沙...沙...沙

車外既街道正落起毛毛細雨

「平安夜先黎落雨..少有喎...」









「光晨..」坐響我隔黎既阿咲嘆氣:「其實..殺人果種感覺..係點架?」

我食住煙:「唔...開頭第一次,總會有d內疚既..但後來,覺得我殺d人都係罪有應得,就冇呢種感覺啦」

「不過殺人始終都唔岩架,我唔想...阿咲你又學我咁」


「我唔怕...」






我望一望手機:「咦,就夠鐘啦喎,行啦」

「嗯..」阿咲行出車外:「終於..要將一切了結啦」


我笑住阿咲:「阿咲你都冇戰鬥能力,都唔知你黎做乜」

「咁...」阿咲一時答唔出:「咁去幫下手..都可以姐.」

「我唔想..咩都幫唔到手,仲要你幫我報仇..」







我行出車外:「哈哈,咁一陣我打果陣記得匿埋一二邊啦喎,唔係分分鐘打到你飛落街呀」

「嗯..」






我同阿咲經過又一城既寫字樓,上去天台






上到去,卻只見4號一個



4號既表情憤慨,響雨中更感覺到佢既怒火

「終於黎啦,反骨仔!」


我食住香煙,道:「嗯,都係時候做個了斷啦」

「你殺左我地兩個兄弟,呢個仇,我一定要報!」







說罷,4號好如坦克車一樣直衝向我

而我亦只好拎出牛肉刀應戰,先擺下架式擋下佢既攻擊


「以為可以夠我大力!你太天真啦!」

4號一揮右手,差d就將我打飛幾米外
馬上用牛肉刀插地,避免飛出街外

幸好我受過嚴格武術訓練,否則非死則傷


「嘩屌,咁撚大力既」我掉下香煙:「1號話過,Cobra會殺死叛徒最親既人作懲罰,咁點解...你地要殺死0號呀?」





「我冇必要答你!!」

4號響我未回神之際,即以一記子彈拳打中我既上腹

「咳!!」血即時從我口中吐出


「光晨!!」阿咲緊張得大叫

當然我都唔係一味比佢打,隨即舉起牛肉刀砍佢兩三刀


深深既刀傷令佢背脊馬上流血

「哼!仆街!」





4號轉身,以連環拳進攻我既上軸


4號既拳的確係重,但同時並非常之慢

我亦用返我最愛用既得意技,利用佢出拳時既空隙,不斷追打佢既腋下


我笑道:「哈,你仲慢撚過隻豬喎!」

4號已經比我激嬲:「屌你老母!」

佢馬上加快速度,試圖襯我攻得忘我我之際偷打我一擊


不過佢太天真啦

我抓實4號既膊頭,撓到佢既背後

「食屎啦你!」

我不停轟打佢背脊上既刀傷,令佢本來已經深既刀傷流更多血



「呀!!!!」

4號一記手鎚想將我格開,而我亦輕鬆卸去佢既重擊


「仲以為你有進步tim,原來都係得股蠻力!」我摸摸鼻道

4號吐出一口血:「哼,睇黎要呢樣野啦...」


說罷,4號就取出一支針筒,刺向自己既右臂

「呢個..」我心頭一震:「係VAMPS!?」

「冇錯!只要打左佢,你就唔會係我既對手!!」



4號打完針後,成個人青筋暴現,全身既肌肉好似變大一樣

「啊啊呀呀呀呀!!去死啦反骨仔!!!!」

4號既速度竟然可以快到,一瞬間就黎到我既眼前


響我全部無防備下

佢一記勾拳,將我成個人打到飛天咁濟

「呀呀呀呀!!!!」呢一下痛到我忍唔住大叫

接住就一手捉住我

「反骨仔,你今次死撚硬啦!」4號怒道

再將我甩到九尺遠


「光晨!!」阿咲大喊

「唔好過黎呀!」我道


「講埋比你聽啦,我地Cobra根本就冇你所講既果條規則,向來..都係直接殺死叛徒」
「不過,係1號話要殺死你女朋友」


咩話!?


即係話,殺死小蘭,完全係1號一個人既決定...



4號走到黎倒響地上既我既面前

「終於,可以解決你啦!!!!」




唔可以死..唔可以死..唔可以死..唔可以死..

我仲要..殺死1號!!!!


我以空手入白刃擋下佢既拳

「你會後悔,後悔咁撚多口!!!!!!!」

我先以三記左右勾拳轟爆佢既太陽穴


「我!要!殺左你!!!」

4號正想以雙掌,向我左右夾擊

「啊啊啊!!」我用盡全力,以前臂擋下

再一腳將佢踢飛


「去死啦!!!」
被踢開既4號使勁拆下一部分體機,擲向我方


「要死既係你!!!!!」
我用牛肉刀擋住,再全力將分體機推向4號



「呀呀呀呀!!!」

呢一刻既我已經失去理智,將4號推跌至玻璃天幕上



響分體機既重量下,4號只得任我魚肉

「去死啦去死啦去死啦去死啦去死啦去死啦去死啦去死啦去死啦去死啦去死啦去死啦去死啦去死啦」

砰!砰!砰!砰!砰!砰!砰!砰!砰!砰!砰!砰!砰!砰!砰!砰!砰!砰!砰!砰!


我不停咁拳擊既佢既頭顱

眼球、鼻樑、頭骨,通通都被我打爆

甚至腦漿都被我打至噴出



「嘭!!!」



玻璃天幕終於承受不住我既重拳

我和4號,同時墮進商場
已有 0 人追稿