今日都係公司都留到好夜,而且天氣越來越凍,Venus,Chole亦都放左工自己一個望住杯紅酒,諗起聽日個個白陸就正式返工,我就煩,不過以我既聰明智慧,相信呢個人不足以令我危險。

「返黎啦,阿哥?」

「係啊,做咩咁夜都未訓?」

「等你阿嘛,見你今日咁忙,煲左蕃薯糖水比你啊。」

「咁好?」





「係啊,我即刻去廚房攞比你啊。」

「唔該阿妹。」

「做咩今日咁好煲糖水既?平時叫你你都唔肯,唔通想煲比天鳴飲?呵」

「咩喎,人地真係想慰勞下你,你就諗埋一邊。」雖然阿妹講就咁講,但係塊面已經紅晒。

「阿哥知道啦,知道你既心意啦,你快啲訓啦,聽日要返學啦。」





「好,阿哥早抖。」阿妹佢其實好慘,老豆成日唔理佢,我就掛住公司啲野,最衰就係老豆趕走阿媽呢個事實無改變到,令到阿妹失去父母愛,好彩佢都生性,識自己照顧自己,唔使人擔心。



「唉,日日都咁煩,如果唔係有咁多錢,我都唔會繼續呢個身份。」我攤係張大床上,彷彿有無盡既空虛圍繞我,的確我地財富可以叫做無盡,不過我已經發覺錢已經唔係最好玩既玩意。









第二朝起身,雖然廚房離我間房好遠,但係都聞到蓮姐係廚房為我地一家烹調既豪華早餐。

「早餐,誠翔。」

「早餐,蓮姐?你唔係係廚房煮緊早餐架咩?」

「唔係啊,今日係阿妹佢話想親自下廚喎。」

「哦,好啦。」




「秋婷,做咩咁好肯起身煮早餐?」





「係咪驚我炒左天鳴?」

「哼,唔好再講,再話要炒左佢我就以後都唔理你。」呢個阿妹真係得意,次次講到天鳴佢塊面都會紅晒。

「好啦,講笑咋,等我幫手攞野出去啦。」

「唔該阿哥。」




今日食既係蕃茄通粉,仲加上一塊芝士,睇黎秋婷真係好鍾意食蕃茄通粉。

「做咩一早就飲凍野啊?」





「橙汁咋喎...」

「屋企無熱朱古力咩,我叫蓮姐冲杯比你飲好無?」

「好啦...」




我地快快手咁食完個早餐,其實屋企個風景都幾正,望住外面個露天游泳池,加上柔和既太陽照射落水面上,比人既感覺好溫暖。




「秋婷,我走先啦。」





「今晚我應該返唔到黎食飯。」

「好啦...」秋婷個樣有啲失落,都怪自己係公司太長時間,不過實在太多野做,想陪個妹食餐飯都唔得,何況而家公司情況咁混亂。




「發叔,今日你車我返公司,我唔想揸車。」

「係既。」








去到公司門口,發現平時停開既車位比人霸左,架車仲要同我同款。

「誠翔...我地泊係第二到?」

「唔使,落車。」

落車既時候,我大力閂車門,表示我不滿,而且仲差啲整爛塊玻璃。

「呵,原來係你啊。」

「你知唔知呢個位係我架?」

「唔好意思,我唔知,同埋我鍾意泊邊就泊邊,唔到你管我。」

我地既保鏢都走過黎,互相對峙住,路過既員工都望住我地。

「哈,架車款都要抄我。」

「我抄你?你啲咁無品味既人根本唔配坐法拉利!」

「喂!你地兩個做咩!」

「王總,你好。」

「白陸早晨。」

「你做咩係到搞事!」可笑,老豆對住外人就笑笑口,對住個仔就好似外人咁,黑口黑面。

「我搞事?好,我就搞事比你睇,我地走,發叔泊架車係到得啦,唔使理。」

我咁做,搞到成條街都因為我泊左架車去對面線而塞住。




「企係到!」今次叫我既唔係我老豆,而係一把女仔聲。

「Venus?」

「同我泊好架車佢。」

「點解。」

「點解?你咁做好幼稚,如果你要對抗你老豆,唔該你用啲明智啲既方法。」

靜默左幾秒,我選擇左去泊好架車。而白陸條友就挨係車身,帶住恥笑望住我。

「哈,咁咪乖囉,要聽話啊。」我回贈佢一下怒視,就跟左Venus返入去公司。




「對唔住,頭先語氣重左。」

「唔緊要,我明既。」我地係辦公室互相對望,不禁有啲尷尬。

「係喎,今日我仍然會動議你加入董事會。」

「嗯。」尷尬既場面依然未被打破,甚至面對面既我倆,感受到對方既呼吸。




「我想問你一個問題...」

「問啦。」

「你覺得我點?」點解女仔咁鍾意問埋啲咁空泛既問題,究竟我點樣答佢好呢...

「唔錯啊,好幫得手,而且心地都好好,個人仲幾靚添。」

「就係咁?」見到Venus個樣唔係好滿意,但係我仲可以講咩?唔通我個160智商對住靚女係無效?

「算啦,唔逼你啦。」Venus毫無表情咁坐係梳發到,打開電腦做野,唔通佢真係唔開心?




「Chole,幫我係十五分鐘後開緊急會議。」

「知道。」




今日一定要成功將Venus帶入董事會,否則我個邊形勢只會更加惡劣。

「今日咁急叫到大家黎開會,同上次既原因一樣,可惜上次比人打斷。」

「就係將Venus,即係我助手加入董事會。」靜默幾秒,大家都將眼光注視到我老豆身上。

「好,我地而家進行投票,同意將Venus加入董事會既請舉手。」

好明顯,我個邊四個人都有舉手,而對面六個人,包括新加入既白陸,都無表達既意欲。

「我同意。」點解...點解白陸佢會舉手...