一日好快過去,開始珍惜黎緊既每一刻,因為我地唔知有無機會逃脫到。

「阿天,欣翹,你地知唔知點解佢地會揾到IS幫手?」

「係Dennis個阿哥,孖生兄弟,同埋佢地做左交易。」

「Dennis阿哥?」比我諗返中學時候,Dennis的確有阿哥...但係,記憶非常模糊。

「係,誠翔你識佢?」





「唔知,好似有印象,但係諗唔到。」

「唔緊要,你慢慢諗,可能會幫到我地。」




「啊!!」

「你個賊仔!連我班手足既野都偷!同我打殘佢。」係學校裡面,因為我偷左佢手足三十蚊,而比佢地打到半死。





「停手!」

「又係你,好似唔關你事,你唔好阻住晒。」Dennis竟然同緊一個同自己差唔多樣既人講野?唔通佢地係孖生?

「停手啦,細佬。」原來Dennis係細佬。

「我都話唔關你事。」

「你再插手,我連你都打埋。」





「誠翔,起身,我地走。」

「你...」Dennis始終都唔敢動手,因為佢係細佬。

「豈有此理!」




「你無事阿嘛?」

「無,多謝你,點解你知道我個名既?」

「你咁出名,我諗全校都識你。」





「哈哈...係咩。」我都有啲唔好意思。

「我細佬係咁,你唔好介意。」

「點解你地咁唔同?」的確,個樣實在好似,但係性格就完全相反。

「無辦法,有時性格天生係咁,又或者,細佬佢要到大個,經歷過,先會改變。」

「嗯...」

「使唔使帶你睇醫生?」

「唔使啦,我返屋企搽跌打得啦。」





「咁好啦,你小心啲啦。」

「多謝你。」

原來Dennis阿哥救過我一名,但係我呢個忘恩負義既人,連人哋名都無問就走左。




過左幾日,我又見到Dennis,我已經唔知呢個係細佬定係阿哥,所以我決定避開。

「咦,誠翔?」

「你係阿哥?」





「係啊。」

「真係好,好彩唔係你細佬。」

「乜你好唔想見到我咩?」佢講完之後,係到奸笑。

「你...」

「傻仔,連我係阿哥定細佬都唔知,你今次唔會在走甩。」

「救命啊!」

不幸之中,Dennis阿哥又見到我。

「停手!Dennis你夠啦。」





「啊!次次都係你阻住晒!」見到Dennis係口袋到攞左把小刀出黎,我亦到呆左一呆。

Dennis開始衝向赤手空拳既阿哥到。

我亦洞悉到阿哥有危險,用盡畢生力氣跑過去Dennis到,然後一腳踢飛Dennis,佢訓低左之後,我自己都驚訝自己咁夠膽同埋可以咁犀利一野踢飛Dennis。

「誠翔你...」阿哥望住我呆左。

「你無事阿嘛?」今次係我問返阿哥有無事。

「我無啊...」

Dennis依然訓左係地下,相信佢已經昏迷左。

「係呢,你叫咩名,我一直係心裡面都叫緊你做阿哥,唔係幾好。」

「我叫...」未講完,有人係後面一棍打暈左佢。

「你打我地大佬?」

「上!」

當然,我都唔能夠倖免,要遭受體罰。




「誠翔!」我聽到有人叫我,我慢慢張開返對眼。

「你無事阿嘛?」

「我發左夢?」

「係啊,你無端端暈左,嚇死我地。」

「無事,最緊要既係,我已經諗到方法解決。」

「係?」

我將詳細講比大家聽,而我阿媽,阿妹,欣婷同欣翹只需要等待,做野既只有我同阿天。

「大家明白既話,你地幫我地準備一下,阿天我地再傾傾。」


「點?」我地獨自走到一角。

「阿天,多謝你肯幫我,希望呢一次係最後一次。」

「我地今次既行動,風險極之高,你就當打機玩究極難度。」

「我地要潛入機場,將奇月佢地隨行既其中一架飛機騎劫,然後將信號器,雷達通知等等所有野都掉落海,再去揾Dennis個阿哥。」

「每一個情節都係致命,包括揾Dennis阿哥。」

「你知唔知Dennis阿哥身處係邊到?」

「聽講好似係敘利亞。」

「嗯,但係我地一定要快,亦要準,知唔知道?」

