《廿一歲個年，我成為左隱世富豪》－大結局: 第四十章：身份
「欣婷，烽火聯盟既人揾你。」
「下？揾我做咩啊？」
「你聽下電話先。」
「喂，我係烽火聯盟既秘書長，我地有成員係戰爭受傷，暫時有皮外傷，希望你地可以檢查下內傷。」
「我點知你地係咪烽火聯盟。」
「等陣你就知道，總之將床位預留，你亦要立即幫佢進行治療，我地係之後會比返合適既報酬你。」
「我...」電話已經收線，但係欣婷心裡面依然不甘。
「大家準備，有傷者，輕傷，未知體內情況。」
「輕傷？」
「係。」
「但係仲有好多手術等緊我地做喎。」
「優先。」
「欣婷！呢到有個被坦克輾過既傷者，心跳，呼吸薄弱，要立即進行治療。」
仲有兩分鐘，VIP就到...
「阿威，你地入晒去，幫佢做手術，我轉頭入去。」
「但係...」
「比啲信心自己，護士長！」
「病人黎到，請問李欣婷醫生係邊？」
「呢到。」
「我地入去啦。」
「嗯，希望欣婷等陣可以快啲過黎，個病人就唔使死。」
「你好，而家會送你入去照X光，請問病人叫咩名？」
「我叫王誠翔。」
欣婷將病床停低，互相對望，誠翔就坐左係身。
「原來係你...」
「哈，咁啱既。」
「你究竟係邊個？」誠翔即刻有啲唔想面對欣婷。
「你唔會想知。」
「醫生有權知道病人既身份，然後再進行治療。」
「我咪講左我叫誠翔囉。」
「我要既係你既身份。」
「欣婷，病人越黎越危急啦！」
「得，我即刻過去。」
「你同我睇住佢，幫佢包紮。」
「哦...」呢個妹妹仔，就係上次被誠翔掩住個口。
「等我睇下邊到有傷口...」
「做咩咁驚我咁既？」
「因為上次我掩住你個口？」
「嗯...」
「哈，同你玩下咋嘛，過黎啦，個病人係到，你企開十尺遠，點醫我。」
「係...」
「準備血包。」
「手術刀。」
「準備130，一次！」
「兩次！」
「三次！」
「呼...幫我執手尾，我要去睇返個個病人。」
「欣婷。」阿威叫停左欣婷。
「究竟個個係邊個？」
「佢係誠翔，係烽火聯盟既重要人物。」大家都低下頭，唔明白欣婷點解要同烽火聯盟既人一齊。
「放心，我返黎再同大家講。」
「嗱，包紮好架啦，而家做X光檢查。」
「唔該你。」
「欣婷...」
「你返去啦。」
「個病人...？」
「死亡。」
護士離開左，又剩低欣婷同誠翔兩個人。
「你係咪唔肯答我。」
「我答左你，你會討厭我。」
「你就係烽火聯盟既話事人？」
「我唔會回答。」
「我對你好失望。」
「入去啦。」
誠翔心裡面有啲唔開心，唔希望自己既身份，影響左佢地既感情。
「咪住。」
「做咩？」
「如果我唔係烽火聯盟既人，你會唔會考慮我？」
「我...」欣婷一臉茫然。
「唔知。」
「嗯。」
做完X光，唔需要留院，誠翔就可以離開。
「欣婷。」
「對唔住，令你失望。」
「即係我頭先講啱左？」
「揾一日，我想同你解釋。」
「好。」
誠翔再次返到會議室，而家面臨第二步。
「誠翔，你無事阿嘛？」
「無，下次皮外傷就唔使送我入院，浪費時間。」其實，係欣婷發現誠翔既身份之後，先會咁講。
「係...」欣婷回答。
「我地唔好晒時間，啟動第二步。」
「無錯，今日係統治歷時一個月。」
