[旅行鬼故事系列] [陳生返黎啦] 澳門旅遊之陰魂不散的傳教士: （二十一）
「香蕉仔真係好好食呀！」阿奶開心地吃著。
「真係幾好食，佢有少少香蕉味，熱熱地咁幾好食！天賜你都試下啦！」阿詩把一小半送到天賜嘴裏，好不溫馨！
而雷少和冰冰則早已旁若無人的吃著。
看著他們，我不禁也注視著阿奶，希望她也會作出相應的舉動。
只見她回頭看著我，大慨也發現了我在盯著她吧！
她看見阿詩和冰冰正在溫馨地分著吃後，便慢慢走到我面前。
然後拿出了一條香蕉仔，我高興地張開口！
換來的，卻是整個紙袋。
「好啦，見你咁想食，成袋俾你食啦！」她高興地對我說，然後便跑到阿詩身旁。
我好不容易把紙袋從口中拿出來，只見天賜已站在我面前，偷偷地笑著。
「笑笑笑，有咩咁好笑呀！」我滿臉通紅地說。
「無，見你好似好肚餓，連紙袋都食！阿詩咪叫我拎袋香蕉仔俾你囉！」天賜忍著笑道。
「哼！我食！我食！我食！」我把一條又一條的香蕉仔塞進口中！
可惡，為甚麼不是阿奶餵我吃啊！
「食飽啦嘛，咁我地繼續行啦！下一站都係世界文化遺產：聖若瑟修院及聖堂！」天賜對我說。
「又係世界文化遺產？阿詩有無咁鍾意睇呢D嘢呀？」我不解地問。
「又係你地唔參與討論，我咪同阿詩度D啱睇嘅行程囉！」天賜笑說。
「唉......不過算啦，依家就算玩都無心情！」我小聲的說。
「做咩呀？因為明叔講嘅嘢？」天賜小聲的問。
「係呀，頭先明叔咪話有個人走甩咗嘅！我係度諗，如果我搵到果個人，知道咗佢係點走得甩嘅，咁到時有咩事都好，我都可以容易救到阿奶呀嘛！」
天賜輕輕的敲了我的頭一下！
「痴線啦你！邊有人下下諗住出事架！仲有，就算搵唔到果個人又點者，之前果D事咪又係唔知個情況，最後咪一樣無事！你依家咁猶猶豫豫，就算無事都變有事啦！最緊要心要定，我相信有信念就可以無事！」天賜雖然說得很小聲，但每隻字都鏗鏘有力，使我又回復信心！
「係！你講得啱！我又開始諗多咗！」我再次堅定下來。
「子鋒，其實識你咁耐，你真係咩都好，就係當D嘢牽涉到其他人，尤其係一D你熟悉嘅人，你就會開始諗多咗！反而淨係關你事果陣，你就可以奮不顧身咁豁出去！如果你可以兩邊平衡下，咁就好啦！同埋你跟咗我老豆學嘢，等閒小鬼點會係你對手先得架！何況仲有我喺度睇住你，放心啦！」天賜對我說，然後示意我快點追上他們。
「堅定！堅定！堅定！」我在心裏對自己說，天賜說的絕對正確，但我的性格生下來就是這樣，寧願自己受傷也不願看見他人受苦！
我唯一可以做的，就是令我和其他人也不會受苦！
「無錯！心要定！好，繼續開心咁玩！」
定下心神後，我馬上追上阿奶，我可不會忘記這趟旅行的目的，就是跟阿奶更進一步！
至少在離開前要親到她啊！
我們來到聖若瑟修院及聖堂，的確非常漂亮！
跟大三巴的玫瑰院和氹仔那邊的聖母教堂都不同，據阿詩介紹，這裏是巴洛克風格的建築，重點在於清晰可辨的細節！
而當你仔細觀察，的確比之前那兩間教堂來得仔細！
內裏的牆壁、雕像以及裝飾，都來得精細得多，讓我一不小心看得入迷了！
可惜的是，這個地只有聖堂部份是對外開放的，修院是禁閉狀態！
雖然有點失望，但仍不減這裏觀賞的價值！
之後，由於在附近的崗頂劇院星期二是不開放的！