「嗯,為左呢個世界,最後犧牲我地兩個,都在所不惜。」

「好。」




係香港去敘利亞大約要十個鐘,希望可以再快啲。




物資,武器,所有都已經預備好,只等待適合既時機出發。

「套衫幾合身喎。」我係走之前都希望氣氛輕鬆啲。

「哈,估唔到之前留低既軍服,而家會用得著。」

「加上面罩,根本無人知道我地係邊個。」

「無錯。」




「欣婷,媽,妹,欣翹,希望你地可以互相照顧,如果無必要都唔好出街,因為毒氣已經差唔多散播到全港,留係呢到,會有物資,食糧,媽,今次行動既落幕就靠你啦。」

「嗯,合作愉快。」




「誠翔,我愛你。」欣婷走過黎,已經眼濕濕,可惜我戴住面具,否則我都會錫佢一啖。

「我都愛你。」




「阿天,行啦。」

「嗯。」

兩個背負重任既男人,由統治世界既大志,轉為拯救世界,你話好唔好笑。




「即使我地完成左,我地都殲滅唔到奇月佢地。」

「唔緊要,最緊要就係佢地唔能夠再做啲咩,我地會毀佢地手腳。」

「嗯。」




我地揸左一架黑色寶馬過去機場,機場外圍已經有非常嚴密既保安,所以係博覽館我地就已經棄車,徒步潛入。

「好緊張,好似打緊機。」

「如果你睇唔清楚,可以開夜視器。」

「好。」係夜晚,相信我地咁樣潛入,都唔會有人見到。

我地經馬路邊進入,以樹作遮掩,但係前面開始係空曠既地方,更加係機場重地。

「阿天,要小心,隨時有士兵巡邏。」

「知道。」




「你地兩個去個邊,我同佢去個邊。」

「係。」好彩,巡邏既人會分散,人數都唔係特別多。

聽見機場有大型飛機同直升機既引擎聲響,就知道個到應該係奇月佢地既隊伍。

「時間無多,要快。」

「好。」




我地順利潛入機場,不過,有人要求我地身份既時候,就逼於無奈將佢地打暈。

「請出示你地軍人身份卡。」

「係呢到。」當阿天扮揾緊既時候,我就將前面兩個士兵打暈,再將佢地搬入休息室,反鎖佢地。




「呢到好似有警報。」

「不如開左佢?」

「雖然仲危險,但係可以引開注意力,上機會容易啲。」

「好。」

我地將警報開啟,見到好多士兵都出左黎。

「快啲睇下咩事!」




「邊個開警報?」奇月問隔黎既士兵。

「唔知,調查緊。」

「我地唔好上機住,費事有危險。」

「但係,我地企係到好似仲危險。」

「都係既...咁上機啦。」

係遠程見到佢地上機,我地都安心。

「你地兩個係到做咩!」我地望向後面,好彩只係一個士兵。

「我地係追擊手,保護奇月。」

「奇月?邊個奇月。」唉,做兵做到連自己大佬都唔知叫咩名...

「個個啊,你望下。」個士兵又真係望過去。

「走啦,費事有人懷疑。」個士兵比我地打暈之後,我地繼續彎腰跑過去機場。




「快!上機上機!」我同阿天排係最後,而之前最後個兩個已經比我地掉左落草叢。

「好,點名!」

大鑊,要點名...

「阿天,你有無睇到佢地兩個叫咩名?」

「好似叫加華同尖美。」

「好。」好彩阿天記得,唔係既話,我地應該死左係機場上面。




「我地而家去緊西班牙,全程既任務就係保護前面個架軍機。」我地坐既係軍用直升機,第一次坐,有啲緊張,唔知使唔使跳傘呢。

「落機之後,啟動敵軍模式,因為唔知西班牙有無人埋伏,所以要打醒十二分精神。」

「知道!」




大家開始休眠,而我同阿天就係到細聲討論計劃。

「點?」

「趁佢地訓緊教,我地先入去打暈個機師。」

「嗯,好。」




當我地正慢慢行緊入去既時候,有人搭住左我個膊頭。

「去邊?」原來係個個軍官。

「無,我地有啲痕,想企起身啫。」

「坐低!」

「係...」




「睇黎唔得喎。」

「我有五支麻醉子彈,呢到有十二個人,未包括前面個兩個機師。」

「你想?」

「用暴力解決。」

「好。」

(結局篇將會維持兩至三章,之後就會係大結局,敬請留意。)