[旅行鬼故事系列] [陳生返黎啦] 澳門旅遊之陰魂不散的傳教士: （二十九）
我仔細聆聽著那些聲音，發現這些聲音時而大聲時而小聲；時而悠長時而短暫；時而快速時而緩慢！
這樣的聲音，我能感到有莫名的吸引力！
要不是在這兩日，經過了多次磨練心志的事情，我可能已經被這種聲音迷住了！
我手上結印，施展了降服心魔指印，不知道是否增強了靈力的關係，我馬上穩住心神，心境一片澄明！
「哼！調蟲小技！但……無理由咁簡單架……有古怪！」我心中湧起不安的感覺！
然後，我聽到背後有些奇怪的聲音！
我回頭一看，只見雷少慢慢的從床上站了起來，並開始移動！
而天賜則面露痛苦的表情，額頭不斷冒出汗水！
我馬上走到雷少身旁，只見他緊閉雙眼，目無表情的向著大門方向走去！
「雷少！雷少！可惡！」我在他身旁大喊了兩聲，但也喚醒不了他，只好嘗試用降服心魔指印！
當指印施展後，雷少馬上像脫力了般，倒卧在地上！
我把他拖回床上，然後再對天賜施展指印！
成功施展後，天賜馬上張開雙眼，氣喘吁吁的看著前方！
「天賜，你點呀？」我走到他的身旁。
「我……我無事！頭先我喺夢入面，好似聽到好多人諗聖經咁，我聽咗一陣發現有唔妥，於是我不斷逃走！但無論我去邊都好，果D聲音都好似喺我身邊出現一樣！於是我停低咗，開始凝聚自己嘅精神，但果種聲音有種魔力！我只能夠勉強對抗佢地，之後，我突然感覺到一陣溫暖，然後一陣強光將果種聲音驅散咗！然後，我就醒咗啦！」天賜按著額頭，我馬上拿了一瓶水給他！
「發生咗咩事？」天賜喝了口水，輕聲說。
「我都唔知！我頭先訓訓下扎醒咗，跟住就聽到果D諗經聲！之後就見到雷少好似夢遊咁想走出去！而你就成頭汗，好似好辛苦咁！我施展咗降伏心魔指印之後，雷少就暈咗，你就醒返啦！咦？D諗經聲停咗！」
「停咗？弊！」天賜突然從床上站了起來。
「弊？大鑊！」我也意識到是甚麼了！
我和天賜跑到房門，竟發現房門像被甚麼阻擋著，使我們打不開它！
「仆街！想困住我地？」我運起劍指，向著大門砍去！
然後，阻擋著我們的力量消失了！
在打開大門時，我們發現了地上有一張紙條和匙卡！
「我去追阿奶！」紙上只有這數隻中文字。
「係阿詩嘅字跡！」天賜把手上的紙條搶了過去。
「我去隔離房睇下先！」我用手上的匙卡，打開了阿詩她們的房門。
只見冰冰被綁起了雙手和雙腳，躺在床上蠕動，卻仍不斷想向著門的方向移動！
我馬上衝上前，發現冰冰跟雷少一樣，仍是處於沒有意識的狀態下！
「破！」我對她施展了指印，她馬上停止了蠕動！
我把她鬆了綁後，快速的安置好她，然後便來到天賜身旁！
「點算呀子鋒！佢地唔知去咗邊！我地應該點做？」天賜少有的顯露了他的緊張感！
「呢層……」說實話，我也不知道應怎麼辨！澳門雖然不大，但憑空要找兩個人仍是不太可能！
「哥哥！哥哥！」我和天賜同時聽到一把充滿稚氣的聲音。
「邊……邊個？」我們環視四周，也看不到有人！
「哥哥！係我呀！」一個充滿稚氣的小男孩突然出現在我們眼前。
「咦？係你！」原來是第一日來到時，被我安置在房內一角的小男孩靈體。
「係呀，好恐怖呀哥哥！頭先果D聲好可怕好嚇人呀！」他害怕的說。
「唔好意思呀，哥哥依家要去搵人，你驚嘅話就返去休息下，哥哥返嚟再俾D壇香木你啦！」我現在實在不想管這小鬼。
「哥哥你地去搵咩人呀？」
「我地要去搵隔離屋嘅姐姐呀！好啦，你返去屋度幫我地睇住果位哥哥啦！」我作出摸頭狀，但當然碰不到他了！
「姐姐？係咪一個好高好白嘅姐姐同埋一個矮少少但都好靚嘅姐姐呀？我頭先見到佢地呀！」小男孩說。
「係佢地，係佢地呀！小朋友，你知唔知佢地去咗邊呀？」天賜著急的問。
「我頭先望落街度，見到佢地向議事亭前地果邊行緊呀！」
我和天賜對望了一眼，同時說：「唔通係大三巴？」
「追上去再趕啦！小朋友，唔該晒你呀！我同哥哥依家出去先，返嚟再多謝你啦！記住幫我地照顧呢兩間房入面嘅哥哥姐姐呀！如果再有果D怪聲，你想像一下兩間房有一道隔音嘅牆就得架啦！天賜，拎埋D嘢就行啦！」
天賜回到房間，把帶來澳門的道具都帶出去了！
然後，我們極速跑到議事亭前地，沿路上行人十分稀少！
