「我地快啲過去。」

佢地過到黎吉普車,我亦打開車門,等佢地快啲上到去。

「邊個揸車?」

「我黎啦。」阿天自己衝左去司機位,而我就坐係佢隔黎。









「右邊,直路上山。」我地離開油站,就開始由個男人教我地行。

「左邊,轉去小路。」

我地一直跟住男人既指示,揸左三四個鐘,終於去到一個小城。

「入去?」





「唔啦,我地會走,多謝你帶我地出黎,入面就係佢地既基地,小心。」

「多謝你地。」佢地帶我地黎,可能拯救左成個地球。

吉普車再次駛動,不過係離開我地。









「我地入去啦。」

城外有人駐守,好彩城牆唔高,可以爬到入去。





「你上去先。」我托左阿天上去,然後阿天再將我拉上去。




「呼,睇黎呢到係人哋屋企。」





「我地快啲走,費事比人發現。」

簡陋既房屋,但係道路平坦無爛路,而我地就開始搜尋Dennis阿哥之旅。




「我地究竟點先揾到Dennis阿哥?」

「偽裝?」

「又黎?」

「嗯,行啦。」





正正係我地前面就有兩個恐怖組織既人,帶住黑色面罩,頭巾,揸住步槍。

「有槍架喎。」

「無問題,一人一個。」

「唉,好啦。」雖然我咁講,但係仍然有啲驚。




「啊!」我一刀插落個人到,不過唔記得掩住佢個口。

「喂,你做咩。」





「走!」睇黎今次要玩捉迷藏,躲避開追截。

「佢地咁快就黎到既?」

「我地去架軍車後面先。」

「好。」




「出黎!邊個殺我地既人?!」我探左個頭出去睇,係一個大隻佬,同樣包到好密實。

「我數三聲。」





「三!」

「二!」

「一!」




「係我地。」咩話!阿天你做咩!

「出黎啦,誠翔。」

「你...做咩。」




「哈,真係大膽,你地好似係奇月同Dennis既士兵,點解要過黎殺我地!」我地依然穿著住奇月佢地士兵既軍服,難怪會比人認出。

「係,我地係佢地既士兵,我地已經背叛佢地,要黎投靠你地。」

「哈,真係好笑,點解我要信你講野,殺我地既人,話要黎投靠我地?」

「捉走佢地,今晚處置!」

「係!」

處置...唔係掛,睇過恐怖分子既處置方法,都幾悲慘...但係我地仲有任務在身。

「走!」




「阿天,你做咩。」我地肩並肩行,而雙手被麻繩綁住。

「如果再潛入既話,我地會浪費好多時間,不如直接入去。」

「如果我地死左點算。」

「入到去就知道會唔會死。」

「好。」我亦暫且相信阿天既行動。




「白陸,有人刺殺我地成員,而家捉左佢地返黎。」

「咁大膽?就等我見識下佢。」

「好似都係香港人。」

「哈,香港人?」

「咁更加要睇下係邊個啦。」




「你地就係呢到訓,訓到今晚就攞出去處殺。」呢到同監獄無分別,不過更加污糟,黑暗。

「唉,睇黎我地真係要死係異鄉。」

腳步聲大大逼近,唔通有人黎見我地?

「有人黎緊。」




「白陸!?」我同阿天異口同聲叫左出黎。

「呵,係你地?」

「Dennis阿哥呢?點解你會係到。」

「你都有今日啦,王誠翔,當日你搞到我坐監,流放敘利亞,好彩,有人賞識我,加入恐怖組織,而家,Dennis阿哥都只係我手下。」

「你...」

「既然兩個大家光臨,就要等你地試下恐怖係咩感覺。」

「白陸,我地今次黎,係要阻止你地。」

「憑咩?」

「雨彈,如果你地肯停止攻擊香港,我地就將雨彈比你地。」

「咩話...你地肯..」

「我唔會再信你。」

「空化集團主席係我阿媽,佢係香港等緊我,你比我同佢通訊就知道真定假。」

「好,呢個就係佢地公司既內部電話,打比佢。」

「好。」

「喂?媽?」

「誠翔?你地點啊,已經成功左?」

「未,白陸係我身邊。」

「白陸...?」

「係啊,你好啊,陳希小姐。」

「你想點?」

「你個仔話比雨彈我地。」

「如果你肯,我地會幫你清除係西班牙既奇月同埋唔將香港屠城。」

「好,但係我要你親自過黎攞。」

「當然,我今晚就會飛過黎。」

「你放心,我唔會傷害你個仔。」

「最好。」

白陸將電話放低,再面對住我。

「Dennis阿哥係邊?」

「唉,真係煩,帶佢過黎!」

「係!」




「呵,到最後你都係無辦法傷害到我,更加要屈服於我。」

「你講咩話!」白陸一拳打落我個肚到,我亦順勢將麻繩鬆開。

「你班恐怖分子,連麻繩都唔識綁。」

「你好野,我唔會放過你!」白陸好憤氣咁離開左。




「捉我過黎做咩!」

「放開我!」聽到遠處有個男人都係講廣東話。




「Dennis阿哥...?」

「你係...」

「我係誠翔,中學時候經常比你細佬欺凌,但係往往都係你救返我。」

「痴線,我無咁既印象,你唔好認親認戚。」果然,因為我既轉生,都令佢忘記左我。




「點啊,傾完未?」白陸再行返過黎,對住我依然係黑面。

「我同佢地無野好傾。」

「哈,好似係王誠翔你親自叫佢過黎。」

「係。」

「我唔識你地,你唔好再煩我。」

「無理由...你真係無晒記憶?」

「我曾經救過你一命。」

「你?」Dennis阿哥用質疑既語氣問我。

「有一次係學校,我認錯左你係細佬,跟住比Dennis打,然後你阻止左佢,佢再攞把刀衝過去你到插你,而我就係後面一腳踢飛佢。」

「你仲讚我好勇敢添。」

「我...?」

「點解,我一啲記憶都無...」

佢開始合上眼,我諗佢應該好盡力諗返之前既事。

「對唔住,我都係諗唔到。」

「得啦,傾夠啦,我地係時候返香港,迎接新既帝國。」白陸先離開,然後我地再次被帶到機場。




「上去!」被推上機既我地,好似完成左任務,只差大家既配合。

「做咩後面仲有咁多架直升機?」我問白陸。

「乜你覺得,我地真係會咁聽話?」

「奇月話肯比核彈我地,你地又肯比雨彈我地,真係多謝都黎唔切。」

「你...」

「相信,你而家都無辦法通知你親愛既母親啦。」

「起飛!」