「將佩戴過天聲集團耳機既人，統一腦部，唔會反抗，只會安分守己咁做人。」
「數據顯示，佩戴過天聲耳機既人有三十億人，死去既有十億。」
「二十億，做住先。」
「係。」
今次開始，就係欣翹做兩日既指揮官，如此類推。
「啟動。」
「即刻有反應。」
「全球革命人士，減至七十萬人。」
「好。」
「將毒氣擴大至九龍。」
「全個九龍？」我問欣婷。
「係。」
「死既人會好多。」
「你第一日係烽火聯盟？」欣婷問我。
「毒氣啟動。」
「大家好，係我地烽火聯盟。」
「我地五個宣布，由今日開始將會嚴密監控你地既一舉一動，加派士兵巡邏，以免大家反抗。」
「下，說好的自由呢？」
男仔一講完，巡邏既直升機立即啟動機關槍，將佢射殺。
周圍既人再無尖叫，逃跑，因為，佢地已經習以為常。
「欣婷，聽講九龍都放埋毒氣啦。」
「咩話！」
「我媽媽仲係屋企。」
「快啲打比佢，叫佢走啦。」
「嗯。」
「你所打既電話號碼，暫時未能接通，請...」相信每一個心急既人，聽到呢個女人既聲，都會想打死佢。
「佢無聽電話...」欣婷眼眶都滿載淚水，阿威亦不知所措。
「我車你過去，應該趕得切。」
「嗯。」
「我出一出去，視察下九龍既情況。」
「嗯，小心。」欣翹再次提醒我。
「準備一架車，我要去全港唯一一間首飾鋪。」
「係。」
呢間野，受三百個士兵保護，裡面賣既亦係最名貴既首飾。
「停車。」
「你好，係王生？」
「係。」
「可以入去。」
真係委屈啲店員，明知無人會黎買野，都要企晒起到預備，好彩佢地今日遇到我。
「你好，請問有咩幫到你？」熟悉既一句話，又回到我身邊。
「我自己睇下得啦。」
「係既。」
「呢到係我地最新推介既鑽石手鍊，用左十二粒鑽石去擺一個迷你心形出黎...」
「得啦，你返埋去先啦。」
「仲有呢...」
「我叫你走啊！」我立即攞把手槍出黎，指住個女店員。
「係，係係...唔好意思。」
出面既士兵都衝左入黎，同樣指住個女店員。
「咩事？」
「帶佢走，以後唔使返工。」
「係。」其實，我諗佢地唔使返工，係一件值得高興既事。
「我想要呢條。」
「好，呢條三千四百蚊。」
「嗱。」
「我地唔收卡...」
「現金？」
「係啊...」
「天鳴，入黎！」
「比三千四佢。」
「買比藍心？」天鳴係我耳邊講。
「唔係。」
「嘻嘻。」
我凝望住天鳴，佢亦急腳返上車。
「買比邊個架？」
「叮，叮，叮。」
「聽電話先。」
「喂，誠翔？」係欣婷。
「做咩喊啊？」
「我阿媽係九龍，但係毒氣已經攻緊過去，你有無方法救我媽媽出黎啊...」
我神情凝重咁諗左一下。
「係邊？你黎觀塘先。」
「好。」
「你自己搭車返去，架車我要，同埋送兩套防毒衣物黎。」
「誠翔你...」
「快！」
「係。」我叫天鳴追踪我GPS，再用直升機將防毒衣物掉落黎。
「你而家係邊。」
「觀塘APM。」
「你等我，三分鐘就到。」
毒氣由荃灣飄散，黎到觀塘起碼要三個鐘頭。
「欣婷，你媽媽係邊？」
「佢無聽電話，亦都唔係屋企...」欣婷將頭先收埋既眼淚釋放，可能見到一個值得信賴既男人，先會願意滴下眼淚。
「你媽媽今日着咩衫？」
「我唔知啊...我一早就返左醫院...」