「頭先隻小鬼話佢地向呢邊行！但……」說到底，大三巴也只是我和天賜的猜想，並沒有任何證據！
「阿詩可能會留低D線索俾我地，我地搵下啦！」天賜緊張的四處找尋，但這又不是甚麼漫畫或小說，哪來這麼多線索啊！
「天賜，你聽唔聽到？」我喊停了天賜，並閉上眼對他說。
「聽到D咩呀？快D幫手啦，佢地唔知會唔會有事！」天賜沒有理會我。
「唔係呀，你聽清楚D，好似有D奇怪嘅聲音！」我繼續閉上眼，仔細聆聽！
「邊有呀……咦……」天賜也停了下來，看來他也聽到了。
「子鋒，好似係呢邊！」天賜開始移動，我也緊隨其後。
我們在黑暗中走過那些街道，終於來到目的地了。
「真……真係大三巴！D聲音愈嚟愈明顯啦！」我說。
「子鋒！你望下！」天賜指著大三巴的牌坊！
我看著那裏，只見一群穿著傳教士制服的骷髏骨，正站在牌坊刖，低頭看著我們，口中仍諗諗有詞，聲音大概就是來自這群非人類吧！
「天賜！救我呀！」在一篇諗經聲中，傳來阿詩的求救聲！
「阿詩？係阿詩呀！」天賜失去了平時的冷靜，拿出了桃木劍，左手拿出了數道符咒，向那群非人類衝了上去！
「天賜！冷靜D！」想不到這話竟會由我口中說出，但我已阻止不了他，只好運起劍指並跟著天賜跑上梯階！
「唔好阻頭阻勢呀！火神咒！」天賜右手拿著桃木劍不斷向前跑，左手的符咒則化成一道又一道的火光，向那些骷髏襲去！
「哇！天賜咁癲架咩？」我充分感受到天賜的靈力不斷澎脹，但明顯地，他發出的能量遠超過他本身的力量，大概是那些符咒有甚麼古怪吧！
由於天賜的瘋狂行動，我們很快的來到大三巴前，那些骷髏已給天賜清除得七七八八了！
餘下少量的骷髏也停止了諗經，只是靠在一旁看著，好像是在害怕那些火焰似的！
在我們眼前，出現了一個奇景，就是那原本只餘下一堵牆的大三巴，此刻竟完完整整的，出現了一座大教堂！
而教堂的大門完全打開了，仿佛在邀請著我們進去，但……明眼人一看也知道這是陷阱吧！
「好！子鋒，行啦！」如果是平常的天賜，大慨會冷靜的想一下對策吧，但現在他毫不猶豫要進去，真令我感到擔心！
「天賜！你冷靜D先！點解……」我抓著天賜的左手，卻發現他的左手正在流血！
「我無事！繼續啦，我要去救阿詩！」天賜想甩開我，但剛剛消耗了大量靈力的他，再加上流血失去了頗多的體力，一時間竟甩不開我！
「你冷靜D先！你咁心急嘅話，到時入到去，連你都俾人捉埋咁點算！」我大聲呼喝，並用指印穩定他的心神，他才稍為冷靜下來！
「對唔住！但阿詩佢……」天賜仍然有點激動！
「冷靜D呀！你仲記唔記得你老豆講咩呀？佢話今次我地唔係D咩大凶之兆嚟！只要我地冷靜D，應該唔會有事架！同埋，今次佢地嘅目的係要阿奶親眼見到我死亡，令佢墮入魔道！目的未達成佢地係唔會亂嚟架！」我用力的按著天賜的肩膊，停止他的顫抖！
「……係……你講得啱！我唔應該咁衝動，我仲應承咗我老豆，你有咩事嘅話去制止你！我……」天賜說到一半，突然像脫力了般跌了一跌，幸好我在一旁扶著他，才不會整個人仆倒在地上。
「點呀？你無嘢呀？」我扶著他坐下。
「我無事！應該係因為失血同用咗太多靈力，加上個人冷靜返，所以突然之間覺得無力者！」天賜搖了搖頭，表示沒有問題。
「天賜、子鋒，救我地呀！」在大教堂裏，再次傳出阿詩的求救聲。
我和天賜對望了一眼，我便說：「好！係時候衝入去啦！」
「吓？唔係，都係等陣先，呢個擺明係引我地入去嘅圈套！我地都係……」我打斷了他的說話。
「唔駛講咁多啦！頭先係因為你失晒常性咁，我先阻止你者！依家你冷靜返就無問題啦！同埋，不嬲我都係做衝動果個架嘛，你搶咗我個角色咁點算！總之，我依家就決定咗衝入去啦，陣間有D咩麻煩咩陷阱都好啦，就交俾你啦！」我充滿信心的說。
「子鋒……好啦！衝入去就衝入去啦！有咩都好，我都會幫你執手尾架啦！」天賜輕輕在我心口上打了一拳！
「放心，唔會要你執手尾嘅！啱啱俾你搞掂晒D骷髏，我都無出過力！依家精力充沛，等我入去，整返套『英雄救美』俾你欣賞下啦！話唔定阿奶知我救返佢之後就會俾我……哇哈哈哈哈！」
「行啦！FF怪！」
天賜敲了我的頭一下，我們便一起進入了大教堂裏！
來吧，管你甚麼魔鬼，如果只是詹姆士那種程度，看我一下子把你消滅掉吧！