難得請到大假,孤身一人既我當然想去個旅行放鬆下。
 
無幾個錢既我,只好去近近地既地方──台灣。
 
唔知點解,今次難得既旅行唔想帶任何人。
 
就好似網絡上咁講,一世人點都要去一次,話走就走既旅行。
 
我無考慮咁多,決定左就立刻起行。
 


GoGoGoGoGoGo !
 
我決定南部開始慢慢玩起,感受下自由既感覺,再一路向北,去大城市邁進。
 
我第一站就係去墾丁,仲租左架電動車,鐘意去邊就去邊。
 
我揸住架電動車,四周圍行。我唔想去啲人多既沙灘同地方。
 
反而我都唔影相唔po ig,我去啲出名既地方同人逼有咩癮姐?
 


於是我一路往南揸,揸到落去一個無咩人去小沙灘度。
 
諗住靜靜地享受一個人既夕陽。
 
係我不遠處,係呢個無人既沙灘度,竟然有個少女坐係岩石上面。
 
呢個沙灘好多岩石,俾人坐上去影相又或者睇日落簡直係一流。
 
見到佢,就有種識英雄重英雄既感覺。
 


識得揀個靚既咸蛋黃黎睇,如同知音人。
 
我地互不打擾大家睇日落既雅興,忽然間覺得自己好似古代既詩人咁,好文藝。
 
呢一種感覺係香港揾唔到,幾正。
 
慢慢夕陽西山,天色都由黃轉紅,而漸變黑。
 
少女一野就跳左落去個海度,我嚇左一嚇。
 
呢度唔係好深,應該無咩野既,只係想玩下水姐(我估)
 
但佢慢慢向大陽既方向行,好快正係見到佢係頭係水面度。
 
我頓時間唔知點反應好,直到佢消失左係水平線上,我先反應過黎……



我即刻沖落水去救佢,無時間容我細想,我只係唔想見死不救。
 
雖然係夏天,但係啲水都係勁凍。
 
我一路游,但搵唔到佢。
 
我向水底既方向探索,終於俾我見到沉緊既佢。
 
身穿白色裙既佢,就咁睇有點恐怖,似隻水鬼。
 
廢盡九牛二虎之力捉到佢,卻發現原來拉一個人上水面係咁困難,因為真係好重。
 
我總不可能依家放手,由佢繼續沉架?
 


係我捉住佢既時候,佢突然間出力咁甩我。
 
我俾佢突出其來既行為嚇左一嚇,估唔到佢會爭扎。
 
但佢只係爭扎左一下,就再無郁過…...我心頭一驚,唔知係咪……
 
我不敢遲疑,立馬開行馬力,用左勁耐先救返佢上水面。
 
唔係講笑,我都差啲死埋一份,我都無氣啦,我又唔係游水健將,閉氣又點會勁得去邊。我只不過係識自由式咁樣鳩游架炸。
 
浮上水面既時候,天色已昏暗,見到有微弱燈光既岸邊,就往嗰個方向游。
 
好唔容易先拖住少女上岸,搵左個安全既地方放低佢。
 
「屌!差啲抽筋呀。」我回順條氣之後就忍唔住爆出黎。


 
我望一望少女,佢身穿白色連身裙,身材姣好,有前有後,就咁目測,唔算好高,又唔算好矮。偏瘦。
 
但樣既話,咁黑睇唔清楚。
 
總而言之啦,都幾乎我口味。
 
我都想好似啲AV咁,就地咁……
 
不過我先無咁變態呀,依家都無力去做呢啲野啦。
 
我一路係度等緊佢醒過黎,一路等…
 
咳咳~~少女有反應,從口中吐出不少水。我唔明點解過左咁耐先吐出黎。
 


少女緩緩企起身,望一望我,問道:「你是誰?」
 
原來係台灣人。
 
我用唔鹹唔淡既普通話同佢解釋,「我…是鳩你的人。」
 
少女眉頭緊皺,思索了一會,「哦,我懂了,原來是你救了我。」
 
少女企左起身,行埋黎,大大力咁括左我一巴。
 
「你為什麼要救我?你讓我死了不就好?你多管閒幹嘛!」佢好恐咁指我黎鬧。
 
究竟我做錯左啲乜?
 
佢再打多一巴,「你知道活著有多痛苦嗎?」
 
佢嗚咽地道:「你知道一個人要去尋死…需要多大的勇氣嗎?」
 
佢再打多一巴既時候,我心中既怒火終於燃燒起黎。
 
「我係…我屎不知道!但屎我去鳩你我也差點無命!」我都企左起身,輸人唔好輸個勢。
 
我高佢成個頭,個勢即刻返黎我度。
 
「喔!」佢一鎚打落黎我心口度,「你為什麼要救我,你為什麼要救我!」
 
「我不能鳩見死不救呀!」
 
少女直勾勾咁望住我,係漆黑中,佢既輪廓漸漸成形。
 
咁樣睇,都算係一個美女胚子。兩行淺淺既淚痕係佢臉容上劃過。
 
「我不管!你救了我,就要負責任!」佢再打多下,但呢一下卻有氣無力。
 
「負…什麼責任?」我不解。
 
「我要你做我的男朋友!」