗯，我會架啦」
落返去地下，阿紫一行二人已經等緊我
「光...慕容sir！咁遲架你！好肚餓呀」阿咲不悅道
「sorry囉，頭先問緊學生野」我問:「係喎，阿南呢？」
「佢去左酒樓攞位呀...光晨、阿咲...今次唔該哂你地呀..」阿紫感謝我地:「你地幫左我咁多次，我都唔知點多謝你...」
「唔駛，我地話哂識左十幾年啦...你對阿南好d就得啦」我笑道
「對阿南好d？」阿紫問
「冇..冇野，入去酒樓先啦..」
阿南你加油啦屌，下下諗住我幫你咩
入到酒樓，阿南已經坐響四人圓枱度幫我地洗緊碗
我道:「喂，咁早到既」
「係呀，做it support冇乜野做嘛，阿紫，坐呢度丫」阿南為阿紫拉開旁邊既凳
阿紫笑容滿面道:「好丫，唔該阿南」
屌你，咁先係溝女架嘛阿南！
我好奇問下:「阿南，你今朝做乜黎呀？」
「今朝中一班同學仔話劇比賽，我要幫手影相姐...都好輕鬆既，下晝個周會有嘉賓黎我又要standby啦」阿南拎起點心紙:「阿
紫，你想食咩呀？」
「嗯.....諗唔到呀，阿南你幫我話事丫！」
「哦..好呀」
睇黎阿南都開始知道d女係要追，希望佢成功啦
「光晨、阿咲，咁你地今日第一日教書，慣唔慣呀？」阿紫飲住茶問
阿咲嘆一口氣:「唉..班學生本性就唔壞，係貪玩、成日唔專心姐..問佢地問題又唔踴躍...」
「咁光晨你呢？」
「我果堂完全唔同喎！個個女仔主動問我問題，又積極又好學！係d男仔成班都自閉咁唔理我姐！哈哈」
阿咲有點唔相信自己會輸比我:「點會咁架！我明明已經好落力鼓勵佢地答問題架喎」
「香港d學生就最憎答問題既，你仲要鼓勵佢地，佢地緊係憎你啦！」
「哼！你咁樣唔會幫到d學生學到野囉！」阿咲難以接受讀過PDGE既自己會比我呢個門外漢批評
「我幫唔到？班女仔今日識哂成課definite integration呀！你教過d咩呀！」
「唔好嘈交啦你地」阿南忽然細細聲問:「光晨...咁你依家查到d咩呀？」
我摸摸下巴:「唔.....暫時，就只係得果個張嘉嘉會主動問果兩位老師既事..」
「所以，你懷疑佢會知道內情？」阿紫猜測
「嗯，所以我會繼續追查落去..」
阿咲皺眉:「喂！點解張嘉嘉問你唔問我架！？」
我恥笑:「因為我靚仔囉！頭先不知幾多女仔圍住我問野，哈哈！」
食完飯後，我地四人慢慢行返學校
沿途經過一間士多
「光晨、阿南，你地記唔記得呀？果陣我地放學成日..」
「我記得，買雪條丫嘛！」我笑道:「我就鐘意食冰冰同鳳仙，你同阿南就成日食孖條兩個份既」
阿南:「嗯，我都仲記得，果陣零用錢少嘛，咪同阿紫一齊食孖條囉」
阿紫臉紅:「果陣仲比同班同學見到，話我同阿南拍拖嘛」
咁你又知唔知，阿南好enjoy呀？
「阿咲，你仲有冇以前d同學聯絡呀？」我好奇問
「冇啦...畢左業大家都各散東西...」阿咲嘆住氣:「所以..我都好羨慕你地三個..」
咁又係，如果唔係阿咲，我都唔會撞返阿紫同阿南兩個啦
返到去學校後
「光晨，你有冇搵過素素呀？」阿紫問
「今朝上堂之前見過下佢囉，做咩呀？」
阿紫笑道:「佢今日好似特別開心咁，我估...係因為可以響學校見到你地姐，嘻嘻」
「吓，關我地咩事呀？」我問
阿紫:「前排同素素傾計，佢話你地對佢好好，尤其是...係光晨你呀」
阿咲苦笑:「吓！你對佢好？！」
「個死靚妹short short地既」我大感不惑:「係咪佢老豆老母以前對佢唔好咋？！」
「素素冇同你讀咩？」阿紫接住道:「以前佢屋企人成日都要出國做生意，一年返黎香港既時間得十幾日，所以過時過節，素素都係一個人過」
「所以，我諗一定係光晨你比到家庭溫暖佢啦」
「痴線！佢肯定short左啦！」我心想
「咦，午安呀miss wong，呢兩位...就係新黎既代課老師呀？」
一個彬彬有禮既瘦削西裝男走過黎
佢大約年過三十，身高有一米八，樣貌帶點邪氣
佢...令我有種熟悉既感覺
阿紫:「係呀，我同你介紹丫，呢兩位係慕容sir同miss lee...而佢呢，就係教你地5E班英文科既李sir，佢都岩岩今年9月先入黎架」
「你好，我叫李小康，多多指教」陳sir臉帶微笑地伸出右手
「嗯」
「?」
響握手既果一刻，我成個身體好似有一道電流經過一樣
「你就咁叫我做7號就得啦，從今日起，你就係8號」
「歡迎你，加入海豹突擊隊最秘密既部門，Cobra」
「慕容sir！做咩眼定定咁既？」阿紫問
「哦..無野」我回過神來:「李sir，好高興認識你」
「嗯，大家咁話」
Cobra係海豹突擊隊入面負責暗殺恐怖份子頭目既部門，入面只有9個成員
成員平日唔會向對方顯露真樣，會長期戴住面具
雖然我唔知道7號真正既樣貌
但單憑呢個阿sir佢奸險既笑容以及頭先握手果一下感覺
我好肯定
佢就係我當年響Cobra認識到既「7號」！
亦即係話，今次果兩個老師既事，確實同Ouroboros、以及後來背叛左美國軍方既Cobra有關！