「穿越」「權力鬥爭」四年後我做左有錢人: 1.試用期

呢個故事開始之前等我自我介紹先啦
大家好又係我呀宏 如果記得我既話
就會知我係「原來女神係我老婆」個個呀宏
我係一個好容易就有朋友既人 我就覺得自己對人唔差嫁
仲有好多人都同過我講叫我唔好對人太好啦
一陣人地呃左你 你都唔知呀
反而我就覺得做人做事好難樣樣嘢都諗咁多
甚至有好多嘢都唔一定會俾時間你去諗
你可以諗得幾多次？你又有幾多次機會可以諗？
其實我唔係話咩都唔可以諗 只係唔係所有嘢都可以


我一直都以為只要對人好 人地就會對你好
我以為我既付出你最後係會見到嫁
不過自從個日改變左我既諗法

呢一日我約左一個我中意左好耐既女仔
其實呢個女仔一直都知我中意佢嫁
只係佢一直都唔肯接受我炸
但係我一直都冇諗過放棄嫁
因為我覺得終有一日會感動到佢
我知佢最後一定會接受我 會同我一齊



我今日約左佢去一個充滿回憶既地方
因為今日我諗住再同佢表白再一次
我覺得表白應該係一個有回憶既地方先係最好
我唔知今日我會唔會成功 但係如果我得左既
咁呢個地方就會多一個我地既回憶

文文：呀宏今日做咩黎荃灣海旁既？
「文文就係我中意左好耐既女仔
文文係我心目中就好似一個女神咁


今日我見到佢竟然有啲怕羞 就好似第一日見到佢咁」
呀宏：我見我地好耐冇黎 所以今日未約你黎囉
文文：呀宏你記唔記得呀 我地第一次見都係呢到
呀宏：記得呀 其實所有關於你既嘢我都記得嫁
文文：我知呀
呀宏：文文我有樣嘢想問你呀
文文：好呀 你問啦
我：你可唔可以俾一次機會我呀
文文：呢個問題你問過我好多次啦
我：咁點解你仲係唔肯呀？
文文：我唔想最後冇左呢段咁好既關係呀
我：唔通呢段時間你真係睇唔到我既努力？我既付出？
我對你點 你唔係唔知呀 點解你就係唔肯接受我呀
文文：呀宏我知你對我係點呀 你對我真係好好
但係我好驚會傷害到你呀


我：我唔驚 我唔介意呀
文文：你唔好咁啦
我：點解自從你同佢散左 你一直都唔肯接受其他人嫁
點解你唔肯俾個機會自己 俾個機會人呀
唔通你覺得你依家咁 你好開心？你好享受
文文：唔係呀 我點知開心呀
我：俾個機會我好不？有啲嘢錯過左就冇嫁啦
文文：我只係知道感覺失了蹤
我：但係你就係唔知我一直都好努力幫你揾反啲感覺
文文：但係我真係好想會傷害到你
我：不如我咁講啦 如果我地一齊左可能我會受傷
但係依家我地冇一齊 唔通你覺得我唔痛唔難受？
就算唔一齊我都會受傷 咁點解你唔俾一次機會我
至少試過衰左既 我都會放棄啦
但係冇試過 我就點都唔會放棄嫁


試過至少會知道最後會點 試都唔試最後就咩都唔會知
但係你就寧願失去都唔試下
文文：你真係咁想試下？
我：係呀 我好想試下
文文：如果試既話 你想個試用期係幾耐？
我：試用期？
文文：係呀
我：如果真係要有試用期 我會想試用期去到新年
文文：咁長？
我：其實仲有兩個月炸
文文：咁點解你會想去到新年既？
我：因為我應承過你 陪你過聖誕新年 我只係想用呢個身份陪你過
文文：試下先 過左聖誕再睇下點啦
我：就算得十幾日時間 我都會好好珍惜 對你好好嫁
文文：知啦


~~~~~~~~~~~~~~~~~~~~~~~
「文文心入面既說話」
呀宏佢好似好開心咁 但係試用期到左 佢又會點？
點解你份人要咁簡單 一直就只係會對人好
但係就從來都唔識對自己好啲 次次都搞到自己受傷
其實我一直都知你好中意我 對我好好 好珍惜我嫁
所以我都好唔捨得見到你唔開心 見到你受傷嫁
我曾經都有諗過如果我地一齊左會點嫁
不過到最後我都只係諗炸
你知唔知呀 我一諗起試用期我就要親口同佢講
其實我冇中意過佢 我只係想你開心 我就好驚呢一日會到啦 我知到最後你係會受傷 但係我都只係想你試過之後放棄呀 或者我一直以黎我都冇諗過同你有其他關係
或者我只係想你一直都做我呀哥
~~~~~~~~~~~~~~~~~~~~~~~
「呀宏心入面既說話」
文文好多謝你俾呢個機會我呀


雖然我唔知我可以同你一齊幾耐
但係呢段時間我一定會好好珍惜嫁