「4號!!點解...點解你地要幫Ouroboros果班人呀!?仲要殺左兩個參議院議員!?」



「哈,8號你醒少少啦,呢個世界...邊個有錢咪幫邊個囉」

「8號,你真係太天真啦,嘿嘿」


「喂!8號你去邊呀?!」








「我唔會...再幫Cobra做野架啦」












踏踏踏踏踏踏

我一路跑往深切治療部


剛走進G座之際
「轟轟轟!!!!」





樓上傳來既,正正係SMG既開火聲!

地下既人聽到呢d聲,都紛紛躲避及逃離醫院





「仆街!」
我心知不妙,睇黎果個7號係黎真


「救命呀!!有人開槍呀!!」





我跑上一樓之後,已經有一大堆人逃走
醫生護士病人家屬乜都有

但走廊原來冇血漬,7號雖然未至於兇殘到亂殺平民



我從手袋中拎出鐵面具並戴上


「砰!砰砰!」
呢d手槍聲,係響走廊盡頭傳黎既..

我走到盡頭,只見到地上一個個中左槍既差佬






而響我前面既,正正就係準備走進病房既7號

佢戴住一個只露出雙眼及鼻孔既鐵面具





「哈哈哈哈,係你呀,8號...唔係,係慕容sir先岩」7號拎住手上既SMG擺動

「哼,7號..」我冷冷道:「你混入學校,到底係為左d咩?」







7號吹住口哨:「呵呵,呢d野..我唔會同叛徒講架」

我問:「係因為果兩個老師見到你身上有毒品,所以你就殺佢地滅口?」

「嘿,差唔多啦慕容sir」7號望住手上既手槍:「不過可惜果陣冇槍響手啦,如果唔係就一早解決哂佢地兩個」



「即係話,依家Cobra既角色,就係作為Ouroboros既保鏢..」

「叮噹叮噹,全中呀慕容sir!」7號眉飛色舞:「既然Ouroboros比得起錢,我地咪幫佢囉,嘿嘿」

「而你,就因為自己既偽善,唔單止失去左呢個賺大錢既好機會,再冇埋自己既女朋...」







「仆街!」

我迅疾衝向7號,揮拳擊向上腹

呢一拳快而重,中左既話必定重傷


當然,7號都唔係省油既燈

佢雙手成十字型,勉強格開呢一記攻擊


7號笑道:「嘩..咁耐冇見,慕容sir你既拳都仲係咁重」




「不過..我唔會再比你埋到我身架啦!!哈哈哈」
7號從腰間拔出另一支SMG,向住我亂槍掃射!!


「嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭嘭」

幸好我旁邊正正就係轉身位
我成功躲進,避過7號既瘋狂射擊



「哇哈哈哈哈哈哈哈哈哈哈哈哈哈哈哈哈哈哈哈哈哈哈哈哈睇你避得幾耐!!!!!」
7號好似發左癲咁,對住我前面既石屎牆狂射
流彈亦擊中天花版上既消防頭,水隨即灑落地上


可惡,如果我有「果樣野」響手上既話,根本唔駛怕佢





「光晨!!!」
陳sir從我身後大叫

「陳sir?你黎做咩呀?」
「緊係黎幫你啦!」陳sir躲響我旁邊:「對方火力咁猛既,到底係咩人黎架..」


「依家無時間解釋咁多啦」我放下手袋:「陳sir,一陣我跑出去引開佢,你就襯機會射低佢」
「嗯!」



襯住7號為SMG換彈既三秒
我以前方2點方向既另一個轉角位為目標,直奔過去


「哈哈哈哈終於肯出黎啦咩哈哈哈哈哈哈」
7號將兩支填裝好既SMG舉起瞄准跑動中既我


「去死啦!」陳sir亦不甘示弱,一早已經用左輪瞄准7號
「砰!」

陳sir既呢一槍,成功擊中7號既左肩


「仆街!」
中槍後既7號一聲怒叫,再向陳sir開火

「嗚!」陳sir身中三槍,隨即倒地




「陳sir!!!!」

「光..光..晨...唔好理我..隊冚佢呀...」陳sir用剩餘既氣力道



「屌你老母!」

我亦乘住呢一小個既空隙,成功閃到7號既左手邊

我一記日字衝拳,直攻7號既胸口

而7號亦舉起左手既SMG,對準我既頭顱



「砰!」

幸好我及時將自己既位置微微移左,子彈亦只係擦過我既臉龐

但同時,我既拳亦只係打中佢右胸,離要害仲差得遠





「嘔!!!」不過,呢一記都足以令身體虛弱既7號吐血

「哈哈!估唔到慕容sir你身手仲係咁好!咳咳咳!」
7號準備拔出口袋中既自動手槍

「不過....咁既距離,你覺得你可以避到我既子彈咩!!哇哈哈哈」

手槍同我既距離只有10cm
「哈哈哈!!落地獄同你女朋友見面啦!!」



「哼,係咩..」




「嘭!」

響衝出去引開7號注意時,我一早已經響地下拎左一把屬於警察既glock17手槍
於打出呢一拳既同時,我既左手早已經解開glock17既安全裝置
以免錯失一擊必殺既機會後,被對手反擊

呢一擊,剛剛打中7號既心臟



7號胸口血如泉湧,隨即斷氣倒地




我眼見7號已經死左,馬上跑返去陳sir處
「陳sir!!!陳sir!!!」

陳sir奄奄一息:「嘿....光晨...我..唔得架啦...」
「你咪講呢d野啦!!!我依家送你過去急症室!!!!」

「唔..唔駛啦!」陳sir緊緊捉住我:「光晨...當年...你老豆既事..好對唔住...」
「如果...我..早d幫佢既話...」

說罷,陳sir就閉上雙目,駕鶴西遊





「陳sir!!!陳sir!!!!!」


Cobra!!!!!
已有 0 人追稿