《廿一歲個年，我成為左隱世富豪》－大結局: 第四十五章：反擊
「到啦，我地落車啦。」
欣婷已經係門口等緊我地。
「誠翔！你點啊？」
「帶佢入去先。」
「阿妹你呢？」
「我無受傷啊。」
「好。」
「落地庫。」
「啊...越黎越痛。」
「忍住，好快到。」
去到地庫，我地將佢放係長枱上。
「你地有無手術用或者咩醫療用品？」
「有，等等。」阿天即刻衝左過去攞。
「唔該。」
「哈，估唔到你公司會有呢啲野。」我同阿天講。
「預左有一日會受傷，比人暗殺。」
「訓好啲，唔好講野，而家幫你打麻醉針。」
「麻醉藥唔會好耐，你小心啲，可能會好痛好痛。」
「嗯，我忍到。」
「手術開始。」係有一個環境惡劣，手術，醫療用品提供不足既情況下，依然能夠為病人做手術，果然名不虛傳。
欣婷先將子彈輕輕攞出黎，然後止血，再用步扎住尾指...
「呼...」歷時三個鐘既手術，終於完成！
「你休息下先啦，痛就話我知。」
「幫我做手術個個係你，點會痛呢。」阿天聽到之後係到偷笑，反而欣翹無咩反應。
「係呢，我地下一步會揾到陳希。」
「陳希...？」
「係。」
「佢就係你失散多年既母親。」
「陳希...我阿媽？...」誠翔有啲不敢相信空化集團既總裁就係佢母親。
「你地揾佢做咩？」
「佢有危險，Dennis佢地攞你同阿妹威脅佢。」
「賤人！我地快啲去揾佢！」
「訓低。」欣婷一下就制止左誠翔，唔比佢坐返起身。
「誠翔，你放心啦，伯母就交係我地手，如果我地唔能夠安全帶返伯母返黎，我地條命都唔會安全咁返到黎，所以你放心。」
「嗯，咁，交比你地。」
「咳咳...」
「Dennis...你係邊...」依然受毒氣環繞既奇月唔知Dennis已經離佢遠去。
「咩話？！佢地走甩左？」
「係，我懷疑係阿天佢做。」
「點解要搞我地。」
「因為誠翔比人踢走左，佢地唔服氣。」
「咁你而家係邊？我揾人黎車你。」
「我仲係屠宰場，唔該。」奇月辛苦咁從屠宰場走返出去門口。
「上車啦。」奇月上左架黑色寶馬就離開左...
「我想返屋企先，今日唔去銀河集團開會啦。」
「好，但係我諗你連返屋企既機會都無。」司機透過倒後鏡望去奇月到，見到司機，就係阿天。
「你...係邊個。」
「唉，目中無人，你連我都唔記得？」
「阿天...你帶我去邊，停車！」
「停車，好。」
車的確停左係馬路邊，但係跟住係更多架車包圍住。
「你想坐邊架？」阿天問奇月。
「你...」
阿天先落車，叫人捉左奇月，奇月亦無反抗，因為佢知道，根本無力反抗。
點解阿天佢地知道奇月仲係屠宰場？就係係營救誠翔既時候，將偷聽器都貼左係奇月身上。
「放開我！」
「你地會後悔。」
「哈，你真係咁覺得？」欣翹問佢。
「你地兩個叛徒！」
欣翹用膠紙封住佢把口。
阿天無跟隨車隊，帶住幾個人去揾陳希。
「快啲上車，佢地一定會趁呢個時候去揾陳希，我地唔可以比佢地揾到陳希。」Dennis同佢啲士兵講。
「陳希？」
「我係到，你係？」
「叫我阿天，烽火聯盟，時間無多，跟我走。」
「唔得，我走左，我個仔會無命。」
「放心啦，你個仔係我地到。」
「真係？」
「企係到啦。」
「仲以為自己唔夠快添，好彩趕得切。」
「你...」
「同我捉晒佢兩個！」
「係。」
「欣婷，比我去幫佢地。」
「唔得啊，聽話啦，你傷口會惡化架。」
「有你醫返好我咪得囉。」
「你忍心咩，忍心我要忍住心痛去醫好你？」
「我...」
「對唔住，一個有情有義既人，唔能夠忘本，佢救過我，呢個恩，係時候報。」
「好，既然你要堅持既，我同你一齊去。」
「欣婷，放心，我一定唔會比自己受傷，更加唔會比你受傷，所以...」
