「好,我答應你,我不會離開你的。」我認真咁講。

姿妮甜甜一笑,呢度甜度岩岩,唔會唔夠甜,又唔會太甜。

我好鐘意佢呢一個笑容,真係好美。

「你說的喔。」佢一野攬住我。

依家就好似世外桃園咁,無其他人既介入,只係單純既兩顆心靠在一起。好多人想揾呢一種愛情,花左好多時間同功夫,而我只係用左短短一晚既時間就得到,已經比其他人好彩架啦。



姿妮坐左起身,「走吧﹗我們去拍照吧。」佢用手掌輕輕咁打落我額頭上面。

我伸出一隻手,佢都好自覺咁拉我起身。

我順住個勢,將佢擁入懷。

「欸﹗你好壞欸,故意的你。」鬧我之餘,不忘笑左兩聲,「嘻嘻。」

「手機拿來。」佢扮到惡咁命令我。



「是的。」我從褲袋中拎出手機,遞俾佢。

擺好姿勢,望住手機螢幕。

我見到姿妮既表情中,閃過一絲痛苦既神情,好似經歷陣陣劇痛咁。

下一秒既瞬間,佢又回復岩先既開心既笑容。

最令我感到奇怪既係,佢既笑容唔似係扮出黎。



唔同我頭先睇錯左?

或者咁岩踩到啲野,所以好痛?

我不以為然,真係有事既話,遲下我點會唔知呀?

所以我都無將呢件事放係心,加上之後都好開心快樂,好自然就將佢拋硃腦後。

但其實事情既發生,係由好細微既事情所組成。
 
開心既一日好快又過完。

我地係床上面攬住姿妮,睇緊電視。

對於電視,我無乜心神去睇,我諗返起頭先我地出去玩既畫面,就覺得我返到香港一定會掛住佢,同埋會回味無窮,成日諗呢度既時光。



「你什麼時候去下一站?」姿妮問我。

「應該明天吧,墾丁也差不多了。」我錫左佢一啖。

我既行為舉止亦都越黎越大膽。其實只不過錫佢既次數變得多左姐。

「我明天帶你去買一些衣服,你這一身衣服已經穿了兩三天了。」

「yeah﹗有新衣服穿﹗」佢開心咁拍起雙手。

岩岩一黎到既時候,間房仲係死氣沉沉咁。

姿妮一黎到,成間房就充滿生氣。



轉眼間,佢好似軟曬咁,無曬力。

「怎麼了?」

「沒有啦,我肚子餓而已。」姿妮調皮咁吐一吐舌頭,樣子甜美可愛。

我又錫左佢一下,「好啦,我出去幫你買。」

「嘻嘻,我要吃冷面,加奶茶。」

我速速買完餵飽佢之後,睇左陣電視,就瞓。

姿妮比我早入睡,但我瞓唔著。

我凝望住姿妮既睡姿,我望得出神。我輕撫佢既秀髮,係佢臉上面針左一下。



再錫落佢細軟既嘴唇,到左呢一刻,我真係忍唔住,沈睡緊既獸性被喚醒起來。

我雙手開始唔安分咁係佢身上面游走.....