【英雄系列2】無敵光晨: 21

「咦，咁快黎左呀....慕容光晨..」

1號坐響大廳既梳化上，飲住紅酒


「嘿，死到臨頭，都仲要咁嘆」

我周圍打量房內既每一個角落:「嘩...你間屋都幾dup本架喎」

「今晚叫我上黎你度，係咩事呢，陳理美小姐」







「你...應該知道哂所有野啦？光晨」


我吸住煙:「緊係啦，我仲知道，小蘭根本唔應該死」

「0號背叛Cobra，但係你地就冇殺到佢既養女...即係證明你地Cobra根本冇你口中既規矩」





「到底你..係咩原因...要殺小蘭...」



忽然一刻，我諗到一個可能性

「唔通...」

「光晨...你諗到啦..」








1號飲下最後一口紅酒

「因為，我鐘意你」



我不禁問

「係幾時開始既事？」


1號慢慢站起





「由你第一日入黎Cobra，我就已經鐘意左你」

「但係，當我見到你同果個女人一齊，我就好嬲」
講到呢度，佢既拳頭就握緊

「咁岩，你決定背叛Cobra..所以我就將計就計，將果個女人殺死」



聽到呢個殘酷既答案後

我忍住淚
「唔通，你覺得咁樣，我就會鐘意你咩？！」






1號笑道
「光晨，你太睇少女人既妒嫉心啦」

「我..就算得唔到你，都唔可以..比任何人得到你！！」



實在估唔到，平時冷靜既1號，會為左我一個人失去理智



1號攬住我，跟我只有一毫米之隔

「光晨...我真係好愛你，我..都唔想傷害你架」







「唔好玩呢d花樣啦，我唔會中計架！八婆！！」



我馬上將佢推落梳化，舉起槍

「你特登利用2號既手機黎叫我上黎，就係想我黎殺你？」

「你今日響又一城咁高調殺左兩個人，如果再殺埋身為總督察既我，即使你有IID既殺人執照，都應該要坐返幾年監掛」1號微笑道

「我唔怕，我一早預左..」我冷冷道







「嘻，果然嚇你唔到，光晨你真係好man呀」



「砰！」
子彈擊中1號既右胸

「八婆！！」我咬緊牙:「你唔好以為我唔敢殺你呀...」

「好痛呀..哈哈..」1號竟然響度笑緊:「不過..係光晨你射既....就乜都可以架啦」


「砰！」
第二槍打中1號既腹部

「你呢個變態女人！！！」我開始發瘋


1號掩住傷口，繼續微笑

「我之所以..叫你上黎..因為...我就係想..死響你既槍下...」

「..能夠..死響最愛既人手下，都係一種幸褔黎架」




「砰！」

第三槍，正中胸口

血越流越多，1號已經命不久矣

「嘻...特登唔打我要害..光晨..你..好溫柔呀」

「其實..你內心...係有d鐘意我既....係咪呀」





「砰！」「砰！」「砰！」「砰！」「砰！」「砰！」「砰！」「砰！」「砰！」










「咔！」

「光..光晨先生..」門前既素素見到我身上既血:「你..你流左好多血呀！」


阿咲扶住我，返到偵探社

「冇事..死o靚妹點解你次次都覺得我會死架..」


素素低住頭:「咁..我真係好驚..光晨先生你會死..」

我摸住佢既頭:「傻啦，應承左你，要一齊過平安夜架嘛..」


「光晨先生..」素素竟然流起淚:「多..多謝你」




阿咲從雪櫃捧出一個蛋糕

我問:「嘩你幾時買架..」

「我前晚買左架啦，就係想今晚一齊食」






「嗱，依家仲有一分鐘就正式踏入聖誕節啦！」電視中既獎門人開心地大叫

食住蛋糕既素素忽然笑起黎

「做咩呀死o靚妹」我問

素素望住果棵爛鬼聖誕樹:「我咁大個女，都係第一次有人同我慶祝...如果阿南哥哥同阿紫老師都響度..就好啦」

