揸車送左佢返屋企之後,我都乖乖地咁走左,不竟Joyce係我中學對我最好既一個,不過,問佢住邊問左成個鐘,佢先肯講,搞左咁耐,不知不覺都已經凌晨十二點,但係我連晚飯都未食。




見到屋企樓下有間賣餛飩麵既舖頭,隨便買左個就返屋企食。

屋企?咪住,點解我會黎左半山呢到既?

「傲峰?」唔通呢到就係我住既地方?好彩呢間屋既名都唔係咁難讀。








「喂,仲企係到做咩,仲唔上去?」原來Venus一早已經企左係到。

望住呢間咁大既豪宅,睇落都有三四層,真係睇見都興奮。

「點解你會係到既?」





「就係知你唔識返屋企,睇下你傻愣愣咁企係到,比人打劫都唔知發生咩事。」

「咁行啦。」

「下,我走架啦喎,做你秘書唔使陪訓架喎。」

「啊,唔記得左添,咁你走啦,今日辛苦你啦。」

「再見。」我停係到,望住Venus上私家車,我先安心上樓。








望住門口用既鎖係臉型辨認鎖,咁高端既門鎖我都真係第一次見。

「誠翔返黎啦?」係門口迎接我就係一個好後生既女仔,身穿一件普通T恤加上一條熱褲。

等我諗下佢係邊個先,個日Venus比我個疊文件都有提及到我屋企既人。

啊,我記得啦,佢就係我個妹。

「好心你著返條長啲既褲啦,都十二月啦,唔好到時又冷親啊。」

「知道啦,傻大佬。」記得呢個妹都幾聽話,而且唔單只成績,運動好,甚至係一位入得廚房既女仔,而且個樣咁靚,除左完美,我都唔知可以講咩。可能呢個就係我地家族遺傳既毛病。








行上二樓,亦即係我間房既樓層,打開房門,的確好大,但係好特別,並唔係好有文青氣色既一間房,無咩書櫃,唯一多既就只係電腦,一入到去就好似我個辦公室咁,就有張枱對住門口,唯一唔同既就係張枱上面擺左五部電腦,而係門口右手邊既床邊都有一部電腦。

「哇,使唔使咁誇張,雖然我明雲集團背後係有一個控制世界既計劃啫,都唔使擺咁多部電腦比我控制住下話。」




「咚咚。」

「入黎。」

「做咩?」





「想揾你傾啲野啫。」

「坐。」

因為張大枱實在太多電腦,見人都係用返書櫃隔黎既一張枱,我同老豆互相對坐,等待佢出聲。

「聽日我想帶你見一個人。」

「咩人咁巴閉要你親自同我講?」

「佢將會成為我地集團既董事之一,只係希望你提早了解係佢。」

「你咁講,好明顯佢係一個我唔會喜歡既人,你黎都係為左說服我啫。」





「係,但係都係為你好。」哈,呢個人平時係公司只係搞下啲女同事,玩下股票同樓價,而家又何解咁著緊公司?

「講,佢係邊個。」我食住餛飩麵等佢講。

「佢同你差唔多年紀,醒目仔黎,但係因為係佢老豆公司不被重用,所以想投靠我地,對抗佢老豆間公司,展示自己實力。」

「夠膽同我地公司對抗既唔係得好多,唔通係凌升集團?」

「無錯,就係白天祥個仔,白陸。」

「唔好講笑啦,我地點會收留敵人既仔,你當我地集團係收容所?」

「但係我相信佢,加上佢既能力,你係烽火聯盟既地位就會進一步鞏固。」

「你講咩話!」我立刻將筷子拍係枱上,企起身指住我老豆。





「我同你講,我而家係烽火聯盟既地位好穩定,聯盟既野,你無權管,其他外人都係,我唔需要外人幫手。」

「無論點都好,聽人董事會投票,我都係會提出呢個議案。」

「好,我一定唔會比佢入到黎我地明雲集團。」