「你唔好喊住，我帶你去一個地方。」
「阿威，唔該你車我黎，你走先啦，我唔想你有事。」
「咁，你保重啦。」
「總部，我係誠翔，要求五架直升機，一架係APM天台接應。」
「總部收到。」
「誠翔，你去九龍做咩？」又係欣翹既聲音。
「我阿媽係九龍，我要救佢。」
會議室既人聽到，立即心有不滿。
「誠翔！你係咪第一日係烽火聯盟！」
「我...」
「情！要放得低！我命令你立即返黎，毒氣已經加快傳播，已經覆蓋油尖旺。」
「對唔住，你唔派直升機都唔緊要，我會親自揾我阿媽出黎。」我將對講機掉係睇下，再用槍射爆。
「誠翔...」
「多謝你...」
「行啦，時間無多。」
「你媽媽平時會去邊？」
「佢會去公園散步，有時會同人飲茶。」
「啊，我記得啦。」
「嗱，阿女，唔知點解我成日發夢都夢見佢，佢的確係民族既英雄，係革命分子最有能力既一個。」阿媽指住既係孫中山先生。
「你點解會夢見佢既？」
「哈，可能佢有才，又靚仔，係夢裡面，我做左佢老婆喎。」
「阿媽，你真係發夢發上腦啊。」
「邊個叫你老豆死得咁早啊。」
「其實，阿爸佢係咩樣？」
「講下講下，你老豆佢都幾似孫中山。」
「就係咁，你先嫁比老豆？」
「傻女，我識你老豆先夢見孫中山架。」
「嘻嘻。」
欣婷不禁再將眼淚灑脫，而誠翔亦停車，用手將眼淚抹掉。
「係咪孫中山紀念公園？」
「嗯。」
我即刻將馬力開行，開到每小時140公里，只係用左五分鐘，就到左公園。
「媽...」的確，欣婷見到佢媽媽係孫中山蠟像前。
欣婷立即衝過去，同時電話響起，直升機亦係我頭上，估唔到欣翹會追踪我位置。
「媽，我地走啦。」
「女...你走啦，呢到好快有毒氣，我就黎...呼..」
「唔可以架，媽！」
「乖女，你要揾個又醒目，又錫你既男仔啊，最好就靚仔啲啦，等阿媽都可以享下眼福。」
「我會，我會...」
「我地走啦，有直升機啊。」
「喂？」
「王誠翔！你同我即刻上直升機！風炮突然失靈，令到港島既防線失守，走啊！」
「咩話...」我放低左電話，細聲講到。
「誠翔！防毒衣物啊！」
「接住！」天鳴係直升機上將衣物掉落黎，我立即攞過去比欣婷。
「女，揾個對你好既男仔係真架，唔好揾個負心漢，老豆佢對我好好，你放心，我死左，我又可以見返我老公，咁唔係仲幸福咩？」
「媽...我...」
「欣婷，快啲著左佢！」
「比我阿媽著。」
「傻女，阿媽就黎死啦，你睇下。」腳既骨已經露出，更開始發黑，變成灰。
「個個男仔唔錯啊，去啦，幸福，係要親手捉住架。」阿媽係欣婷耳邊講。
「我走啦，我去揾你死鬼老豆啦。」
我拉開欣婷，捉住佢，以免佢做咩傻事，不過，親手睇住自己阿媽由活生生既物體，變成灰燼，係好可悲既一件事。
「著左佢。」
「嗯。」欣婷都好聽話，我地都同時穿著住防毒衣物，避免一死。
「誠翔，多謝你。」
「我...仲以為你會罵我。」
「如果今日無你，我見唔到我媽媽最後一面。」
「其實佢已經有左末期癌症，咁樣乾脆死亡，總比起受折磨好。」
「嗯，你都係一個明白事理既女仔，我地上車啦。」
欣婷依然無表情，睇黎，條頸鏈未係時候送比佢。
（去到第四十章啦，大家留言話我知好唔好睇，或者比啲意見落呢個故事到啦。）