「放心，阿南條友..一定無事既」



「喂！倒數啦倒數啦！！」阿咲成個細路咁

我眉頭一皺:「咩呀..仲倒數」

「一齊啦！！」阿咲將我同素素拉埋一齊:「十..九..八..七..六..五..四..三..二..一..」

「聖誕快..」



「叮噹！」

「邊個咁夜仲禁門鐘呀？」阿咲走埋去打開門


「慕容光晨呢？響邊度？」一個散仔響門口問

「嘿」我笑一笑:「好彩，都岩岩好過到平安夜..」



「我地係西九龍重案組，依家懷疑你同三單謀殺案有關，請你跟我地返警察協助調查」

素素感到難以置信:「唔會架..光晨先生佢.....唔通..」

「嘿..死o靚妹你依家先估到」我吸一口煙

素素講得淚如傾盆:「唔好..唔好呀光晨先生...」





一個鐘前


「咔」我打開車門

「搞掂啦阿咲，返去啦」我吸住口煙

「光晨...你，殺埋果個1號啦？」阿咲問

「嗯..」

「你唔驚...要坐監咩？」

「唔驚，因為...最大既心願已經達成」我踩住油門:「依家..我淨係想兌現對死o靚妹既承諾，返去過平安夜」







「光晨..」

我響臭格既第四個鐘，發叔終於黎到搵我

「你報仇還報仇...搞到咁大陣丈，今次好難幫到你喎」發叔苦笑住

「冇計啦，我都預左」我笑道:「我有哂覺悟架啦，要坐返十幾年監...」



發叔拎出一份印有IID logo既文件

「幾年就唔駛既..我呢個IID高層既求情、你既殺人執照、再加上你殺既人都係美國政府既黑名單，你係咁咦..遁例坐返一個月得啦」

「一個月？！」我都冇估到刑期咁短，事實上我殺4號果陣的確搞得太大

發叔恥笑道:「做咩呀？嫌太短呀？我改返做坐10年囉」

「唔好..因為，出面好似仲有人等緊我」我接住再道:「係喎，Cobra仲有2個成員...」

「岩岩收到巴西方面既消息，佢地都死哂，即係話Cobra已經全滅」

我亦鬆一口氣:「咁都好d..」




呢一個月，根本都唔算坐監

日日響個獨立監倉度訓教食飯

因為，政府都知道，我殺呢d人根本冇錯

只係..我將件事搞得太大


而我亦都對自己做過既事冇後悔

小蘭根本唔應該死，係1號果條八婆特登殺死

如果你以為我會好似d電視劇咁覺得內疚，咁恐怕你要失望了





「慕容光晨...你可以走啦」

獄卒將我既私人物品發還

「雖然我唔知道點解你會淨係入黎坐一個月，但係..都祝你出返去可以重新做人」


我接過物品

「嗯...多謝啦」


「..有人等緊你出去嘛？」獄卒問

「有，不過..佢地都係等呢一個月姐，哈哈」





行出小欖監獄既閘門時

諗諗下，仆街，唔記得左叫阿咲黎接..










「光晨先生！」

素素一野撲埋黎攬實我

「我以為..以後都冇機會見到你啦！」



我不悅:「死o靚妹，點解你硬係會覺得我出事架..比d信心我得唔得姐」

「對..對唔住呀..」

「哈，講笑姐」




「嘩，乜咁齊人呀..醒返啦阿南？」

包住頭既阿南笑到四萬咁口:「嗯..哈哈」

「做乜笑到咁呀？」我望一望佢拖住既阿紫:「哦...哈哈！」


阿紫正笑得幸褔:「多得光晨你，我先知道阿南...嘻嘻！」

「咁阿南你要對阿紫好d啦喎，唔好再成日靠我啦哈哈」



「喂，你淨係唔理我架光晨！」阿咲叉起雙手

「做咩呀？呷醋呀？」我笑道

「痴線啦你！得鬼閒鐘意你呀！」






阿咲遞上火機和紅萬

「..點都好...光晨，歡迎返黎」



我接過，再吸了一口

「嗯..返去啦」



「你呀，返去快d用碌柚葉洗下身呀」

「屌，阿咲你幾廿歲人信d咁既野架！」






無敵光晨 完