我們在四周觀賞了一會後，便來到旁邊的何東圖書館！
「哇！！！！痴線架，點解可以靚成咁！！！」想不到這話竟是雷少說的。
但我也不感到奇怪，因為這種園林式圖書館，在香港根本不會找到！
而且這裏非常舒適，有種令人放鬆的感覺！
「哇，天賜，我可以喺呢度睇足一日書唔走都得呀！真係好靚！」阿詩挽著天賜的手臂說，天賜也甜甜的看著阿詩！
看著這畫面，我嘗試現學現賣，馬上跑到阿奶的旁邊！
「阿奶，呢度真係好舒服！如果俾我係度睇書，真係可以睇足一日呀！」說完後，我馬上嘗試挽著她。
阿奶卻突然回過頭來看著我！
「哼！你邊會睇書呀！你咪又係掛住睇你果D<<老夫子>>！」
她嘟起小嘴的離開了！
唉，我又失敗了，天賜和阿詩則在一旁看著我偷笑！
「好啦，下一站係邊度咩地方呀？唔會又係世界文化遺產卦？」我看著阿詩。
阿詩微笑著對我點頭：「係呀，我地跟住要去東望洋燈塔！不過距離呢度有D距離，我建議坐的士過去會好D！但我地太多人啦，要分兩架過去！」
「咁就我地三個女仔一架，你地三個男人一架啦！」阿奶挽著阿詩，一副馬上要拉她走的樣子！
「等等！唔好咁心急，陣間我同你地坐！阿詩過嚟同子鋒佢地坐！」天賜還真怕阿奶會就這樣把阿詩拖上的士。
「吓？點解呀？」阿奶嘟著嘴問。
「雖然呢度喺澳門，但以防萬一，有個男仔會好D嘅！同埋呢度得我同阿詩認到路，所以咁樣分係最好架啦！」天賜解釋。
「吓？唔駛咁小心呀？」阿奶說。
「唔緊要啦，都係十分鐘車程，好快到者！」阿詩就像安慰小朋友一樣跟阿奶說。
「好啦，果邊有的士呀！陣間二龍喉公園見啦！」天賜催促阿奶和冰冰上車。
而阿詩則跟我和雷少上了的士。
雖然我們彼此認識，但仿佛很長時間沒有這樣跟阿詩相處了，一時間車廂內竟安靜得有點刺耳！
「子鋒，尋日係咪又發生咗咩事呀？」阿詩率先開口。
「吓？咩......咩事？無呀，無咩特別呀！」想不到阿詩會問這樣的問題，我下意識的撒了一個謊！
一旁的雷少可能為了避免尷尬，一上到車來便閉眼裝睡，這可惡的傢伙！
只見阿詩微微轉過頭來，用一臉懷疑的神情看著我！
不知道為甚麼，阿詩明明是一位文靜而漂亮的女性，可是當她想追問一些東西時，往往能給人造成一種強烈的壓逼感！
天賜啊，我還真佩服你能跟阿詩這樣的和平共處，你們之間就不會有一點小磨擦嗎？
「唉......好啦！等我簡單講俾你知啦！」我怕司機聽到我的說話，會把我們直接送到就近的精神科醫院，所以我壓低聲線，把昨天和今早發生的事告訴阿詩！
「原來係咁，唔怪得你同天賜都怪怪地咁啦！」阿詩低頭沉思著。
「就係咁囉！不過無事嘅，最緊要心夠定！我唔會再有迷網架啦！」我強硬地說。
「你有咁嘅決心係好事嚟嘅！好啦！我決定咗啦！」阿詩回頭對我說。
「決定咗咩呀？」我問。
「跟住落嚟發生咩事都好，我都會幫手睇住阿奶！既然你講到佢地會不斷搵機會，我估喺酒店出事嘅機會率最高！無論咩事都好，我會睇實佢，如果真係有咩事，我一定會想辨法留低線索俾你地！」
「咁樣又唔好，真係有事你即刻嚟搵我地，唔好亂嚟呀！」我急忙對她說。
但阿詩只是強硬地搖了搖頭，絲毫沒有改變她的想法！
天賜啊，對不起，我好像不小心把阿詩拉進這怪事裏了！