誠翔將頭先打剩十分之一既麻醉針打落欣婷到，再錫左佢一啖就離開左。
「Ok，一把手槍應該夠。」
「唔好，都係帶多個手榴彈。」
誠翔扎住超級跑車係馬路上奔馳，好快，就見到有兩架車泊左係空化集團門口。
「睇黎，仲未走，而且，阿天的確被人攔住。」
「唔好過黎！」阿天將手槍指住陳希，然後係後面捉住陳希。
「你...」
「如果我殺左佢，你地就咩都無。」
「你想點。」主導權返返去阿天手上。
「我要走，你地一步都唔好跟過黎。」
「好，你走...」
「讓條路比佢！」
「啊！」陳希一個手踭頂落阿天個肚到。
「你做咩...咳。」
「哈哈哈...」
「捉住佢兩個！」當士兵衝晒過去捉住佢兩個既時候，誠翔卻係背後用槍指住Dennis。
「你想點。」
「全部人同我停手！」
「誠翔？」阿天一面好奇既樣子，點解佢會過黎幫手。
「誠翔？」陳希亦同時醒覺。
「你就係陳希...阿媽？」
「仔？...」陳希開始激動，更將眼淚慢慢落下。
「哈，原來母子重逢，咁我地唔阻你啦，我地走。」
「企係到。」誠翔繼續用槍指住Dennis，槍口已經完全貼近Dennis後腦，佢亦只能夠舉高雙手。
「阿天，帶佢地走。」
「咁你...」
「放心，我會安全返到去，如果返唔到去既話，將我衫袋呢封信比欣婷。」
「嗯。」
Dennis一面不服氣咁望住佢地離開，士兵亦唔敢作出咩行動。
「你想點，人都放左。」
「叫你啲士兵唔好跟過黎，我地上天台。」
「好。」
上到天台，誠翔已經將槍口放低。
「上黎做咩。」
「跳落去。」
「痴線。」
「你係咪唔跳！」誠翔步步逼近，再次舉起槍口。
「我跳，我跳！」Dennis已經企到87層高既懸崖邊，強風更締造左刺激感。
「我數三秒，我比你跳落去，唔係既話，我就一槍射到你跌落去。」
「你自己揀。」
「三。」
「二。」
「一！」
「得啦，我錯！我錯！我唔會再搞你阿媽，唔做烽火聯盟，咩都唔做得未？」
「哈，你覺得我會信你咩？！」誠翔一槍打落Dennis隻腳到，但仲未至於跪低，亦未跌落去。
「呢一槍，係為我係中學時期所挨既苦，而家還返比你。」
「嘭！」
「呢一槍，係你做過咁多壞事，我替天行道黎懲罰你。」Dennis終於跪低。
「對唔住！係我錯，我以性命擔保，我唔會再傷害任何人，傷害地球，唔做烽火聯盟，得未？」
「哈，你自己走啦，我行先啦。」
當誠翔背向Dennis離開既時候，偷偷咁攞出手槍。
「去死啦你！」
「嘭！」好不幸，誠翔比Dennis快一步。
「唉，就知道你會做埋啲咁賤格既行為。」
「誠翔呢？誠翔去左邊？」
「誠翔佢...」欣婷開始痛哭...
「陳希，你坐低先。」
「好。」
「點解啊...點解佢要咁傻啊...」
「佢應該無事既，佢咁聰明，有勇有謀。」
「佢會唔會死架...」
「唔會既...」
「你答我啊！佢會唔會死啊！」
「唔會。」答佢既唔係阿天，而係誠翔，誠翔係門口慢慢行入黎，欣婷亦停止痛哭。
「誠翔！」欣婷衝過去攬住誠翔，緊緊擁抱著。
「誠翔...」陳希亦企左起身。
「等陣先...」誠翔慢慢放開欣婷。
「媽？」
「誠翔，係咪你？」
「嗯。」誠翔亦開始忍唔住眼淚。
兩人慢慢行近，互相凝望，覺得自己好似發緊夢。
「好耐無見啦，媽。」
「嗯，乖仔。」陳希摸摸誠翔既頭髮，互相輕抱著。
「佢就係誠翔阿媽？」
「嗯。」
二人重逢，一切主導權又好似回到誠翔個邊。 （故事即將進入尾聲，情節亦會越黎越緊湊，所以希望大家投票，將你想要既結局話比我知，又或者可以揀Happy Ending定係Sad End）（投票將會係一月十號截至）