【英雄系列2】無敵光晨: 17

踏、踏、踏




「5號，我黎左啦，出黎啦！！」








「哈哈，果然準時喎8號！」

一個戴住小矮人面具既青年，從上層既黑暗中推出被牛皮膠紙封嘴、並被綁住既阿紫同素素





「唔唔！！！唔唔唔！！！！」兩人不斷發出叫聲






「快d放左佢地兩個！！！」我大喝



「唔駛咁心急！我同你玩個遊戲丫」

5號叫著口哨，手指阿紫同素素頸上既頸環:「依家呢兩位靚女頸上面都裝左我set既計時炸彈，10分鐘內你如果拎唔到我手上既呢條鎖匙解開佢，就會....boobbbb！！！！」

「唔唔唔！！！」阿紫同素素都叫得雙眼通紅






仆街，呢個5號果然係Cobra最狗閪既人！！



「阿紫！死o靚妹！你地放心！我好快就會救你地架啦！！！！」



「好！遊戲開始！！！」

一講完，5號馬上拎出數個手榴彈，拋向我方






我馬上閃到一架爛船後，擋住5號既轟炸

「嘩哈哈！！8號你太天真啦，你以為我估唔到你會咁做咩！！」


呢刻我先發現，爛船內已經裝上一顆c4計時炸彈

「可惡！！」


我馬上飛撲，剛剛好避過爆風



「哈哈，聽你避得幾多！」5號繼續掉出多顆不知名既炸彈





響佢不斷既轟炸下，根本好難埋到佢身





「過左三分鐘啦！！你仲有咩符fit呀！！！！哇哈哈哈」

呢個船廠只有左邊一條樓梯

5號一定會守住佢，咁我唯有...








「去死啦哈哈哈」5號無間斷地投出手榴彈

我拔出牛肉刀，睇準前面一顆手榴彈既軌跡


「8號，做乜企定定等死呀！？」

「哼，天真」


我用牛肉刀，45度角地將手榴彈「片西」到高空

「轟！！！！」






「仆街！」爆風亦波及到5號

我眼見5號停止轟炸，馬上衝過去跳起，捉住5號既小腿，將佢從上層既木橋扯落地



「嘿，依家睇你點掉炸雞..」我笑道

5號慢慢爬起身:「哼..2號話你呢條友係痴線，果然係真既」



我唔得閒同佢講廢話，立馬揮動牛肉刀進攻

5號既體能同速度比7號好得多，所以仍然可以避過我既刀攻



「可惡，太耐冇揸刀，始終差少少」我心想

說罷，5號就捉住我既右手，一發勁就甩開我手上既刀


「哈，睇黎8號你既身手退步左喎」5號奸笑住

我冇理佢，繼續用連環拳進攻

5號面對號稱Cobra最快拳速既我，亦只能疲於奔命，勉強擋格



「咁快冇氣啦5號，哈哈」

我一下變速，一爪直取5號既小腹

5號亦以一記「百式鬼燒」擋開



不過我既目的，並唔係想打中佢

頭先既一瞬間，足以讓我偷到藏於5號腰間既鎖匙




「阿咲！！阿南！！」

我馬上將鎖匙拋往上層


「係！」
早已埋伏在剛才5號後方既阿咲同阿南應聲衝出，接過鎖匙

兩人接過鎖匙，馬上為阿紫、素素解鎖



「...阿南，點解你地響度既..」阿紫感到不明白

阿南成功替阿紫解開頸鎖:「冇時間解釋啦，我地快d走先啦」



「8號...！！！」5號氣憤得面容扭曲

我笑道:「呵呵！要怪就怪你自己唔小心啦！笑丫！唔係好鐘意笑既咩！」


「去死啦！！！」

5號正想向四人既方向投擲手榴彈

幸好，我及時捉緊5號既右手，再拍走佢手上既...



假既？！

「傻仔！！！呢粒先係真架！！！」


5號將左手既手榴彈擲向阿紫同阿南

「阿紫！小心呀！！！」阿南諗都唔諗就推開阿紫




轟！！！！！



雖然爆炸既範圍未到達佢地既位置
但，足以令阿南頭破血流倒地



「阿南！阿南！！」阿紫馬上衝埋去，不斷叫喊:「唔好死呀！！！」




「屌你老母！！！！！」
望住倒地既阿南同流住淚既阿紫，我已經充滿住雄雄既怒火

「砰！！」
一記勾拳直轟5號既太陽穴

呢一下足以令佢失去知覺



「死啦死啦死啦！！！」我發瘋似的繼續以重拳連擊

5號在毫無還擊之力下，活生生就比我打死